حياكم الله في موضوعي الجديد , إن شاء الله يكون قد المئام 
بسم الله أبدأ :
1/ صينية خضاربالدجاج بنكهة مشوي
الخضار حسب الرغبة حطي اللي تبين
أنا حطيت كوسة , بطاطس , قرع , فاصوليا , زهرة
والدجاج حطيت وحدة وقطعتها صغار
بعدين في الخلاط :
طمامة
بصلة
زبادي
بهارات
ملح
ونخلطها كويس بعدين نتبل فيها الخضار مع الدجاج ونحطها بصينية ونغطيها كويس وندخلها الفرن ساعة تقريباً أو أكثر بشوي لين ينضج الدجاج مع الخضار بعدين أحمرها من فوق شوي بس
ولنكهة الشوي : نجيب قصدير ونحط جواته جمرة ونحطها بوسط الصينية ونكب عليها شوية زيت ونغطي الصينية بسرعة 5 دقايق لين تكسب النكهة وتصير شي
وفي الأخير للي يحب نكهة الكزبرة عند التقديم نثرت عليها كزبرة مفرومة تعطيها مذاق لذيذ
2/الخضار الملونة
هذي الخضار ألوانها سعيدة وتجيب البهجة 
نجيب كوسة وقرع وجزر وفاصوليا نقطعها بشكل طولي وصغير
بعدين نحط الفاصوليا أول شي بموية خفيفة قد سلقها رببع ساعة
بعدين نضيف الباقي عليها ويكون مافي موية يعني تستوي الخضار بمويتها والبخار
ونضيف طبعاً الملح والبهارات وأضفت أنا زيادة فلفل أحمر مجفف ومطحون عشان تكتسب حرارة
وبقدر ثاني سلقت الزهرة بموية وملح وخل
بعدين عند التقديم الخضار حطيتها بالصحن والزهرة ع الأطراف طلع مررة شي جميل أبيض وملون
3/ فطير مشلتت
هذي سهلة كثير وتفك أزمات الطريقة مكتوبة ع الكيس تبعها , ونفس البف باستري تقريباً يعني تتكسر بليونة << مااعرف أوصف 
نجيب تاوه تيفال وندهنها بزيت خفيف مرررة مرررة لأن لو كثرنا تصير شاربه زيت ومو حلوة
ونحطها لين تتشقر بعدين نقليها وهكذا ماتاخذ وقت
ولازم تكون مجمدة نطلعها من الفيريز قبل الإعداد بـ 5 دقايق لو طولنا تلصقت ببعض
الحشوة عاد براحتك تفنني فيها ,
أنا حطيت دجاج بالفلفل الرومي مع القشطة
ومرة حطيت الجبنة البيضاء حقت المراعي اللي كرتونها أصفر لذيذة بشكل معاه
أبد كل السالفة قطعي الحلوم مكعبات ودخليها بأسياخ أو أعواد وبين كل مكعب فلفل رومي
واشويها في التوستر وتمتعي بالطعم يصير الحلوم لذيذ وذايب
5 شاورمتي اللذيذة
أول مررة أصلح شاورما وتنضبط الخبزة والحشوة
العجينة :
كاسين دقيق
وملعقة خميرة
وملح
والموية أحطها ع شوي شوي لين تتمايك العجينة
وخليتها ترتاح ربع ساعة بس ماخليتها تتخمر ولاشي
بعدين كورتها وبديت أفردتها وحاولت قد ماأقدر أرققها , وطبعاً قبل هذا كنت مسخنة الصاج مرة مهمه هالنقطة
وأحطها لين تتشقر وأقلبها وهكذا لين تخلص وأول ماأخلص من وحدة أحطها في قدر مجهزته وأسكره عشان تلين مع الحرارة والبخار
الحشوة :
صدور دجاج مقطعة شرائح
ملعقة جبن سايل
ملعقة قشطة
ملعقة طحينه
وملح
بهارات
صلصة الصويا الحلوة
وشوية ليمون مجرد نكهه
وبعد مااستوى الدجاج حمرته بالفرن وسويت معاه حركة نكهة الشوي اللي ذكرتها في صينية الخضار فوق
البف باستري نقطعه أربع مربعات ونجيب صينية الكوب كيك الصغيره وننحط كل مربع في كوب
ونقطع جبن كيري مكعبات ونحط قطعة في كل بف باتسري ونحط الشعيرية الباكستانية بعد مانحمسها بزبدة قبل وندخلها الفرن من فوق وتحت ثلث ساعة تقريباً
وإذا طلعت نسقيها بشيرة باردة وتمتعي القرمشة
7/ حلا يذكرني بطعم الحلويات القديمة
عذراً ع الصورة حست فيها وتلخبطت 
الطبقة الأولى ( القاعدة ) :
كاسين حليب بودرة محموس
قشطة
فنجالين سكر
ملعقة bp كبيرة
بيضتين
شوي فانيلا
الطبقة الثانية :
حليب مكثف + 5 حبات جبن كيرري
الطبقة الثالثة :
2 ظرف كريم كراميل مع كوب حليب سايل نخليهم يغلون ع النار مع بعض
وبعدين نشيلة مع النار ونحط عليه علبة قشطة وملعقة شوكلاته بودرة وظرف دريم ويب
والتقطيع غثني غث 
قطعته بالقطاعة اللي ع شكل وردة تعبت مايطلع بسرعة 
بس يستاهل التعب شي طعمه
8/ حلا الأوريو الظريف
هذا يوم مشتهية حلا فيه أوريو وأذكر شفت هنا طريقة الأوريو اللي ع الأطراف بس مااعرف وين ولاالطريقة
المهم نجيب صينية متحركة القاعدة ونكسر فيها اوريو وبسكوت شاهي
ونجيب أوريو ونفصل الحبة إلى ثنين ونثبته ع أطراف الصينية
ونجهز قشطة ودريم ويب و كريم كراميل ونخلطها ونحط شوي فوق البسكوت المكسسر
بعدين نحط فوقها البسكوت المكسر ثانية والكريمة فوقها ونرشها بودرة الكاكاو وخليه بالثلاجة شويات
وكليه وهو بارد
وبس خلص موضوعي إن شاء الله يكون خفيف ولطيف عليكم , 
منقول
حلوويات تجننن
عجبتني مررره تشهي
تسسسسسسسلمي يا عسسسل
نورتي
~
/
وصفات لزيزة
مشكورة كوين ويعطيك العافية