مرحبآ
اممم كيٍفكم << متوَهقة مرة 
طبْعا مالِي بالمقدمَات مرة ولا الخلفيّات حتَى
الموضُوع عِبارة عن وصْفات دايتْ لان كثير يقُولون الدايت حرّمان ومانلاقِي شي نَاكله << مو أنا 
فجبتْ كم طَبق وحبيٍت اشاركم فيِها ,
بالاضَافة الى اطبَاق أُخرى لاتمتْ للدايتّ بصِلة لكن حبيت اضيفها
برب
المقادير
خس
ثلاث ملاعق ذرة
تونة حارة من قودي
( افضل من العادية وفيها نكهة لذذيذة ولسعة حرارة خفيفة ورطبة تغنيك عن انك تسوين صوصات واشياء )الطريقة :
تقطعين الخس بشكل طولي وتخلطين المقادير سوا
تضيفين الملح لهم وخلاص
/
المقادير
خس مقطع شرايح طولية
خيار مقطع نص دائرة
فيليه دجاج (صدر واحد كافي لشخص واحد )
الصوص :
زبادي قليل الدسم + نص عصير ليمونة + ذرة ملح
الطريقة
نقطع الخس والخيار
بعدين نقطع صدر الدجاج لمربعات صغيرة ونحمسها
او بأمكانك تسلقين الدجاجة وبعد ماتنضج تنتفينها
تسوين الصوص بعدين تخلطين المقادير سوآ
المقادير /
بيضتين
نص طماطة
كوسا مبشورة + جزر مبشور
فلفل بارد مقطع مربعات صغيرة
ذرة ملح
الطريقة :
تجيبين لك كوب الشاهي
او الصحون الصغيرة حقت السوفلية لو حابة لكن ما اتوقع تضبط لان البيض راح ينفش ويطلع برآ
فعشان كذا يحتاج كاس طويل شوي زي اكواب الشاهي
تخلطين المقادير وتحطينها بالكاس وتشغلين المكرويف 3 دقايق تقريبا او لين تشوفينه نفش تمام وضبط
المقادير والطريقة :
بيضتين نسويهم بمقلاة البيض مع اضافة شوي زيت زيتون
لما ينضج نحطه بصحن التقديم ونحط فوقه شريحة جبنة لايت وندخله المكرويف 10 ثواني لين يذوب ونزينه بالبقدونس
/
المقادير :
خضار مقطعة شرايح ( كوسا + باذنجان + جزر + ولو حابة زهرة برضو )
دجاج مقطع صغار
ملح + فلفل اسود + بهارات + كزبرة ناشفة + فلفل احمر مطحون + ملعقة صلصة
الطريقة :
نغسل الدجاج ونقطعه صغار يعني مو ارباع , لا اقل
نحط الدجاج مع الخضار ونتبلهم زين وندخلهم الفرن ونقصدره
ونتركها تقريبا ساعة الا ربع او لين تتأكدين انها نضجت
نطلعها ونزينها بالبقدونس .
المقادير :
صدور دجاج
خبز ( الرغيف الصحي )
بصلة صغيرة
ملح – فلفل اسود – كمون – بهارت
ملعقة زيت زيتون
خس
جبن شرايح لايت
مايونيز لايت ( حسب الرغبة )
الطريقة :
نقطع البصل صغار ونحطهم ع النار مع ملعقة زيت زيتون ونبدا نحرك لين يذبل شوي
بعدين نضيف الملح والفلفل والكمون والبهارات ونحركهم مع بعض لين تطلع ريحتهمم
بعدين نضيف الدجاج ويكون مقطع صغار ونحركهم سوا لين ينضج
نجيب الخبز وندهن طرفها بمايونيز خفييف بعدين نضيف الدجاج وشريحة الجبن نكون مقطعينها بشكل طويل والخس
بعدين نلفها وندخلها المكرويف عشر ثواني عشان يذوب الجبن بسس 
واستمعتي لذذيذة وخفيفة مرة
/
المقادير :
باذنجان مقطع شرايح
كوسا مقظعة شرايح
بطاطس مقطعة شرايح ( مو ضروري )
للصلصلة الحمرا :
طماطة + ملعقة صلصلة + ذرة ملح + نص حبة ماجي + نص كاس موية + فلفل اسود وكمون
الطريقة :
نقطع الخضار شرايح ونقلبها بشووي زيت زيتون وملح وندخلها الفرن لين تنضج شوي بعدين نولع النار عليها من فوق
عشان تتحمر خفيف وتصير كأنها مقلية
بعدين نكون مجهزين الصلصة ( نخلط مقاديرها بالخلاط الكاس )
نشوف قوام الصلصة اذا ثقيلة تكون افضل ولو خفيفة نضيف لها نص حبة طماطم
نحط الصوص فوق الخضار ونولع النار عليه من فوق لين تتماسك شوي وتنضج
وب العافية
/
المقادير
خضار حسب الموجود ( انا حطيت بطاطس وكوسا وباذنجان وجزر ) تقطع بشكل طولي
طماط – بصل
ملعقة صلصة
فلفل اخضر بارد يقطع بشكل طولي
ملعقة زيت زيتون ( مو ضروري )
ملح – فلفل – كمون –كزبرة ناشفة- عود دارسين
قرن فلفل اخضر
الطريقة :
يقطع البصل والطماط مربعات صغيرة ويحمس ع النار بعدين نضيف البهارت والملح والصلصة ونحركهم شوي
بعدين نضيف الخضار ونقلب شوي , ثم نضيف موية تقريبا قد كاس او لحد مايغطي الخضار شوي
واتركها تتسبك سوا
برب
المقادير :
كاس دقيق اسمر
نصف كاس دقيق ابيض
بيضتين
نصف كاس زيت عافية خالي من الكليسترول ( اخف شي )لكن انا اضفت فنجال وزودت فنجال ثاني زيت زيتون وطلع حلو
نص كاس سكر تروبيكانا ( يجي بظروف فككتهم بكاس لين حصلت على نص
)ملعقة بكنج بودر
ملعقتين حبة سوداء
ملعقة حليب بودرة
الطريقة .:
نخلط بالخلاط البيض والزيت والسكر
بعدين نضيفهم ع المكونات الجافة بأناء ونبدا نخلطهم سوا لين نحصل على قوام متوسط وبأمكانك تضيفين موية لو ثقيلة مرة معاك , او تضيفين شوي دقيق لو كانت سايلة ( مايكون سايل زي الكيك ولا ثقيل زي عجين الفطاير ) يعني يكون ينصب معاك بالصينية لكن قوامه ثقيل
ندخلها الفرن لين تتحمر من تحت وفوق
بعدين نطلعها ونقطعها بشكل طولي زي اللي بالصورة ونقلبها على الجهتين لين تتحمر مع جميع الجهات ’ طبعا تلاحظونها مانفشت مرة بس انا حابة كذا وقللت كمية البكنج بودر جدا عشان تكون صحية اكثر
وب العافية
/