اليوم كتبت خاطرة باللهجة الشامية باللغة العامية
مو فصحى
وهي جديدة ع طريقتي بالكتابة
وهي صدقوني خارجة من القلب
*****************************************
ع سطوح بيتنا كنت قاعد ع المصطبة
وكنت عم فكر وصافن بالدنيا المكركبة
واتخيل البسبوسة قدامي وعم تواسيني بايديها المطيبة
مرة بتظهر ومرة بتختفي
وانا قاعد عم اسمعلا وهي متلي عم تشتكي
عن ظروفها القاسية واشتياقها لألي
ولما صارت الساعة بعد 12 نص الليل
نط القمر بعد غياب
وكان عم يتفرج علينا من ورا الغيمات
قلتلو روح بيكفي ولدنة
بدي ضل سهران انا وحبيبتي المدللة
قلي رح ضل فوئكون وضوي عليكون كل الليلة
قمت قلتلو تعا لنشوف مين الاحلى
قام قلي اكيد انا احلى
قلتلو انت من شو احلى
انا من حبيبتك احلى
قلتلو وشو عرفك اني عم قارن بينك وبينها
صفن القمر وقال لكان بشو عم تقارني
قلتلو عم قارنك بينك وبين هالمصطبة
احلى شي شبهك ببسبوستي
انت نورك بتاخدو من الشمس ياحرامي
اما البسبوسة بتاخود العتمة من قلوب العشاق
وبتخليه يصير نور ويتوزع ع كل الاشواق
انت بتطلع بس بالليل لانك بتغار من الشمس يا اناني
اما البسبوسة بتطلع ليل نهاروبتوزع ورد لكل الاحباب
والبسبوسة والشمس من اعز الاصحاب
انت من بعيد حلو ونورك بيوسع كل الارض
بس من قريب بتنكشف ع حقيقتك
وبتطلع واحد ختيار وقلبك مظلم كلو سواد
اما البسبوسة من بعيد بتتمنى تشوفها وتلاقيها
وبس تصير قريب منها بتتمنى انك تبقى معها وماتفارقها
كلها حب وحنية
وغرام ورومنسية
قام زعل القمر وقال انا هلاء رايح
قلتلو خليك لاتروح بتبقى انت القمر
قال لما بتحضر الشمس بيهرب القمر
قلتلو بس الشمس مطولة ع موعدها
قلي ماهي الشمس نايمة ع كتفك
وغرقانة بحبك
وهيمانة بسحرك
قامت البسبوسة فتحت عيونها الخضر
وغمزت القمر وضحكت
وقالت ياقمر خليك اليوم انت سماح
قام ضحك القمر وقلي
ربي يخليلك البسبوسة
وضل القمر معنا حتى خلص وقتو
واستقبلنا بعدو الشمس
وسلمنا عليها واختفينا ودبنا بقلوب العشاق
وتوتة توتة خلصت الحتوتة
أحترامي
عماروو
بوح جميل
يعطيكـ العافيه
محاوله جميله
اسعدني المرور على صفحاتك
مشرف عذب الكلام
مروان
رجل المطر
مروان
أسعدني دخولكم صفحتي
شكرا لحضوركم الكريم
أحترامي
عماروو