حصل بيني وبين بنتين في برج المملكة ؟؟

السلام عليكم ورحمة الله وبركاته

مساء الخيرات لأحلى ناس

كيف الحال حبايب قلبي

إنشالله بخير

قبل عدة أيام وأنا معزوم على عشاء في برج المملكة

>>> ياحظك

المهم

<<<< أول مره يعزم هههههههـ

مالكم فالطويلة

جيت للمبنى بعد صلاة العشاء مباشرة انا وخويي

قالي يمكن المعزبين ماجوا خلنا نروح نتحمطر ( نفرفر ) لان يجون

المهم قلت له يالله مشينا وخلني بالمره أشتري جزمة ( وأنتم بكرامة )

<<< تهورة بهذا القرار خخخخخخخخخـ

دخلنا المحل

وليتنا مادخلنا

شفت لي منظر مقزز

ويؤسفني إنه على بنتين سعوديات

لاتذهبوا بالظن بعيداً

شفة البنتين يضحكن مع صاحب المحل ( لبناني الجنسية )

حز في خاطري هالموقف

قسم بالله وقفة دقايق ماأدري وشن ربي حاطني

قال خويي تراك يانايف ملقوف فكنا ولاتهرجهن

<<< ينصح في الأسواق

قالت وحده منهن من زين وجهه عاد يوم يهرجنا

قالت الثانية والله لو إنه وجه خالد عبد الرحمن

المهم زادة الحسرة عندي حسرة اخرى

ينطبق عليهن المثل اللي يقول شين وقوي عين

قلت أقل شي إني حافظن عرضي

قالت وحده ليه وش أنت شايفنا

قلت الله يستر علاك يابنت تحشمي

المهم ذليت إن اللغط يكثر وترفع اصواتنا

إنسحبت من المحل

واردفت تقول

شباب هاليومين مايجون الا بالعين الحمراء

المهم

وأنا اجي على كراسي الإنتظار اللي برا

وانا أكتب هالكلام

اللي وريته ناسٍ واجد

منهم من قال مشاعر ومنهم من قال مجرد كلام

وكل ذي رايٍ أدلا بدلوه

قلت :

خسء خالد عبدالرحمن*وخسء معه كل فنـــان

له شكله ولي شكلي*ولكن أخلاقي تعتلي

وأنتي ايتها الفتاة*لما لاتخجلي على حالك

وجهك من الحياء قد طمس*وفي وحل الدعارة قد غمس

إتقي الله في نفسك*وأحفظي عرض أبيكي ونفسك

تخاطبين من الرجال رجل غريب*وليس بذلك الرجل القريب

تضحكين معه وتقهقهين*ولمن أدلى عليك بالنصح لاتسمعين

بل تجادلينه وتردين عليه الكلام*وتلقين عليه الشتم والملام

ليتني لم ادخل ذلك المحل*ولم ارى مارأته عيناي

رايت اختي في الإسلام تسلخ الحياء*وتراد أخاً لها قد نصحــــــــــــــــــــها

بالله ألم تخجلي على حالك*والكل يمر ويتكلم عليكي

هداك الله من شابه*وأزاح الله عن حيائك ماشابه

ثم ناديت اللبناني وقلت له عط هالورقة البنت اللي هناك

أخذ الورقة وعطاها البنت

أنا ذهبت بعيد ولكن أراقب المحل

قلت يمكن لو بغت تخجل على حالها وشافتني تكابر

أو إن زعلها كلامي تقوم تلاسن وتسب

وإن صار الشي هذا

طبعاً بأكون في نظر الناس أنا المخطي وهي الصادقة

المهم

ماهي الا دقايق

الا والبنت طالعه من المحل وقد صكة كامل وجهها بحجابها و لله الحمد

لذلك بنات المسلمين فيهن خير

بس يبغن اللي يحرك حياهن ويحييه

الله يهدي بنات المسلمين

اتمنى الكلام اللي كتبته ينال إعجابكم

ويكون من عذب الكلام

أخوكم نايف العتيبي

القصة من كتاباتي وسبق أن كتبتها تحت مسميات ( شبابي داورد ) ( ولد الحمايل )

غير ذلك لم أكتب إلا الآن بـ شايب ولكن

وقد قام أكثر من عضو في أكثر من منتدى بسرقة القصة دون إبراز عنوان منقول

لذلك وجب التنبيه