أشوف النور من عيني يضوّي
وأنا ماشي طريقي خطوتين
وكــل ماجيت أقربها واضـوّي
خذاني اللـيل بأسرابه كمين
جلست بحينـهـا كـنّي أهـوّي
وأنا بقلـبي صلاة المسلمـين
أعيش الصمت لحظه واتروّي
على ذكرى مـن أيام السنين
أهنّي عزلتي وأعطيه جـوّي
وأعايش مابقـى فيني دفـين
ياريــح النفل والاغصان زوّي
أباخذ مــن خـوافيها الثّمــين
وأذا بالشـعــر لاوالله تـــوّي
لو اكتب في رجاها وأستبين
انا ودّي بغلاها ويش أسوّي
وأنا عـايـش بالهــدنيا رهـين
صدح صوت اللحن منها مدوّي
يعالج داخلي شي(ن)حزين
يانظره في خفوقي لي تروّي
جميع عروق جسمي للوتين
كحيل العين ورموشه تقوّي
مع خدود(ن) حلاها بحمرتين
يامبسم أنرسم بالوجه لوّي
جميل اللي على شفاهه يزين
لاهب الريح في شعر ه يلوّي
عـلــيها كــل راحـات اليدين
وصدر(ن) لابــدا يمـي يهوّي
وأنا عيني على هالوردتــين
وخصر الريم زاين وأمتــروّي
أذا مالت يسار(ن) مع يمين
حبيبي والشعر لجلك يطوّي
على متني حروف العاشقين
شعر /ماجد الراشد الهيري
الاسد الجريح
صح لسانك ونبضك
مبدع وربي
كُن بـ خير
..][ يالـغـــلا ][..
صــح لـسـانكـ مـلـيون ولايــسدون
بـيـض الله وجــهـكـ ولاهــنـت
سـلـمت وسـلـمـ فـكركـ "الـراقـي"
قـــصيده تـسـتـحـق { الــقــرأة }
بحـق لاتحـرمنا كل مـاهو " مميز "
كاتميز حـضوركـ
أنـتـــظـر جـــديدكـ بــكل(شــــوق)
ولــــكــ …. أحــــترامــ
أخـــوكــ … عبدالله النمران
وهنا اجد محترف
صدح صوت اللحن منها مدوّي
فلتكن
صدح صوتي منها يدّوي
عطري لك
مُبدع كَما عهدنَاك
صَح لسَآنك ودام هتآنك
تَحيتي /~
تسلمين والله على مرورك الكريم والجميل لاخلا ولاعدم
الله يعطيك الف عافيه على مرورك الكريم الله لايحرمني هالطلهه
تسلم اخوي على مرورك الكريم واطرائك الاجمل لاخلا ولاعدم
ماعليك زود اخوي ومرورك وام على الصدر لاخلا ولاعدم