بئر الظلام والجنية ☞ 2024.

ومعانا اليُوم شاهد ، ومايلي على لسانه :
أنا أسمي عبدالعزيز.. موظف مكتبة البريد
في أحد المناطق الريفيّة / عمري 30 سنة !
متزوج حالياً وحياتي مُستقرّه ،
..
صارت قصّتي قبل [ 15 عام ]، في شهر رمضان تحديداً
كان عمري وقتها 15 سنة، أو 16 سنة مَ أذكر بالظبط !
كانت قريتنا قرية صغيره جداً ، والطرقات ضيقة مرّه
وسكّان القرية كثار والممّرات مزدحمَة ،
..
عارفين أيام زمان لما كانت القرى مزدهرة،
وفيها اللي يبيعون على الرصيف !
وفيها اللي يجي بَ عربية ويبيع خضار
ويدور على القرية كلها ، قريتنا كانت كذا
في هذا الفترة بالتحديد !
..
بأختصار :
مَ كان فيه مكان نلعب فيه كورة ، أنا وأصحابي !
وهذا الشيء كان مسبّب لنا الملل الشديد ، بشكل كبير جداً
..
أستمر فينا هذا الحال ، مدة أسبوع كامل !
إلين جاء يُوم وكنّا مجتمعين أنا وأخوياي كلنا ،
وجاء خوينا ناصر وقال لنا :
أيش رايكُم نلعب عند [ البير الناشف ] !
هناك مكان واسع ، بنلعب على راحتنا
قلت له بَ عصبية :
أنت مجنون ؟ مَ سمعت إيش يقولون عن هذا البير ؟
..
قال يووه لاتصير بزر عاد ، كلها اشاعات !
قلت له :
اشاعات ؟ اشاعات أن فيه جنّ في ذا البير ؟
اشاعات أن اللي يروح هناك مايرجع ؟
قال لي :
ايه اشاعات ، ترا الكبار يقولون كذا عشان يخافون
أنه يطيح أحد منّا في ذا البير !