ومن لارقا للطيب روس المشاهيق= مازان له وقته على ماطراله
ومادام لفعول الجمايل عشاشيق= كسب الجمايل مايجي بالسهاله
ولو أنها تشرب على فكة الريق= كل(ن) خذاله كل ماأصبح بياله
والطيب منوة للقلوب المشافيق= كل(ن)يتوفق ومنوته رأس ماله
والمدح مايزهي على الرجل ويليق= الا ليا صارت وآفيات خصاله
يستاهله رجل(ن) يفك المزانيق= اللي يقال ونعم لاجا مجاله
ومن ساقته نفسه وهو مابعد سيق= لآجل الجمايل سهل الله مجاله
والمرجله ماهيب تحتاج تنسيق= ومن بين قلب اللي عشقه رجاله
ومن عادة الدنيا تخون المواثيق= تفتر مكراتها سوات المحاله
ولولا اللوازم ماعرفنا المخاليق= وما نعرف الرجال لين نعناله
والكفو تظهر فزعته حزة الضيق= وينشاف في الشدة بعين العواله
نسل الرجال متعبين الملاحيق = متوسط(ن) بين عمه وخاله
واللي يطيق ولاجات قال ماطيق= نمو عليه المرجله والشكاله
والهينه تكبر على اللاش وتضيق= له في الرخا قاله وفي الضيق قاله
والطيب شارة والضماير صناديق= واللاش طيبه ما تعدى ظلاله
ومادام في الدنيا رجال ومطاليق= نصيتهم واللاش مالي وماله
ملطووووووووووووووووووووووش
صح لسان شاعرها
ويسلم بنانك على النقل
لاهنت
إختيار موفق
سلمتِ
دمتِ بخير
تسلمين يابعد قلبي على المرور
نورتي
ღولاهنتيღ
تسلمين يابعد قلبي على المرور
نورتي
ღولاهنتيღ
يعطيك ألف عافيه
كلك ذووق بإختيارك
سلمت يمينك وسلم نقلك
//