ارجوك انسيني خلاص البعد زهـب لـي ركايـب
يابعد كل الغلا والحب والشـوق وسنينـه
حال مابينـي وبينـك وقـت جعلـه للذهايـب
وقت قاسي مارحم حتى زهور الياسمينـه
صدقيني كم علـى شانـك تحملـت الصعايـب
لكن ان جور الزمن زود لطين الحظ طينه
والله انك مكسب يحسب مـن كبـار الكسايـب
مار قصر عنك حظ ماينومـس مرتجينـه
اسبق السيف العذل والحظ له كم عـام غايـب
وكل واحد دايما مكتوب حظه فـي جبينـه
يابعدي هاذي تصاريف الزمن والراس شايـب
الزمن ياغايتي مايرحم النفـس الحزينـه
صدق من قال الهوى غـلاب لا والله غلايـب
لارحل محبوب قلبك عنك والفرقا غبينـه
لويجيبك دمع عينـي كـان هليتـه سكايـب
مالي الا الصبر والقلب الحزين الله يعينـه
كل جرح من الزمن ياغايتـي ماهـو بطايـب
والحشا من بعد ماقفيـت يتزايـد حنينـه
والله ان بعض المحبه يابعد عمـري عجايـب
لاوقعت بحب شخص دونه اسوار حصينـه
كيف افكر في وصالك وانت في وصولك مصايب
كيف اضحي في غلاك ودونك ظروفٍ لعينه
والله اني نـاوي اتخطـى السرايـا والكتايـب
وانطح جيوش العرب لو وقفت بيني وبينه
ويشجعني انشر هنا
يعطيك العافيه
هكذا الايام فرص تمر علينا
نصيب منها احيانا واحيانا تفر بلحظات
فان اغتنمناها طابت ليالينا
وان خسرناها خسرنا كل الحياة
وشكرا لك اخي على المشاركة
وكل الترحيب من سيد الامنيات
اجمل الامنيات
من سيد الامنيات
تحياتي
نشوان/سيد الامنيات