السلام عليكم ورحمه الله
مساكم وصبحكم خير يآرب
مساكم وصبحكم خير يآرب
#poem_558dbdb4e7060 td { font-family: ‘times new roman’, times, serif; font-size: large; font-weight: bold; }
| ياليت يوجد محكمه للمواليف | ويواجه الطلاب فيها طليبه |
| لوكان غيرك ماعليه التحاسيف | بس انت سيد للعذاراء العذيبه |
| ان قلت احبك صدق مافيه تحريف | واكيد مايخفى العقول اللبيبه |
| والكذب ماهو مكسب (ن) لي وتصريف | حتى لونه ملح للرجل عيبه |
| انزف مشاعر مثل هتانه الصيف | لروت جفاف ولا نبات تجيبه |
| اقتات من ذكرى ويرويني الطيف | واعيش في شوق احتواني لهيبه |
| ماجوز عن حبك ولامل وآعيف | ماني من اشخاص امزجتها غريبه |
| الحب ماهو طبع كلمه وتغليف | الحب رده فعل عندي رهيبه |
| الحب ماهو بيت مال وتسليف | يلاقي المحتاج فيها نصيبه |
| الحب له عدة قواعد وتعريف | ماهو مجرد حكي والا غصيبه |
| الحب تقديس وطهر (ن) عن الحيف | يسمو مع بنت الاصول العريبه |
| اشتاقلك شوق الكريمين للضيف | واطرب على طلتك من بعد غيبه |
| انتي الحبيبه في حياتي وتشريف | يكتب قصيدي ألهام طيف الحبيبه |
| احساس تسكبه المشاعر بلا زيف | يكتبه صافي الود من دون ريبه |
| فيه البساطه واضحه دون تكليف | جنبته السبل الصعاب التعيبه |
| شموخه المعنى وجزل كما السيف | والوزن فلكه على البحور العجيبه |
| راعيت فيه النوع والكم والكيف | ومزكيه من قبل يفرض ضريبه |
| مكفول طول العمر نخبه وتصنيف | من صاحب استوطنت قلبه غليبه |
| اقدمه لك تحفه ألماس ماشيف | مثله في اعناق الصبايا الشبيبه |
| واقلده في عنق مياس ورهيف | تحفه على نحر الفتاة النجيبه |
بقلم شاعر العنود *
28101231 هـ
صح لسانك ولاهنت اخوي شاعر العنود
قصيده لي الشرف اكون اول من يرد عليه
لاهنت مليون
احترامي
ياليت يوجد محكمه للمواليف
يـــــاليــت
صح لسانك شاعرنا
قصيدهـ مُترفَـهـ , وأكثر من رائعـهـ
ودّي واحترامي لك ولـ قلمك
حرف شاهق
ولحن أصيل
لله درك على هذه الباذخة
تقبل تحياتي واعجابي بنصك
شعر رائع تعانق احرفه الجمال
لله درك مبدع بارك لك وزادك
نترقب جديدك
موفق
شَاعر العنود ،
ونَص مِن أجممل مَااستفتحت بهِ مَسائي
صَح لسَانك ،
ودُمتْ الاجممَل
تَحيتي /~
صح لسآآنك ملآآين و لآ يسدوون
نص رآآقي و قمة ف الابدآآآآع
سجل اعجآبي بقلمك
دمت كمآ تحب ~
^_^
صح السانك اخوي
لك فتره منقطع عنا وفاقدينك
لكن جمال قصيدتك هذي شفع لك ونزل الضيقه اللي كانت في صدرونا وماعاد حنا بمعاتبينك !!
صح السانك وتقبل تحياتي وتقديري
اخووووووووووووووووك
أســــ الغنج ــــير
لك فتره منقطع عنا وفاقدينك
لكن جمال قصيدتك هذي شفع لك ونزل الضيقه اللي كانت في صدرونا وماعاد حنا بمعاتبينك !!
صح السانك وتقبل تحياتي وتقديري
اخووووووووووووووووك
أســــ الغنج ــــير
اخوي كنزو
و
اختي لمحه شجن
و
اختي الجموح
———————–
لاهنتوا وصح الله قلوبكم وابدانكم يالغالين
اسعدني تواجدكم العذب بمتصفحي
وشكرآ جزيلآ على هذا الاطراء الجميل
و
اختي لمحه شجن
و
اختي الجموح
———————–
لاهنتوا وصح الله قلوبكم وابدانكم يالغالين
اسعدني تواجدكم العذب بمتصفحي
وشكرآ جزيلآ على هذا الاطراء الجميل
فائق التحايا *
صح السانك اخوي
ولا هنت قصيده رائعه
تقبل ودي واحترامي