حبك تعدى الوصف / بقلمي 2024.

حبك تعدى الوصف
السلام عليكم ورحمه الله وبركاته هذي اول روايه اكتبها فيها من نسج الخيال وفيها من الحقيقه
اتمنى تعجبكم وتنال احسانكم واتمنى الدعم فمنكم نستفيد حبك تعدى الوصف لكاتبتها"انفاسك سبب وجودي"
عفوا"لااحل ولاابيح نقلها دون كتابه اسمي فهي من افكاري الخاصه"
_____________________________
¤.¤.¤فديتك يالسعوديه¤.¤.¤
_____________________________
سلطان:مساء الخير
ام سلطان:هلاوغلا بولدي اشلونك يمه
سلطان:الحمد لله بخير اشلون رجولك خابرك الصباح تشتكين منها عسى ماتعورك
ام سلطان:لا الحمد لله احسها احسن كبستها لي ساره الله يخليها ليه ويرزقها ولد الحلال اللي يسعدهاويصونها
سلطان:هههههه لنا الله الدعوات بس لسوير واحنا مالنا ولانص دعوه
ام سلطان:لادعيت لك قلت ماابغى الزواج احترنا معاك
سلطان:الله يخليكي لنا ويطول بعمرك ادعي لنا بالهدايه هذا اهم شي
ام سلطان:الله يهديكم ويخليكم ليه يالله يمه قوم بدل ملابس الشغل اللحين يجي اخوك ونتغدى
سلطان:ابشري يمه هذاني قايم
ويقوم سلطان يطلع لغرفته ويدخل الحمام يأخذ شاور محترم والنوم يتراقص قدام عيونه بس يتغدى ويحط راسه
نزل تحت ولقى ساره ترتب الاكل على الارض مع امها
سلطان:هلا سوير ليش غايبه اليوم
ساره:هلا باخوي العود يقولون اليوم ماعندنا محاضرات وغبت
سلطان:وانتي اي واحد يقولك ماعندنا ماتصدقين خبر ماعندكم الا وانتي غايبه حتى ماتكلفين على نفسك تروحين تتأكدين
ساره:ياخي نبغاها من الله الدراسه تجيب الهم والدكاتره يجيبون الغم
ام سلطان:الله يهديكم ماتتركون النجره والهوشه
ساره:يمه نسولف نسولف
سلطان:ايوه نسولف والله ماعندك غير الضياع والتطنيش بس صارفين على الحكومه على الفاضي لافايده منكم ولاشي
ام سلطان:يالله ياعيال الغداء بيبرد يمه طلال يالله تعال
ساره:يالله نخلص الغداء عن دبدوب العايله
سلطان:هههههههههههههههههههه الله يخس بليسك اللحين عاد انتي النحيفه
ساره:احم احم ماتشوف الجسم الفرنسي الرشيق متناسق القوام
طلال:ياهو خلصتوا الغداء عني ماتدرون اني مكروف ومطفر حتى مويه مامعي قيمتها
ام سلطان:يمه اكل واشبع والله يرزقك بعد هالتعب
طلال:امين يمه وانتي ياام الجسم الفرنسي ايش مسويه بالدراسه
ساره:على حطت ايدك قالوا اليوم ماعندنا محاظرات وروقت اليوم بهالبيت ونمت وعينت من الله خير
طلال:ههههههههههه ذكرتيني بجدتي ويجلس يقلدها الحمد لله بخير وعينت من الله خير ههههههههه
ام سلطان:وايش فيها انشالله جدتك ماهي عاجبتك
طلال:افاااا يالوالده زعلت مافيها الا العافيه يكفي انها ام الغالي ويقوم يبوس راس امه يخاف تزعل منه ثم وايش يراضيها
طلال:هاالوالده زعلانه ترى مانقدر على زعلها
ام سلطان:لا مازعلت بس هاذي جدتك وماسوت لك شي حتى تتريق عليها بهالطريقه
ساره:يمه الله يهديك نمزح مافيها شي
طلال:ايوه نمزح
ام سلطان:الله يهديكم بس
فهاللحظه قام سلطان :الحمد لله
ام سلطان:وين يمه مااكلت اجلس كمل
سلطان:يمه انا جالس اكل وانتي قاعده تسولفين مع توم وجيري
طلال:اووه سليطن هنا اعذرني يالاخو ماشفناك
سلطان:الله يرجك طول بعرض وبشوارب ماشفتني
طلال:اعذرني ياوليدي العتب على النظر
ساره:هههههه مقتنص الدور مزبوط
سلطان:يالله يمه انا طالع انام تأمرين شي
ام سلطان:لا يايمه روح نام وريح نفسك الله يهنيك
قام سلطان وطلع لغرفته وماصدق رمى نفسه على السرير وحط راسه على المخده وراح بسابع نومه
ساره:اقول طلال
طلال:قولي
ساره:اخلص بشيل المواعين واغسلها تراي مو جالسه لك والا اقول غسلها انت عادي تصير بنت مره بالاسبوع
قام طلال:اقول لايكثر انا تعبان بروح انام كارف لين قايل بس
ساره:نوم العوافي حبيبي
ابتسم طلال لاخته وطلع يريح اما ساره راحت تشيل المواعين وتغسلهم وترتب المطبخ وبعد ماخلصت راحت للصاله تكمل الروايه اللي بدت فيها امس اما الام راحت تريح متعوده على نومه الظهر
عايله ام سلطان
ام سلطان:لطيفه امراه بااخر الاربعينات ربت عيالها على الخير والصلاح طبعا زوجها مات قبل عشر سنوات بحادث وترك لها اربع من الابناء طبعا كلهم عمليات عشان كذاماجابت غير اربع وهم
1_سلطان عمره 28سنه يشتغل ضابط درس وكافح بعد وفاه ابوه رغم ان عمره كان 18وصار مثل الاب لاخوانه وكان يساعد امه عليهم رغم ان عمانه ماقصروا معاه ومع امه واخوانه
2_سلوى عمرها26متزوجه ولد عمهاعدنان وعندها رنا3سنوات وعمرسنه ونص
3_طلال عمره 23 سنه يدرس تمريض وذحين يطبق شخصيته مرحه ويحب الضحك والاستهبال
4_ساره اخر العنقود عمرها 20سنه تدرس بالكليه تخصصها رياضيات عاد ساره ملح البيت ومايسوى بدونها
طبعا لهم ثلاث اعمام وعمتين وراح تعرفونهم مع احداث القصه
_____________________________
¤.¤.¤فديتك يالسعوديه¤.¤.¤
_____________________________
ام فهد:ميري
ميري:يس ماما
ام فهد:ماصحيت رغد
ميري:انا في يروح يصحي رغد وهي فيه يعصب ويطرد انا من غرفه
ام فهد:الله يهديكي يارغد خلاص ياميري روحي شوفي اشغالك وانا بروح اصحيها
ميري:حاضر ماما
طلعت ام فهد الدرج وراحت غرفه حفيدتها علشان تصحيها
ام فهد:يمه رغد ياحبيبتي يالله قومي تراكي ماصليتي لاظهر ولاعصر يالله ياحبيبتي وقاعده تمسح على شعرها القصير الناعم لان رغد تعصب لو احد صحاها وخاصه ميري بس جدتها غير
تمغطت رغد شويه وابتسمت لجدتها
ام فهد:يالله حبيبتي قومي صلي وبحط لك الغداء تتغدين والشاي والقهوه "عاد احنا بالسعوديه اغلب العايلات يجتمعون بعد العصر او المغرب على دله القهوه وابريق الشاي ومااحلاها من قعده"
رغد:ماما انا اليوم ماعليه صلاه
ضحكت ام فهد:قومي بس الله يغربل بليسك
قامت رغد:خلاص يامامي انا بوضي واصلي وانزلك اوكيه
ابتسمت ام فهد وباستها وقامت :يالله انتظرك تحت
رغد تأشر على عيونها:من عيوني
راحت رغد الحمام تتوضى ونزلت ام فهد تحت تجهز الغداء والشاي مع القهوه وجلست تستناها بالصاله
طلعت رغد من الحمام وفصخت بجامه النوم اللي دايما تقول عنها جدتها انها مو لابسه وهي عباره عن شورت ضيق للركبه وبدي علاقي قصير ولبست فستان موف قصير للركبه منفوش من تحت وماسك من فوق وتحت بنطلون ابيض ماسك لنص الساق ولبست طوق موفي على شعرها لانه ناعم وطايح على وجهها فرشت سجادتها ولبست شرشف صلاتها وكبرت تصلي الظهر والعصر لان الظهر ماصلتها اول ماجاءت من المدرسه رميت رأسها على السرير وراحت بسابع نومه
خلصت صلاتها ونزلت شرشف صلاتها وطبقتها وطبقت السجاده ورميتهاعلى الكنبه عاد رغد غرفتها دوم مقربعه وماكأنها ترتب يوميا
نزلت تحت وشافت جدتها جالس بالصاله تستناها راحت لها وجلست جنبها وضمتها بقوه ودفنت راسها بصدرجدتها:احبك ياماما
ضحكت ام فهد على هبال رغد:وانتي كل هلي يالله ياحبيبتي لايبرد غداك سمي بالله وكلي
تناولت رغد صحن السلطه وسمت بالله وبدت تأكل واخذت الريموت وحطته علىspec toonتحب الافلام الكرتونيه وتنسجم معاها
عايله ام فهد:فدوى امرأه بااخرالخمسينات توفى زوجها وهي صغيره ورفضت تتزوج بحجه تربيت عيالها الصغار وهم ولد وبنتين طبعا ربت رغد بنت بنتها احسن تربيه رغم تمرد رغد ودلعها والفارق بين تربيه عيالها وتربيه حفيدتها والاختلاف والتطور اللي شهدته السعوديه صح ان رغد تصلي وتقرا قران وهذا اهم شي بس مشكلتها ماتغطي وجهها وتحب تتضارب مع اللي يعترض طريقها
1_حصه:بنتهاالبكر متزوجه واسم زوجهااحمد وعندها 3عيال وبنت هذي حصه اخلاقها جنان ومره حنونه مع عيالها ومع بنت اختها رغد وحاسبتها واحد من عيالها طبعا هم انتقلوا لبيتهم الجديد اللي بجانب ام سلطان ومالهم غير اسبوعين حايسين حوسه ماهي طبيعيه كانوا مستأجرين شقه عند الجده بس بعدين احمد لما تقاعد صمم يشتري بيت طبعا احمد يشتغل بالعسكريه وذحين تقاعد شخصيته مع عياله صارم اكتسبها من العسكريه ياويل اللي يغلط وياويل اللي مايسمع كلامه وعيالهم
1_خالد:البكر وعمره 27سنه مشتغله امه له خطابه لكنه مو عاجبه الوضع وابوه مخطط يزوجه وحده من بنات عمانه طبعا خالد يشتغل مدرس وهو ذحين متعين بقريه لان عندنا بالسعوديه نظام كذا اول مايتخرج ويجيه تعيين لازم اربع سنوات بقريه وبعدين يقدم نقل للمدينه
2_الثنائي التؤوم:ناصر وجاسم اعمارهم 25سنه اخذين الدنيا لعب وماعندهم ابدا اي جد كل شي عندهم وناسه وشعارهم طنش تنعش طبعا مخلصين دراسه وناصر نفسه ببعثه اما جاسم مافكر
3_شجن:عمرها 20سنه متأثره شويه من حركات اخوانها تدرس بالكليه تخصصها علم نفس اللي دايما تطبقه على التؤام
2_فهد:هذا ولد ام فهد الوحيد متزوج بنت خالته احلام وعنده3عيال و4بنات وهو يشتغل بالرياض علشان كذا بعيد عن امه ومايجي غير بالاجازات والعطلات الصغيره وزوجته مديره روضه اما هو يشتغل بالسفاره الفرنسيه وعيالهم بالترتيب
1_امل:عمرها 25 سنه مخلصه الجامعه ومخطوبه لولد خالتها فيصل مره هاديه وفيها شويه من الانطوايئه
2_ميسون:عمرها 23باقي لها سنه وتخلص الجامعه هاديه نوعا ما وتحب الحش والقرقر ودايما تجلس على المنتديات الثقافيه
3_فارس:عمره 21سنه يدرس هندسه وطموحاته كبيره ومايحب يقول لاحد عن احلامه لانه على قولته مو لاقي تشجيع فالاحسن يحتفظ فيها لنفسه
4_فواز:عمره19سنه اخر سنه بالثانويه العامه يحب رغد حيييل واحلى شي عنده لما يروحون لجده علشان يشوفها والدراسه اخر همه
5_مروه:عمرها17سنه بااول ثانوي مصرقعه بالمره تحب رغد لانها مثلها
6_صفا:عمرها14سنه ثانيه متوسط فيها هبال مثل مروه وتكره الهداوه وتقول حقت متزوجات
7_عبدالله:اخر العنقود عمره 11سنه اخر سنه بالابتدائي مايحب احد يقوله لا يبغى كل اوامره تنفذ
3_فاطمه هذي البنت الاخيره لام فهد وهي ام رغد قصتها قصه تزوجت ابو رغد رغم انه متزوج بنت عمه وعنده عيال بس عنادها وحبها للطمع خلاها تتزوجه وهو اخذها عشان يربي بنت عمه اللي تحدته انه مايقدر يتزوج عليها وهو نفذ كلامه وتزوج فاطمه وماكمل معها غير سنه وطلقها لان المشاكل كثرت عليه ووصلت للمقاطعه بين ابوه وعمه فما لقى حل غير انه يطلق فاطمه اللي كانت حامل بالشهر السابع ويرجع زوجته بنت عمه وعياله وهدأ الحال بين الطرفين طبعافاطمه مرضت بعد هالطلاق وجلست ثلاث شهور وولدت وجابت بنت سمتها رغد لعل يصير لها من اسمها نصيب وبعد ست شهور خطبها واحد من اصحاب اخوها فهد اسمه محمد وتزوجته وراحت معاه القصيم وتركت رغد عند ابوها اللي ماتقبلتها مره ابوها وطبعا جدتها ام امها راحت لهم وترجتهم يعطونها رغد وهي اللي تصرف عليها ابوها رفض بس مع اصرار زوجته وافق وصارت عند جدتها من لما كان عمرها ثلاث سنوات وطبعا عايله ابوها نسيوها او بالاصح مايبغوها لانها دخيله عليهم ابوها كان يصرف عليها بس بعدين وقف الصرف عليها بضغط من ابوه والعايله يقولوا امها تركتها ومافكرت فيها وانت بعد خل العجوز تصرف عليها وسمع كلامهم وتركها وذحين له سبع سنوات ماشافها ولايدري عنها وابو رغد اسمه عبدالرحمن وعندها منه اخوان واخوات اكبر منها وعندها عيال عم بس ماتعرفهم وحتى من امها عندها اخوات واخوان طبعا انا مااتكلمت عن رغد:عمرها 19سنه اخر سنه بالثانويه العامه تبغى تجيب نسبه عشان تدخل جامعه قسم الديكور
ماتعرف ابوها ولاامها وماتحبهم اصلا واذا جات امهم من القصيم لبيت الجده تروح بيت خالتها حصه ماتبغى تحتك فيها ولاتبغى تعرف اخوانها واخواتها لانهاتكرهاحيل وتقول انها رميتها ولافكرت فيها ونفس الشي ابوها علشان كذا عندها جدتها هي امها وابوها وعيال خالتها حصه تعتبرهم اخوانهاوهم يحسون بالاحراج منها لانها خلاص كبيره والمفروض تتغطى عنهم بس عنادها ولما يروحون للاسواق والمجمعات دايم خالد يتضارب معها بس هي تعرف ناصر يدافع عنها علشان كذا تروح معاه وتتمسك فيه وتدلع عليه وعاد ناصر مايقدر يرفض لها طلب يقول كافي اللي شافته اما جاسم عادي الوضع وشجن تحبها بالمره وحاطتها اختها
_____________________________
¤.¤.¤فديتك يالسعوديه¤.¤.¤
_____________________________
رغد:مامي الله يخليكي بنروح خالتي حصه حاسه بالطفش
ام فهد:يايمه خالتك منحاسه ببيتها خلاص وعد الاسبوع الجاي نروح لها
رغد:اوكيه مامي انا بطلع فوق ابكلم شجونه تبغي مني شي ام فهد:لا حبيبتي ماابغى شي روحي كلميها وسلميلي عليها وعلى امه واخوانها واحمد
رغد وهي تقوم وتبوس جدتها على خدها:حاضر ياماما طلباتك اوامر
طلعت رغد الى غرفتها وعيون جدتها تلاحقها ان الله يهنيها بحياتها ويرزقها ولد الحلال قبل ماتموت
وصلت رغد الغرفه ودايركت مسكت الجوال واتصلت على شجن وقاعده تستنى الرد بس شجن خيبت ظنها وماردت اتصلت على خالتها حصه اللي كانت قاعده بالمطبخ هي وعايلتها ابتسمت حصه لما شافت اسم فانيلا يزين الشاشه طبعا رغد كاتبته لانها تحب الفانيلا ردت حصه:الوووو
رغد:هلا خالتي اشلونك واشلون اللي حولك
حصه:بخير والحمد لله واللي حولي كلهم بخير امي كيفها وانتي كيفك وكيف الدراسه
رغد:كلنا عال العال الا بنتك الهبله ليش ماترد عليه
حصه:هاذي هي عندي تبغينها ماكملت كلمتها الا وشجن تسحب الجوال:هلاوغلا ومليون حلا بااحلى رغوده بالسعوديه
رغد:اوووو من قدي يااشين شجون بالسعوديه والخليج
شجن:اقول تلايطي ترى عطيتك وجه يالله انقلعي يالله وسكرت الخط بوجهها
شجن معصبه:اوووف انا اشين شجون بالسعوديه والخليج
ناصر+جاسم+احمد+حصه هههههههههههههههههههههههههههههههه
خالداللي يكره رغد ويحسها مدلعه وماصخه:بس هذا اللي زعلك كان رديتي عليها وانتهينا
حصه:اشفيك يمه ياخالد بنات خاله ويمزحون ماعمر انتهت مكالمتهم مع السلامه كأن بتحسب عليهم بالفاتوره
ناصر:هههههههههههه والله حاله ياغالب يامغلوب عاد اليوم واحد صفر لرغد عبدالرحمن
احمد :الا على طاري عبدالرحمن ماعمره جاهم والازارهم
حصه:لاوالله له سبع سنين ماشافوه ولاكأن عنده بنت الله يهديه واصلا رغد تقول لو اشوفه ماسلمت عليه حتى امها ماتسلم عليها ولاتداني سيرتها
خالد:والله من العقوق ايش سوت فيها امها علشان تكرها هالكره
ناصر:والله ماعشت حياتها علشان تحكم عليها هالحكم
خالد:اووه الاخ هنا وش الحياه اللي عاشتها يامستر روميو
ناصر:احترم نفسك انا ماادافع الا بالصح وانا حاسبها مثل شجن لاتقعد تألف على كيفك
خالد:ايش رايك تجي تكفخني علشان خاطر الافنديه
لما شاف احمد ان عياله بتقوم بينهم الهوشه حاول يفك الكلام لايتطور :يالله ياعيال قوموا وضوا علشان نلحق على صلاه المغرب
نظر خالد في ناصر نظره استحقار ومشى يتوضا اما ناصر قال انه طالع مواعد اصحابه وبيرجع على الساعه عشره
نظروا جاسم وشجن ببعض وهم نفسهم يعرفون ليش ناصر يدافع عن رغد كل هالدفاع سواء تستاهل والا لا
_____________________________
¤.¤.¤فديتك يالسعوديه¤.¤.¤
_____________________________نزل سلطان الصاله اللي تحت وهو يفكر بالعمليه الجديده اللي كلف فيها لمحاصره احد اوكار الفئه الضاله اللي يحاولون يدمرون هالبلد حسبي الله عليهم
سلطان:السلام عليكم
ساره+طلال وهم يلعبون بلايستيشن:وعليكم السلام
سلطان:وين امي
ساره:بدارها بتقرا قران لين يئذن
سلطان:وانتوا ليش ماتسوون مثلها والا لساعكم صغار
طلال:والله البركه فيك سليطن
سلطان:قوم اشوف توضى بنروح المسجد ماتسمع الاذان ويوجه كلامه لساره بعد ماقام يوضي :وانتي طفي هالزفت وقومي صلي وبعد ماتخلصين سوي فنجان قهوه راسي مصدع
ساره تستهبل:يارجال خلني اسويلك دله رجال فنجان مايسوي شي بالراس المصدع
سلطان مسوي فيها معصب:ساااااااااااااااااره
ساره:اسفين اسفين وحقك على هالخشم روح صل ولما تجي تلقى هالدله والتمره والحلى و……
ماخلها سلطان تكمل كلامها لانه حط يده على فمها:بل بل كل هذا طاقه كلاميه ماتخلص بطاريتك
طلال:هذي امي غلطت فيها مع الهنديه اللي جنبها بدلوا مواليدهم وامي مسكينه مادرت اخذت بنت الهنديه ماتشوف بس قرقر قرقر
ساره:انا بنت الهنديه ياولد الباكستاني ان ماقطعتك بااسناني مااكون ساره بنت ابوها وقامت بتشمخ بوجهه بااظافرها بس سلطان مسكها وطلال شرد برا للباب الخارجي عشان ماتلحقها اما سلطان مات من الضحك على شكل اخته اللي حمر وجهها وهي معصبه وقاعده تسب بااخوها اللي دايما ينرفزهاويعصبها وبعدين يتراضون وطلعت فوق عند امها تشكي من اخوانها
طلع سلطان من البيت ولقى طلال بالشارع يستناه طلال وهو يضحك:اراهن انك انضربت وشمختك اللبوه
سلطان:هههههههه حسبي الله على بليسك طلعت وهي معصبه شكلها بتشتكيك لمنظمه حقوق المرأه
طلال:هههههههههه وانا وين اشتكي مافيه منظمه حقوق الرجل
سلطان:هههههههههه امش بس امش الصلاه بتروح وحكيك مايخلص قال منظمه حقوق الرجل قال
مشيوا سلطان وطلال وراحوا المسجد الجامع القريب من بيتهم
_____________________________
¤.¤.¤فديتك يالسعوديه¤.¤.¤
_____________________________
صلت رغد المغرب ونزلت عند جدتها ومالقتها بالصاله قالت اكيد بالحوش هي تحب تجلس فيه بعد المغرب وطلعت الحوش وبالفعل شافتها جالسه ومعطيتها ظهرها قامت تمشي بشويش لين وصلت عندها ضمتها من ورا وباستها ضحكت ام فهد على دلع رغد وحبها للبوسات:هلا يمه كلمتي شجن
رغد وهي تتذكر:هههههههههههه
فاتك يامامي نص عمرك قلت لشجن انتي اشين وحده بالسعوديه والخليج وصكت الخط بوجهي
ام فهد:حسبي الله على بليسك ماتتركين هالسواليف
رغد وهي لسى تضحك:ههه المشكله تهلي وترحب وتقول احلى رغوده بالسعوديه ههههه وهذا اللي حصلت مني
ام فهد:الله يخليكم لبعض يايمه
رغد وهي تفتح كتابها بتراجع:امين ياماما
فهاللحظه دق جرس الباب
ام فهد:من بيجينا هالحزه
رغد :والله ماادري هاذي هي الشغاله طلعت تشوف مين فتحت الشغاله الباب ودخل ناصر مايدري ليش اختار هالمكان مع انه كان بيروح لاصحابه بس مايدري حس بشوق لهالبيت سأل الشغاله عنهم ودلته عليهم ام فهد سمعت صوته وشافت رغد بفستانها الموفي القصير:حبيبتي رغد روحي البسي عبايه وشيله ناصر جاء
رغد:الله يهديكي هذا نصور اخوي وقامت علشان تستقبله وام فهد مقهوره منها ماهي راضيه تتغطى عنه ولاهي راضيه حتى تلبس عبايه على ملابسها الفاصخه
رغد:هلا والله بنصور اسفرت وانورت
ناصروهو عاجبه شكلها:هلا ببنت الخاله واشلونك
رغد وهي تمد يدها :بخير
ناصر مد يده وهو خايف انها تسلم عليه بالخدود لانه له اسبوعين ماشافها وقال يمكن جدتي خاصمتها ونبهتها ان اللي تسويه غلط وان…بس رغد ماخلت افكاره تكمل لانها ضمته بقوه وهي تقول:وحشتني نصور اسبوعين يالظالم
تنحنح ناصر وهو يشوف جدته فاتحه عيونها على كبرها ويدها على صدرها ومفجوعه لان نادرا ماتضمه قدامهم لانها تستحي من احمد وتخاف من خالد بس اليوم البنت بايعتها بجد
ام فهد:هلا ناصر
فك ناصر رغد منه وراح لجدته سلم عليها وباس راسها:هلافيكي كيف حالك
ام فهد وهي تناظر رغد بنص عين:بخير جعلك بخير يمه رغد روحي قولي لميري تسوي قهوه وشاي جديده
رغدوهي تقوم:انشالله يمه
راحت رغد والتفت ام فهد لناصر:اللحين انت رجال بطول وعرض ماتقدر تهاوشها عاجبك اللي تسويه معك
ناصر وهو منحرج ومايدري ايش يقول:ياجدتي رغد حاسبتني اخوها بس انتم معقدين الموضوع شويه
ام فهد:وجاسم وخالد مو بحسبت اخوانها والا بس انت هاه ماتقولي
سكت ناصر مايدري ايش يقول هو عارف ان هالوضع ماينسكت عليه بس مايقدر يقول لها لانه عارف حنفيتها اللي ماتخلص وهو مايحب يشوف دموع البنات لانه يعرف ان الدموع سبب الضعف والعجز

وعليكم السلام والرحمه..,
.
.
.
حياك الله..,
.
.
القوانين
القوانين ، تحديث جديد ؛
.
.
.
موفقه ..,
.
.

آحب آهنيــــــك على آووول بـــارت
كـان مرآآآ روووعه
وآآآصلي حبي
وبدآآآيه مووووفقه

بسم الله الرحمن الرحيم

,’

بسم الله
و عليكم السلام و رحمة الله

يعطيك العـــافية
إطلعي على هـ الموضوع بـ يفيدك النقد
محتوى الروايات ! / دعوة لـ النقاش ؛

موفقة إن شــاء الله

و مية أهلين و سهلين

,’

ضمني بين الاهداب
شكرا لكي عزيزتي

اذكر الله ياخفوقي
شكرا لمرورك
وسااواصل بااذن الله

على شاطئ النسيان
اشكر لك مرورك

بداية موفقه

كملي يالغلا

انفاسي عطر
تسلمين
اشكر لكي مرورك
ودمتي