بنات كتير جدا لا تعرف تطبخ ولا تعرف حتى تدخل المطبخ لسلق وقلى البيض
لأن كل واحده فيهم اعتمدت على والدتها او ممكن تكون كسلانه تتعلم الطبخ
انا هقولكم طرق بسيطه جدا لو كل واحده فيكم اتبعتها وطبقتها صدقونى هتعرفوا تطبخوا كويس جدا
هنيجى الاول نتعلم طريقه عمل الارز طريقه سهله جدا ومش محتاجه اى مجهود
طريقه عمل الارز:
هتجيبى الارز بمقدار معين مثلا نفترض انه واحد كيلو ولازم تحطيه فى معيار مثلا فى كوب بلاستيك كبير
وبقول فى معيار لأن كميه الارز اللى هتعمليه هتكون مقدارها مثل مقدار الماء بالظبط
يعنى لو افترضنا كيلو الارز ده مقداره طلع ثلاث كوب بلاستيك او زجاج هتحطى عليه مقدر ثلاث كوب ماء وهكذا فى اى مقدار للأرز
اول حاجه هتعمليها هتغسلى الارز فى اناء واسع لحد ما ميه الارز تكون شفافه وخاليه من لون النشاء الابيض اللى بيكون فيه
وبعدين تحطى الحله اللى هتعملى فيها الارز على البوتاجاز وتضعى فيها مقدار من السمنه يعنى حوالى ملعقه كبيره من السمنه لو كان مقدار الارز مثلا كيلو وكل ما زاد مقدار كميه الارز بتزودى مقدار السمنه لحد ما السمنه تسيح حطى بقى مقدار الميه على السمنه وتحطى فوقهم مقدار من الملح فى الاول مقدار بسيط وتقلبى وتتذوقى لو محتاج ملح تانى حطى كميه بسيطه جدا جدا وقلبى وتذوقى لحد ما تلاقى انه مش عايز ملح خلاص وبعدين تحطى الارز فى الحله وتقلبى تقليبه بسيطه وتغطى الحله
اول ما الارز يبتدى يغلى فى الحله خفضى النار تحته بحيث تكون النار منخفضه جدا جدا
واتركيه بقى لحد ما يستوى يعنى بعد حوالى ثلث ساعه تذوق الارز لو استوى اطفى عليه لسه نى سبيه شويه
نيجى بقى لطبخ اى خضار يخطر على بالك هتلاقيها نفس الطريقه فى كل خضار
والاختلاف هنا فقط فى صنف الخضار والطريقه اللى هقولك عليها هطبقيها فى اى خضار
ما عدا القلقاس والملوخيه دول بعدين هقولكم عليهم لوحدهم
لو مثلا عايزين نطبخ فاصوليا
لازم نعرف ان الاساس فى اى طبخ لأى خضار هو اللحمه وشوربه اللحمه
طريقه عمل الشوربه
هتجيبى اللحمه وتقطعيها قطع زى ما تحبى بالنسبه لحجم القطع
وتغسليها كويس جدا فى وعاء او حله حتى تصبح ميه الغسيل شفافه
وتضعى حله كبيره على البوتاجاز وتضعى بها كميه من الماء يعنى حوالى اكتر من نصفها
ونترك الميه تغلى على النار ونسقط فيها اللحمه لازم كميه الميه تكون اكتر من كميه اللحمه عشان نعمل حساب ان كل ما الميه بتغلى كل ما هتنقص كميتها
وقبل ما تبتدى اللحمه تستوى وانتى طبعا بتعرفى لما تتذوقى جزء من قطعه لحمه
تضعى التوابل بتاعتك من فلفل اسود ناعم وخلافه بمقدار ملعقه صغيره لكل نوع توابل وتضعى كميه مناسبه من الملح وتقشرى بصله وتحطيها وتضعى حبايه طماطم لحد ما تستوى اللحمه تطفى عليها البوتاجاز وتخليها جاهزه عشان هتطبخى بيها هى والشوربه
نيجى بقى لطريقه طبخ الفاصوليا
هتجيبى الفاصوليا وتقطعيها قطع صغيره ولا تنسى تتخلصى من الاطراف اللى فوق واللى تحت
وتغسليها كويس جدا وتصفيها من الميه فى مصفى
هتحطى حله كبيره على البوتاجاز وتحطى فيها ملعقه سمنه كبيره وتقشرى بصله كبيره وتبشريها
بحيث تكون ناعمه هتكونى قبلها مجهزه الطماطم بعد ضربها فى الخلاط حتى تصبح صلصه ناعمه
يعنى هتقطعى الطماطم قطع صغيره وتحطيها فى الخلاط وتحطى عليها شويه ميه وتضربيها فى الخلاط
ده طبعا قبل ما تحطى الحله وفيها السمنه
كدا جاهز عندنا الشوربه باللحمه وكمان بقى جاهز عندنا صلصه الطماطم
نرجع بقى لموضوع اننا نحط حله على البوتاجاز وفيها السمنه وقشرنا بصله كبيره وبشرناها بالمبشره
ونحط البصل المبشور مع السمنه فى الحله ومعهم كميه الملح المناسبه والتوابل ونقلب اللى داخل الحله ونستمر فى التقليب لحد ما تبتدى البصله تصفر شويه اوعى تتحرق منك هتغير طعم الاكل
اول ما البصله تصفر شويه حطى الصلصه فوقها وقلبى وبعدين حطى الفاصوليا وقلبى
وبعدين حطى فوقهم اللحمه اللى جاهزه عندنا فى الشوربه وقلبى وبعدين حطى بقى مقدار من الشوربه فوقهم وقلبى لحد ما محتويات الحله تغلى وتستوى الفاصوليا
وبالهنا عليكم جميعا
واى استفسار انا فى الخدمه
ملحوظه: راعى كميه الملح المناسب
وكمان لو عايزه تحطى اللحمه كلها ماشى
عايزه تحطى كميه وتتركى كميه عشان تخليها مع الشوربه لوحدها ماشى
يعنى حسب كميه اللحمه اللى هتحطيها
^^
مشكوور على الشرح المبسط
^^
وأهم شيئ إن المقاييس بالكأس مش بالكيلو ^^
^^
تسلموووووون
|
المشاركة الأساسية كتبها شموخي في حجابي
 ماشاء الله تبارك الرحمن
^^ ^^ وأهم شيئ إن المقاييس بالكأس مش بالكيلو ^^ ^^ تسلموووووون |
ايوه صح المقياس بالكأس بس انا بفترض الكميه
العفو اختى العزيزه
نورتى وشرفتى بتعليقك ومرورك الغالى
ودى وورودى
عندك مواهب مخفية كان طلعتها من زمان يا ابن بلدي
ما شاء الله يعني كاتب قدير وشيف كبير
ولو عندك كمان مواهب قولها عشان ما ننصدم
يعطيك العافية
على فكره انا بعرف اعملهم
بس فضول دخلت الموضوع عشان اشوف وشو الوصفات الحلوة اللي طبختها يا شيف عاااااااادل
|
المشاركة الأساسية كتبها فدا لعيونه
يا سلام يا اخ عااااااااااااااادل
عندك مواهب مخفية كان طلعتها من زمان يا ابن بلدي ما شاء الله يعني كاتب قدير وشيف كبير ولو عندك كمان مواهب قولها عشان ما ننصدم يعطيك العافية على فكره انا بعرف اعملهم |
اولا بشكرك يا اخت فدا
واى مواهب عندى بتبقى فضل من الله سبحانه وتعالى
وكلنا بنبقى عندنا مواهب بس للأسف ساعات بنكسل نطلعها
شكلك شطوره فى الطبخ برافو
نورتى وشرفتى بتعليقك ومرورك يا اخت فدا
ودى وورودى
الطبخ ده متعة
|
المشاركة الأساسية كتبها عطر اللافندر
مشكور على الوصفات
الطبخ ده متعة |
العفو
وشكرا لمرورك الغالى
ودى وورودى
مدامها بقلمك ما تزيد تطبخها لنا و تعزمنا ههههههههههه
يسلموا
|
المشاركة الأساسية كتبها ام الفراشات
حلوه
مدامها بقلمك ما تزيد تطبخها لنا و تعزمنا ههههههههههه يسلموا |
هههههههههههه
من عيونى يا ام الفراشات
انتى وابو الفراشات والفراشات
الاحلى هو تعليقك ومرورك الغالى
ودى وورودى
لذيذ وصفه طيبه