تصغيرالانف بالمكياج صبايا

مرحبا بنات ..

هذي طرق تصغير الانف بالماكياج من احسن خبراء اخفاء العيوب..

شوفوا الصور و بتنصدمون..

1- اول شي لما تبين تعدلين الانف لازم الخطوط ماتكون اعرض من اصبع يدك الصغير, لازم تحطين الاساس على انفك اول..

2- بعدين حطي البودره اول الكومباكت الاساس المضغوط على كل الانف , ثم بدال الفرشه حطي طرف اصبعك الصغير
بلون بني يعني يكون نقطه صغيره كذا..

3- خلي مسافه اللي بالنص اللي بكون عليها اللون الفاتح سمكها او عرضها عرض اصبعك الصغير..

4- و حطي البني على طرفين الانف بأصبعك الصغير مثل ماقلنا كذآ..

5- خففي البني اللي حطيتيه و لما تخففينه حطي الخط مره ثانيه يعني ارجعي سوي الخطوه رقم 4 بس خففي..

هالمره بس الطرف اللي ناحيه الخدود مو اللي مقابل للخط الثاني.

6- خذي لون فاتح من الكومباكت او اي لون بيج اللي بتحطينه بوسط انفك و حطي منه مثل الصوره..
حطي لون بني تحت عند ارنبه الانف عشان تصغرين انفك وتقصرينه بهالحركه و ارتب واجد..

و خذي اللون الفاتح و حطيه بوسط الانف و كل هذا سويه بأصبعك الصغير..

او بالفرش الضعيفه اذا تبين بس احسن بأصبعك لانه الفرشه راح تفرش و يصير الخط عريض أو ممكن تستعملين فرشه صغيره واجد..

* طبعا هالخطوة اللي الكل ينساها و هي مهمه جدا مثل الصورة اللون الفاتح على جنبين الأنف فوق البني اللي حطيناه من الجنبين..

7 – اخيرا خذي لون عادي اللي تستخدمينه تحت عظمه الحاجب بس يكون فاتح لونه و حطي نقطه صغيره على ارنبه الانف
مو بالنص على كل انفك لاااااااااااااااااااااااااا نقطه صغيره فوق الخط البني اللي حطيناه على ارنبه الانف..

هذا الشكل النهائي

طريقة سهلة وبسيطة

منقــــــــــــول
لا تنسوني من التقييم

يااااااااااااربي مادري ليش الصور ماتزبط عندي في مواضيعي
العفو والسموحه ياصبايا

يسلمووووووووووووو
يعطيك العافية

يعطيك العافية ويسلموووووووووووووووووو

شكراااا لجهدك المميز

مشكوره ياقلبي على ألطريقه الحلوه

العفو حبايبي وربي اني مابي غير انكم تستفيدون وبس

–

يعطيك آلعآفيه
عَ آلطرح رآئع
لآحرمنآ جديدك
ودي

,

يعطيك الف الف عافية

ننتظر جديدك

يعطيكـ العافيهـ

ومــا ننحــرمش منكـ