تكبر قلبك القاسي و أبد ما همك إحساسي / بقلمي

باك وهذي تككملة البارت

البارت الثاني ..

احمد وهو يكلم نفسه :انت غبي ي احمد يعني لازم تنحط بمواقف مثل ذي مع بنت عمك .
احمد وهو يصعد صادف اخوه فيصل ،فيصل وهو يسخر من احمد.
فيصل بسخرية : ي الله ثبت فينا العقل .‏
‏احمد : خير وش فيك ؟فيصل : ابد مافيني الا كل خير
احمد: وشسمه اذا نزلت انتبه لان بنت عمك بو بندر جالسه مع البنات تحت .
فيصل : يؤيؤ انا كنت اظنها راحت لان البنات اللي مع نويف رحن من زمان .
احمد : ايوا البيت مافي حد الا بس بنت العم وخواتك .
الا انت صحيح وين رايح ؟
فيصل وهو يمشي : الربع طالعين البر وانا بروح معاهم .
احمد : وان شاء الله عطيت الوالد والوالده خبر ؟
فيصل : يب عطيتهم خبر ، ي الله اخليك الحين ي الله انا بطلع سلام .
نرجع الحين للبنات .
ساره وهي تناظر بالساعه :هذا السواق رح يذبحني صار لي ساعة من اتصلت له والى الحين ماجاء
وانا ابي ارجع البيت عشان انام لي شوي واصحى واكتب الواجبات اللي علي .
مرام : الحين اقول لفيصل يأخذك بطريقه لبيتكم .
سارة بأنحراج : لا مايصير وبعدين السواق رح يجي لي .
بذا اللحظة جاء فيصل .
مرام:فيصل فيصل : هلا وش تبين .؟
مرام : ابيك توصل بنت عمك بو بندر لبيتهم .
فيصل : اوكي رح اوصلها خلها تجي وراي .
مرام وهي تناظر في سارة : ي الله سمعتيه روحي وراه .
سارة بحياء : وان شاء الله تبوني اروح معاه بوحدي .
نوف وهي تضحك ع ردة فعل بنت عمها : ايوا وش فيها لو رحتي معاه وحدك هو مارح يأكلك .
سارة : وربي ادري بس استحي اروح معاه وحدي وبعدين ماعمري ركبت معاه بوحدي .
مرام وهي تقاطع كلآم سارة : يالله اطلعي له ، تو متصل يقول ان اخليك تطلعين له .
نوف: ي الله روحي له ترى فصيل مايحب ينتظر حد.
في سيارة فيصل ، سارة اول ماجات تركب صعدت ورى .
فيصل : وين راكبة انتي ؟ تعالي اجلسي بجنبي .
سارة والحيا مقطعنها : لا هنا احسن .
فيصل : الحين انتي شايفتني سواقكم شمس ؟ اقول بلا دلع وتعالي اجلسي هنا .
سارة بعد اصرار فيصل قامت وجلست بجنبه .
في بيت بو بندر كان الكل مجتمع كالعاده , بذا اللحظة دخلت سارة .
سارة ببتسامة : السلام عليكم .
الكل : وعليكم السلام .
سارة وهي تجلس بجنب ابوها : هلا بالغالي هلا بو بندر.
بوبندر بضحكة : وش ذا المحبة اللي نازلتن عليك .
سارة: تعرف يبه اليوم بطوله ماشفتك فااشتقت لك ولسوايفك .ا
م بندر : وحنا لنا الله .
سارة وهي تقوم من مكانها وتروح تبوس راس امها : انتي ي يمه القمر اللي يضوي لي المكان.
بندر وهو يسخر : يؤيؤ وش ذا الرومنسة اللي نازله عليك تصدقين حتى ماعرفناك هههههههههههههه.
سارة بدلع : يبه شف ولدك وش جالس يقول عني .
بو بندر : ي ولد استح عن اختك وخلها بحالها .
بندر : ولد! كبرت وللحين يققول لي ي ولد .
سارة بسسخرية : لانك ولد
بندر بتوعد : اقول بععدين درسك .,
سارة بهمسس : يمه خفت منك .
بذي اللحظه جاء مشعل اللي كان برا مع خويانه .
مشعل : السلام عليكمم .
الكل : وعليكم السلام والرحمة .
بوبندر : وانت كل طالع برا البيت ؟
مشعل : يبه اجلس هنا وش اسوي انا ولد مب بنت عشان اجلس كل بالبيت .
بوبندر بعصبية : هذا ردك علي !
ام بندر وهي تهدي زوجها : ي بو بندر لاتعصب ع شيء مايسوى كل شيء ولا انك تتعب حالك .
بو بندر: ولدك هالتبن هو اللي يرفع الضغط وبعدين انا ماتكلمت له الا من خوفي وحرصي عليه .
مشعل وهو يهمس لبندر : انا الغبي وش اللي رجعني للبيت بذا الوقت والله اني كنت جالس ومرتاح عند حمود .
بندر: انت ماعدت صغير مثل قبل ي مشعل الحين عندك مسؤؤوليات وواجبات واللازم تتقيد فيها .
مشعل ماعجبه كلام بندر له : انا اشوفف ولد خالتي حمود والله ابوه وامه ماعمرهم قالوا له مثل ذا الكلام اللي تقولونه لي بالطالعه والنازله .
بندر : حمود وحيد امه وماعندهم ولد الا هو ومدلعينه بس انت ماعندك عذر .
مشعل: أنا أصعد غرفتي اصرف لي منكم .
سارة : يمه وين ريم فيه مالها حس ؟
ام بندر : ريم بغرفتها نايمه .
سارة بستغراب : ريم مب من عوايدها تنام بذا الوقت .
ام بندر : اليوم ع قلبي رجعت متاخر تقول ان السواق يتأخر عليها وكانت منزعجه منه .
سارة : وهي الصادقة ذا السواق بالمرا زفت كل يتأخر علينا حتى من شوي اتصلت عليه عشان يجيبني من بيت عمي لكنه تأخر علي ،
وبالنهاية جيت مع فيصل ولد عمي .وربي فشله .
بو بندر : انا بكرا الصباح بكلمه وبشوف اخرتها معاه .
سارة وهي تقوم : زين تسسوي فيه .
ام بندر : على وين ي سارة ؟
سارة وهي تتثاوب : بروح ابدل ملابسي وبنام حاستن نفسي بموت من التعب .
ام بندر بحنان : سارة اهم شيء تنامي وانتي متعشية .
سارة ببتسامة: لاتخافي علي انا تعشيت ‏ببيت عمي حتى اسالي نوف اذا مب مصدقتني .
ام بندر وهي تضحك : لا مصدقينك .
في غرفة ريم اللي كانت جالسه ع الاب .
ريم : منو وراء الباب ؟
سارة : فيني ادخل !
ريم ببتسامة : حياتتس واخيرا شرفتي ؟
سارة : والله انا من زمان هنا بس جلست مع العايلة الكريمة ، الا ليه انتي مب جالسه معاهم ؟
ريم بقهر : والله كان بخاطري اجلس معااهم بس علي بحث ولازم باتسر اسلمه للاستاذه .
سارة : الله يكون بعونتس .
ريم وهي تغير الموضوع : الا ماقلتي لي وش سويتوا ببيت عمي ؟
سارة : والله ماسوينا الا كل خير .ريم : بس يعني مارقصتون والله تخيبلتوا ؟
سارة بضحكة : ههههههههه الا رقصنا وغنينا وطلنا الموهب المدفونه كل ابوها ههههههههههههههه والله اني تمنيتك تجين معاي .
ريم تسوي نفسها ازعلت : واضح والدليل انتس جيتي واخذتيني من الكولج
سارة : المهم ماقلت لتس !
ريم والفضول ذابحنها : وشو ؟
سارة : فيصل ولد عمي هو اللي وصلني البيت .
ريم بدهشة : اما!
سارة : ي الله ثبت العقل فيك .
ريم: وش فيك ؟
سارة :ابد بس ردة فعلك عجيبه .
ريم : سارة اتمنى من كل قلبي انك بيوم من الايام تحبين حد .
سارة : هييه وشو احب انتي نسيتي اللي صار لبندر يوم انه حب وششسمها؟
ريم بحزن : بس حب بندر وسهام كان شيء ثاني .
سارة : المهم كل قصة حب لازم تنتهي نهاية فاشلة ماعمري سمعت بقصة حب انتهت نهاية سعيده
ريم : نظرتك للحب من جد تشاؤمية منجد بعد كلامك ذا ماعتقد انه بيجي يوم وتحبي هههههههه.
سارة : بالعكس نظرتي للامور واقعية
ريم : من جد حسيت انتس انتي الكبيرة وانا الصغيرة هع هع .
سارة : اما !
ريم : وربي مدري كيف حسستيني
سارة وهي تطلع من غرفة ريم : ي الله ي الشينه اخليك الحين أنا بطاريتي خلصت وبروح انام ، تصبحين على خير
ريم ببتسامة : تلاقين الخير .

في صباح اليوم الثاني,وفي بيت بو مطلق .
مرام وفي عيونها النوم : صباح الخير ياحلى عايلة بالدنيا كلها
مطلق ببتسامة : وش صاير بالدنيا مرام اليوم صاحية بنشاط .
مرام : انا كل يوم اصحى من النوم بنشاط .
مطلق : اقول اخلصي بسرعة لان اليوم اذا تأخرتي انا مارح انتظرك .
مرام : اوك .
نروح الحين للجامعة اللي تدرس فيها ريم .
ريم وهي تكلم خويتها ابرار : هلا برو وينكم فيه ؟
ابرار : حنا جالسين بالكفتيريا رح تلاقينا باول طاوله في الكفتيريا.
ريم وهي تسكر الجوال : دقايق وجايتن لكم .
في الكفتيريا ومكان ماجالسين فيه خويات ريم .
ريهام وهي تأشر لريم : هنا تعالي .
ريم ببتسامة : صباح الخير بنات
البنات : صباح النور .
‏ابرار : واخيرا وصلتي المحاضرة مابقى عليها شيء وتبدء .
ريم وهي ترتب بشعرها : كل من ذا السواق مايفهم اقول له خذني الكولج الساعة ست
ونص ويعكس الوقت ويجي لي الساعة سبع ونص مدري متى بيفهم علي .
ريهام : الله يكون بعونك عليه ، حنا سواقنا الجديد أخذ له سنة ع ماتعود ع مشاويرنا .
ريم : اما ! يعني انا اصبر ع ذا الحمار الى اين مايتعوذ علينا .
البنات جلسن يضحكن ع ردة فعل ريم .
ريهام وهي تقوم ومعاها دانة : ي الله بنات نخليكم .
ريم : على وين تو الناس .
ريهام : وين تو الناس الحين المحاضرة ابتدئت وحنا لازم نروح لانأخذ غياب .
ريم بقهر : الله يلعنك ي شمس كل منك .
ريهام بضحكة : ههههههه مسكين هالشمس .
ريم : ايوا اضحكي وش عليك
ريهام وهي تمشي : ي الله نشوفكم بعد المحاضرة .
ريم : اوك .
ابرار وهي تناظر بساعتها : ريم خلنا نقوم المحاضرة صار لها ربع ساعة من بدئت .
ريم بدون نفس : روحي انتي انا بسحب ع المحاضرة والله مالي خلق لذي الاستاذه.
ابرار : ي الله ريم تعالي وربي غياباتك اكثروا .
ريم : انا ذا المحاضرة ماعندي اي غياب فيها .
ابرار بعد اصرار ع ريم انها تحضر اقدرت انها تقنع ريم بالحضور .
نروح الحين عند الشباب في المدرسة .
محمد : من جد انك جبان ي مشيعل يعني وش بيصير لو دخنت ذا الزقارة .
مشعل : لا يامحمد السالفة مب جبان بس انا مب تبع ذا السوالف .
محمد باصرار : ي الله مشعل اذا تعزنياشرب من ذا الزقارة .
مشعل اخذ الزقارة من عند ولد خالته وهو كان بالاساس متردد انه يأخذها
مشعل وهو يشرب الزقارة اختنق وجلس يكح .
مشعل وهو فاطس : كح كح وش ذي وربي اني فطست .
محمد وهو يضحك ع مشعل : من جدماانت تبع ذا السوالف .
مشعل : اقول خذ زقارتك ماابيها .
بذا اللحظة كان المدير يعمل دورة تفتيشية ع المدرسة واشتم ريحة الدخان اللي تطلع من الحمام -وانتوا بكرامه –
المدير دخل للحمامات وانصدم بمشعل ومحمد أللي كأنوأ جألسين يدخنون .
محمد بارتباك قط الزقارة بالمغسلة .
المدير بعصبية : قدامي انت وياه ع غرفة الادارة .
محمد : والله ي استاذ ماكنا نسوي شيء .
المدير : بدون ولا كلمه قدامي ع الغرفة .
مشعل وهو يمشي : شفت كل منك الحين وش الحل عشان نطلع من ذا المشكلة .
بعد نصف ساعة وفي غرفة المدير .‏
بوبندر وهو يطلع من غرفة المدير : هذا بحسبة ولدك واللي تبي تسويه فيه سوه جعلك لو تكسره من الضرب مارح اقول لك شيء .
المدير : حنا هالمرا رح نفصله عن الدراسة لمدة اسبوع واذا تكرر ذا الموضوع رح نفصله عن الدراسة بشكل نهائي .
بوبندر : ان شاء الله مارح يعيدها مرا ثانية.
بو بندر طلع من الادارة وكان معصب على ولده.
مشعل بخوف : بشر يبه وش قال المدير !
بوبندر بعصبية :سودت وجهي قدام المدير!
مشعل بارتباك : يبه والله ماسويت شيء وذا المدير يكذب .
بوبندر وهو يمشي عن ولده : دواك بالبيت مو هنا .
بو بندر طلع من مدرسة ولده وكان معصب لان ماعمره دخل مدرسة الا عشان يكرمونه مب عشان يشتكون ع واحد من عياله .
بذي اللحظة جاء محمد : بشر وش قال المدير الى ابوك ؟
مشعل : والله مدري ! بس الوالد شكله معصب بالقوة ، والله يستر من اليوم
محمد : تتوقع افصلونا من المدرسة ؟
مشعل : فال الله ولا فالك وشو اللي افصلونا !
محمد : تقول ابوك طلع من عند المديروهو معصب ، يعني بذمتك وشو اللي بيخليه يطلع وهو بذا الشكل ؟
مشعل بارتباك : حمود لاتقولها ، الله يستر ، الا ابوك وين هو فيه ؟!
محمد : والله ابوي صار له ساعة وهوعند ذا الزفت اللي ينقال له المدير .
مشعل بخوف : قلبي قابضني اكيد افصلونا .
بذا اللحظة طلع بو محمد من عند المدير .
محمد راح يركض الى ابوه.
محمد بتوتر : بشر يبه وش قال لك المدير ؟
بومحمد : لاتخاف رح يفصلونك انت وولد خالتك لمدة اسبوع .
محمد ببتسامة : اوه، ريحتني ي يبه الله يريحك .
بومحمد : اهم شيء لاعاد تعيدها .
محمد وهو يبوس راس ابوه : ان شاءالله ي يبه .
بومحمد : الله يخليك لي ي وليدي .
محمد : يبه انا استأدن بروح لولد خالتي بطمنه المسكين يحسب انه افصلونا بشكل دائم.
بو محمد : اذنك معاك ي الله سلام .
محمد راح الى ولد خالته اللي كان متوتر وموعارف وش بيقول الى ابوه اذا رجع البيت .
محمد بسخرية : وش فيك وجهك منقلب فوق تحت ؟
مشعل : ايوا يحق لك ترتاح وتحط يدك ورجلك بماي باردة.
محمد : وش ذا الكلام ؟
مشعل وهو يقوم بيطلع من المدرسه:وخر عني ماانا بناقصك الحين
محمد لحق مشعل لعند سيارته لكن مشعل ماعطى محمد وجه ومشى عنه
محمد وهو يكلم نفسه : حلو الأخ راح بالسيارة وانا الحين اروح مع منو ؟
نرجع للجامعة وعند البنات .‏
‏في المحاضرة :
ريم بملل : الساعة كم ؟
ابرار وهي تناظر بجوالها : الساعة الحين تسع .
ريم : ي الله الوقت بطيء . متى بس ذي تخلص الق للق بتاعها .
ابرار : راح الكثير وبقى القليل شوي وتخلص .
ريم وهي تحط راسها ع الدرج : الله يسمع منك .
بعد ساعة من المحاضرة .
ريم :برو لاعاد تقولي لي احضري محاضرة ثانية .
ابرار : انا اذا قلت لك احضري فهذا من خوفي عليتس .
ريم بعصبية : تكفين لاعاد تخافين علي
ابرار تنرفزت من طريقة كلام ريم معها:المهم انا بروح المحاضرة ي الله اخليك
ريم : وانا برجع لبيتنا مالي نفس احضر اي حاضرة اليوم .
ابرار وهي تمشي : براحتك .‎ ‎يالله سلام ‎.

بعد ساعات : وفي بيت بو بندر .
ام بندر بخوف : بندر رح شف اخوك وينه فيه هو بالعاده مايتأخر لذا الوقت
بندر يطمن امه: يمه يمكن يكون في بيت خالتي ام محمد ؟
ام بندر : سارة اتصلت لبيت خالتك لكنه مب هناك ، وربي حاستن ان ولدي فيه شيء .
بذا اللحظة كان بوبندر تو راجع من دوامه .
بوبندر لاحظ وجه مرته اللي كان متغير مب مثل العادة .
بوبندر بتعجب : وش فيك يام بندر ؟
ام بندر والدموع في عينها : ولدك مشعل من طلعته للمدرسة للحين مارجع وهو مب من عادته يتأخر لذا الوقت !
بوبندر بتوتر : تلاقينه عند واحد من خوياه اللي دايم معاهم .
ام بندر : بندر اتصل ع ربعه بس مافي حد يعرف شيء عنه .
بو بندر : أكيد هو خايف مني بعد اللي سواه بالمدرسة اليوم !
ام بندر بتعجب : وشو اللي سواه بالمدرسة ؟
بوبندر : المدير شاف ولدك وهو يشرب دخان مع ولد اختك .
ام بندر حست راسها يدور وكانت بتوقع ع الارض لكن بندر مسكها قبل لاتوقع .
بندر بخوف : يمه انا بطلع اشوفه يمكن هو موجود بالحارة وخايف من ابوي !
بندر طلع من البيت وجلس يدور على مشعل اللي محد يعرف هو وينه فيه .
في غرفة بنات بو بندر .
سارة بخوف : ريم انا حاستن ان مشعلفيه شيء
ريم وهي تبعد ذا الفكرة عن بال اختها:لا مشعل مافيه شيء واكيد تلاقينه مع واحد من خوياه اللي دايم جالس معاهم.
سارة : الله يسمع منك ويكون مع واحدمن خوياه .
نروح لبيت بو محمد .
ام محمد : ي وليدي متأكد ماتعرف شيء عن مكان ولد خالتك ؟
محمد : والله يمه ماعرف شيء عنه وبعدين هو مشى عني ولا قال ولا كلمة .
ام محمد : طيب شوف واحد من اللي تجلسون معاهم واسئلهم عنه .
محمد بعصبية : يمه الحين كل خوياني ماسكين خط ع المخذه تبيني ازعجهم .
ام محمد : وولد خالتك؟
محمد : يمه مشعل كبير مب صغير عشان تخافون عليه .
ام محمد : انتوا مهما كبرتوا تظلون بعيوننا صغار .
محمد وهو يدخل غرفته : المهم يمه الساعة ست صحيني من النوم .
ام محمد : ان شاء الله يمه .
جوري : يمه والحين ولد اختك لقوه والله بعده ؟
سهام بسخرية : تحسسوني ان اللي تدورونه ولد عمره خمس سنين مب رجال وش كبره .
ام محمد : انا اقوم عنكم احسن لاأجن
جوري : كذا خليتي امتس تتضايق !
سهام : انا ماخليتها تتضايق والله هي من قبل لااتكلم كانت متضايقة على أختها .
جوري : اقول ليه ماتتصلين لريم تشوفيوش صار ع اخوها .
سهام : وليه ماتتصلين انتي ؟
جوري : امممم لان مااحب اتكلم ع التلفون ؟
.سهام : اشك ان فيك عرق سوداني
جوري : لآآيكككثر مب وقت تنكيتك الحين .
سهام بخبال : احم أحم ،وي زين تنكيتي بذا المواقف
جوري : ي الله اتصلي شوفي الاوضاع كيف !
سهام وهي تتصل لبنت خالتها ريم : شفتي ريم ماترد تلاقينها نائمة ولاتدري بالدنيا .
جوري : الله يسستر .
بذا اللحظة جات جنان وكانت توها صاحية من النوم .
سهام : وانتي كل نوم ؟
جنان : انتي مالتس خص فيني
سهام : انا أتكلم عشان مصلحتك ي الخبله .
جنان : انا اعرف مصلحة نفسي ولا أبي نصايح من أحد.
سهام بسخرية : والدليل مطلقة وجالسة ببيت ابوك .
جوري بعصبية : سهام !!
سهام بعصبية : خلني اتكلم ي جوري الى متى وحنا ساكتين عن تصرفاتها المتهورة ؟
جنان بعد ماسمعت كلام سهام رجعت لغرفتها وهي تبكي .
جوري بعتاب : سهام يعني وش استفدتي من كلامك كذا معاها .
سهام بقهر: المفترض كذا نتعامل معاها مب نعطيها ع كيفها .
جوري بتعجب : وش تقصدين بكلامك ؟
سهام وهي تبكي : انتي اكثر وحدة تعرف القصد من كلامي .
جوري وهي تهدئ اختها : خلاص سهام لاتسوين في نفسك كذا .
سهام: مب بيدي ي جوري والله مب بيدي وخصوصا اذا شفتها أكرهها أكثر.‏
‏جوري : لكن انتوا خوات ومايصير تكرهون بعض.
سهام وهي تمسح دموعها قامت وروحت غرفتها .
جوري بحزن : الله يعطيك ي سهام ماانتي تتمنينه .
نروح لعند جنان اللي كانت تبكي من كلام أختها اللي جرحها .
جنان وهي تتذكر :
بندر برجأ : انتي حاولي فيها يمكن تغيررايها وتوافق علي .
جنان بتردد : انا صراحتن ماابي اقنع اختي بشيء هي ماتبيه .
بندر : لكن هي تبيني وشو اللي غير رايها ؟ وشو اللي خلاها تتخلى عني بكل بساطة !
جنان بخبث : مدري وشو اخبرك ! لكن قبل أسبوع سمعت سهام تكلم واحد بالجوال
وكانت تقول له انها رح تسوي المستحيل عشان ماتتزوجك
بندر والصدمة واضحة على ملامح وجهه : انتي تمزحين والله شنو ؟ جنان لاتجنني معاك وش ذا الكلام قولي لي كلام غير ذا
، وبعدين انا واثق من سهام ومستحيل تخونني .
جنان بزعل : انا ليه بكذب عليك بموضوع مثل ذا ؟
بندر : انا ماقلت لك انك كذابة بس كلامك مايدخل بالعقل .
جنان وهي تمشي عن بندر : المهم الكلام اللي صار الحين ماابي حد يعرف فيه ،
لان لو سهام عرفت باللي قلته رحتزعل علي ومارح تكلمني مرا ثانية.
بعد سبوعين ع اللي صار .
ام بندر ببتسامة : خيتي حنا نبي جنان لبندر .
ام محمد كانت علامات الدهشة ع وجهها لانها اللي تعرفه ان بندر لسهام وسهام لبندر فشنو اللي غيرذا الكلام ؟‏!‏
ام بندر : شنو قلتي يا خيتي ؟
ام محمد تحاول تغير ملامح وجهها ببتسامة متصنعة: والله الراي راي البنت
ام بندر : وانتي شنو رايك !
ام محمد برتباك : بندر خوش ولد وكل بنت تتمناه يكون لها .
بذا اللحظة ام محمد كانت تفكر بردة فعل سهام اللي أكيد رح تنصدم بالخبر .
ام محمد : دقايق وانا راجعتن لك بشوف راي جنان بالموضوع .
بعد دقائق وفي غرفة جنان :جنان بفرحة : انا مواافقة ي يمه
ام محمد بصدمة : متأكده ي بنتي ؟
جنان : يمه ولد خالتي مافيه شيء يخليني اعترض عليه وارفضه .
ام محمد : هذا أخر كلام عندك ؟
جنان : ايوا ، الا انتي يايمه ليه مب فرحانتن لي ؟
ام محمد : انتي تعرفين ان سهام تحب ولد خالتك وطول عمرها تنتظر اليوم اللي هو يتقدم ويخطبها لكن….. !
جنان وهي تقاطع كلام امها : لكنه الحين خطبني انا بدل مايخطبها !
ام محمد بحزن : ايوا .
جنان بزعل : يمه يعني الحين مارح تفرحين لي مثل ماتفرح اي ام لبنتها .
ام محمد ببتسامة حزن : يمه اكيد رح افرح لك .
بذا اللحظة قطع شرود جنان صوت الباب .
جوري بخوف : جنان افتحي لي الباب .
جنان وهي تصارخ : ماابي حد يكلمني .
جوري : مب ع كيفك افتحي لي الباب .
جنان بعصبية : انتي ماتفهمين مارح افتح الباب لحد .
جوري : رح اخبر امي باللي يصير اذا مافتحتي الباب .
جنان بذا اللحظة اسكتت عن جوري اللي كانت واقفة بجنب الباب تبيها تفتح لها .
بذا اللحظة جاء بو محمد اللي سمع اصوات بناته .
بو محمد بعصبية : وش فيك انتي معاها ؟
جوري بارتباك : ابي أدخل الغرفة وجنان قافلتن الباب عليها ومب راضيتن تفتحه لي
بومحمد وهو يضرب الباب : جنان افتحي الباب .
بعد لحظات جنان فتحت الباب وكان واضح من وجهها انها كانت تبكي .
بو محمد بخوف : جنان وش فيك كذا ؟
جنان بتعب : مافيني شيء بس شوي ارهاق ورح يروح .
بومحمد : ماتبي تروحين المستشفى ؟
جنان ببتسامة تعب : لا يبه صدقني شويتعب وبعد شوي رح يروح .
بومحمد ببتسامة حنان: اذا تبين تروحين المستشفى تعالي لي .
جنان : ان شاء الله .
جوري بخوف : جنان لاتسوين كذا بنفسك تكفين .
جنان ارجعت تبكي .
جوري : الحين انتي ليه تبكين ؟
جنان وهي تمسح دموعها : انا اتعذب يجوري خلاص مقدر ع نظرات سهام لي
جوري : سهام مهما سويتي لها فقلبها طيب ولاتحقد على حد .
جنان : بس انتي ماتشوفين كلامها لي .
جوري : محد يقدر يلومها ي جنان انتي كل شيء يحزنها سويتيه لها .
جنان رجعت تبكي : انتوا ي جوري تظنون اني كنت مرتاحة مع بندر ،
وربي كل يوم اتعذب تخيلي تعيشين مع شخص عقله وقلبه مب معاك واذا جاء ينادي ع اسمك ينادي
ع اسم وحده غيرك ، قولي لي ي جوري وش رح تسوين ماتقولين لي .
جوري ماكانت تدري ان أحتها كانت تعاني كذا مع بندر .
جوري بحنان : انتي الحين ارتحتي منه .
جنان : بس ماارتحت من نظرات سهام وكلامها اللي بالطالعة والنازله تسمعني اياه تعبت ي جوري والله تعبت .
بعد ساعة جنان نامت وهي تبكي .
جوري ماهي بعارفة شنو تسوي لسهام و جنان اللي كل وحده فيهم انجرحت جرح الايام مارح تقدر تداويه ! :[
نروح لبيت بو مطلق .
نوف : للحين مالقيتوه ؟
سارة : اي والله مافي اي خبر عنه وامي رح تموت عليه .
نوف : طيب اتصلتوا عليه ؟
سارة بخوف : ايوا لكن جواله مغلق .
نوف بتوتر : الله يستر ، طيب وبندر وش صار معاه ؟
سارة : بندر جاء البيت ورجع يدور عليه في الشرطة والمستشفيات .
نوف : ان شاء الله مافيه الا الخير .
بذا اللحظة سارة اسكتت وبعد ثواني نوف اسمعت من الجوال صراخ .
نوف بخوف : سارة ، سارة ، ردي علي مرام كانت جالسه بجنب اختها وانتبهت ع وجه نوف اللي تغير .
مرام بارتباك : نوف وش صاير ؟
نوف بخوف : مدري اسمع صراخ عند سارة وجالسه انادي عليها لكنها ماترد علي مدري وش صاير ؟
بعد لحظات انقطع الخط من عند سارة.
نوف وهي ترتجف : يمه مرام الخط انقطع اكيد بيت عمي صاير فيهم شيء
مرام بارتباك : خلنا نشوف احمد .
نوف : واحمد وش رح يسوي لنا ؟
مرام : يتصل يشوف يكلم بيت عمي .
البنات رحن لغرفة احمد اللي كان جالس ع الاب .
احمد بضحكة : وش عندهم ريا وسكينه .
نوف والدموع في عينها : احمد مب وقت مزحك .
احمد بخوف : وش صاير وش فيك تبكين ؟
نوف : بيت عمك بو بندر مدري وش صاير عندهم .
احمد بضحكة : وانا كنت اظن ان عندك سالفة .
نوف : احمد وربي انا اتكلم من جد بيت عمك في شيء صاير لهم .
احمد : شيء مثل شنو؟
نوف : مدري بس فيه شيء صاير .
مرام : احمد قم خذنا لبيت عمي .
احمد : بذا الوقت عاد .
مرام : ايوا ي الله قم .
بذا اللحظة كان جوال احمد يرن وكان المتصل بندر ولد عمه .
بندر وهو يصارخ : احمد الحق علينا .
احمد مافهم شيء من اللي يقوله بندر .
احمد بخوف : اهدئ شوي وفهمني وش صاير ؟
بندروهو يأخذ له نفس :مشعل ي احمد ؟
احمد بخوف : وش فيه مشعل ؟

آأخليكمممم الحين وان ششاء الله بالبارت الجاي تعروفون وش صار على مششعل ..)

ي لييت تعطوني توقعاتكممم بالبارت الجاي
عششان تسساعدوني وانا اكتتب الراواية ..:)