الهوى اللي يطرح القلب في حب البعيد

سلام عليكم ويسعد مساكم/صباحكم
قصيده اتمنى انها ترتقي لذائقتكم
طيب اقول:/

بقــــــــــــــــــــلمي
مبارك العرجــاني
أســــ الغنج ــــير

الله يسعد مساك وصباحك أسير الغنج
..
الهوى اللي يطرح القلب في حب البعيد
ان صبرت فمشكله وان شكيت فمشكله
ودي ارسل بس اخاف الرسايل ماتفيد
وودي اصبر بس في الصبر ذقت البهذله
في الهوى ماينفعك لا قريب ولا عضيد
وان شكيت الحال نزّلت قدرك منزله
بين شوق وبعد والشوق من نوعه فريد
ومن كثر مااشتاق قلبي غدى له جلجله
ياوجودي وجد من حِط في رجليه قيد
دون ذنب ٍ مرتكب دون شي(ن) اعمله
من جهن الارهاب ربّط وكبّل بالحديد
لوه ماله في العمل ذا ولاااا له في هله
شله اللي عندهم قوّه وباس(ن) شديد
واعبروا به في بحووور الديار الممحله
عض اشافيه وزفر زفرة اللي به وقيد
وفوق ماينقص من هموم وقته حمّله
صورة امه في عيوونه وعيّت لا تحيد
كل ماراحت دقاااايق تجي له مقبله
مات اخوه العام وماباقي الا هو وحيد
حالة ٍ صعبه وياصعب ذكر امسلسله
ان سكت والا حكى ياوقيد(ن) في جريد
حظه الاقشر يجي كل باااب ويقفله
ول يالحظ الردي اشهد ان ماهو سعيد
ماامحق الحظ الردي ماامحقه يامثقله
وياوجودي وجد وجده ويمكن بعد ازيد
على خل ٍٍ بان تاااااليه من قبل اوله
سرطنة حبه بجاشي كما نوع ٍ حميد
والعلاج بشوفته بس وشلون اوصله

كفيت ووفيت صح لسانك وسلم منطوقك

القصيده وافيه وجزله كلّها

لكن هالبيت بالذات عجبني

{{{{{{ان سكت والا حكى ياوقيد(ن) في جريد ..حظه الاقشر يجي كل باااب ويقفله}}}}}}

مافيه الله لا يعيق بشر اما تهديه لي او تبيعه علي ههههههه

وافي يالذيب لاعدمناك

دمت بكل الود
وبالتوووفيق دوووماااا
وتقبل تحياتي …
ساهر

كفو كفو كفو كفو

بيض الله وجهك يالعرجااااااني

صح لسااااااااااااااانك ملاييييين ولايسدووون

وتبي الصراحه عزالله من اجمل دررك اللي قريتها قبل كذا

خصوصا وهالأسلوب يعجبني حييييييييييييييل

سجل اعجابي بما تكتب فديتك وفديت يااام كلها

لك أجمل تحيه

ول يالحظ الردي اشهد ان ماهو سعيد
ماامحق الحظ الردي ماامحقه يامثقله

صح لسانك ياشاعرنا المتألق
مبدع بكل المقاييس
كل حرف وكلمة تشع جمالا وروعة
استمتعت بما قرات لك
يعطيك العافيه

صح لسانك شاعرنا,,

كفيت ووفيت ,,كما عهدناك ماتنتقي من القصيد الا جزله,,

بس البيت الاخير,,صورته بشكل مؤلم رغم ان ابداعه ساطع,,

مايصعب عليك,,قدها بكل مجال,,

صح لسانك شاعرنا

تاثرك بقصايد الفريد ضيدان بن قضعان واضح للغايه و هو تاثر جميل

اعتقد ان اي شخص يقرا هذه القصيده سيتبادر لذهنه قصيده التوجد للفريد ضيدان

في انتظار جديدك

صح لسانك اسير مبدع كالعاده

جميل ايه الجميل

تحياتي لك

مبارك الهواوي

وبوحك فريــد ،

والهوى اللي يطرح الرجال في حب البعيد

الله يهدي سرك

ويديم نبضك

لاهنت اخوي

تحيتي /~

عز الله هذا الشعر..

صح الله لسانك يااخوي..

دمت.