حرف الشعر اقبل بصدقه ونبله .. ينطق به اشعوري قبل ينطق الفم
شعور صادق فز للي رغب له .. وبحلقه لحرف الشعر ألف منجم
لي خبلة ٍ تشرى بمليون خبله .. متميزه بالطهر مع خفة الدم
لو روحها بالهم والحزن ذبله .. تضحك وانا ادري قلبها عمّه الهم
اذا بكت هول الحزن شد حبله .. واذا اضحكت كل الجناين تبسّم
شق بنعومتها القطن كل سبله .. وان مرها سرب الفراشات سلّم
هي كنها للنور والصبح قبله .. وكني بشتات النور في روحها ألتم
الضيق الى من غابت يطق طبله .. واذا حضرت يضوي بها الليل الاعتم
خبله ولكن تسوى مليون خبله .. ماشفت احد ٍ مثلها بخفة الدم
بإحساسي
انا
سعد العوجان
او
ليل النديم
| الضيق الى من غابت يطق طبله .. واذا حضرت يضوي بها الليل الاعتم خبله ولكن تسوى مليون خبله .. ماشفت احد ٍ مثلها بخفة الدم |
الله الله..ويازين الخبال اللي زي كذا 🙂
لله درك أخوي سعد
وصح لسانك وعلا شأنك
مبدع … ويسلم نبضك ..
نترقب دره من دررك بكل شوووق..
صح لسانك وعلا شانك
احترامي
وصح لسسساآنك ،،
قصيده جزلـه من راآس جزل يآلطيب ،،
/
سعد العوجان
الشاعر المتألق دائما
نسخت البيت لانو من اروع ما مر علي اليوم حقيقه
مبدع اخوي سعد دايما
كل احترامي وتقدير ي
كلمات رووووعة
صح لسانك أخوي
مبدع دائم
لك احترامي