وشهو اللي بقا بعد الطعون ارتجيه
وبعد غدرك عهودك مابقالي مقام
بجمع اللي بقا من عمري ان كان فيه
باقي ٍ عمر وابعد عن جنوبك بشام
مبدئي راس مال بهامتي محتميه
ودرب ابويه وجدي للخطاوي إمام
لاعتنقت النفاق ولاعبدت الوجيه
ولاطعنت المشاعر تحت جنح الظلام
وانت ياللي قتلة الحب واجرمت فيه
مارحمت المحاني يوم صاحت حرام
ومارحمت الآمال اللي تنامت عليه
والصروح الصروح اللي تهاوت حطام
بعدها جاي نادم وشهو اللي تبيه
بعد منهارت سنيني وصارت هدام
وبعد ماحطني دربك بقبضة يديه
جيت يمه تمام ورحت ماني تمام
وجيت سيفي بكفي والبخت مرتديه
ورحت لاني كسبت ولاحفظت الحسام
تايه الدرب تهت وصادق الدرب تيه
والمكارم توارت في غياب الكرام
وكل شي ٍ خسرته وشبقي واحتريه
ونايف العزم فيني صار برد وسلام
مابقى فـ الضلوع الا صدى ليه ليه
ونة ٍ طيرت فـ الجوف سرب الحمام
امس كان الغلا حتى الدروب تحكيه
وامس كان الغلا في نايفات الغمام
وامس كنت فـ حياتي شي ماله شبيه
شي واقسم بربي فوق حتى الهيام
لكن اليوم اموت ودرب وصلك مجيه
لو يشب بضلوعي الف شوق وغرام
لا…ولا يخدعك قلبي ولو قال ابيه
اصل قلبي عليه صار ماله كلام
. سلطان فيحان الركيبي
| وامس كنت فـ حياتي شي ماله شبيه شي واقسم بربي فوق حتى الهيام لكن اليوم اموت ودرب وصلك مجيه لا…ولا يخدعك قلبي ولو قال ابيه |
| وانت ياللي قتلة الحب واجرمت فيه مارحمت المحاني يوم صاحت حرام ومارحمت الآمال اللي تنامت عليه بعدها جاي نادم وشهو اللي تبيه |
فعــلا ،،
الجرح ما يدااويه شي خصوصــا اذا كان من الحبيب ،،
يعطيك الف عافية
دمت بخير
دمت في سعاده