صباحكم جوري وكادي
اخر ماخطته يدي لكم في عيد الفطر المبارك
اعاده الله علينا وعليكم بالمسره والغفران انشالله
وكل عام وانتم بأتم الصحه والعافيه
والعذر من الله ثم منكم في غيبتي الطويله
ولله الحمد فأنا سعيد بتواجدي الان معكم
يعلم الله فلا غبتو عن ذاكرتي الكل عزيز وغالي
المنتدى لا افرق بينهم على راسي الجميع ولهم مقدره في القلب
لا يعلمها الا الله
واليكم هذي القصيده ما ابغى اطيل عليكم
والقصيده عيديه تعبر عن نفسها
وانشالله تنال اعجابكم بأذن الله
| العيد له فرحه وانا فرحتي غير |
| والعيد فرحه بين غالي بغالي |
| عساكم من عوادته ياهل الخير |
| وانا بهني يوم جالي مجالي |
| كل عام وانتم يالصناديد في خير |
| وعسى الفرح دايم سنينه طوالي |
| العيد لاعايدت ناس(ن) مناعير |
| تتم فرحت من نوى للجمالي |
| حتى السعاده تكتمل طعمها غير |
| وتصير جمعتنا بها كل غالي |
| ونقدراللي عزنا بكل تقدير |
| ترفع له البيضاء وانا ارفع عقالي |
| واللي معادينا نزوره بثأثير |
| وان مارضا حنا لبسنا النعالي |
| نشرهه ع الطيب ونبدي معاذير |
| والا الردي مذموم ماله منالي |
بقلمي .مزعل الشمري
يالله حيه
وكل عام وانت بخير وصحه وسلامه
| العيد لاعايدت ناس(ن) مناعير تتم فرحت من نوى للجمالي |
صح السانك اخوي
وتقبل تحياتي وتقديري
اخوووووووووووك
أســــ الغنج ــــير
ابدعت وامتعت برسم هذه اللوحه الرائعه
كل الشكر لمداد قلمك
وكل عام وانت بألف خير
تحيتي ~
ابدعت وصح لسااانك
شااعرنا الغااالي
كل عام وانت بخير
لروحك السعاااادة
نشرهه ع الطيب ونبدي معاذير
والا الردي مذموم ماله منالي
أخويه الغالي
وشاعرنا
مزعل الشمري
صح لسانك
يسلم قلبك
عالقوافي
ويعل العيد
ينعاد عالجميع
بالخير والبركه
تقبل مروري/
عذرى الحسوسي
و عيدك مبارك ,,
يعطيك العافية
صح لسانك على القصيدة الجزلة وافية المعاني
وعساك من عواده ~
تقديري
صح لسانك ملايين
راقت لي اولها لآخرها
لاهنت اخوي وكل عام وانت بخير
حــــكاية ,
|
المشاركة الأساسية كتبها أســــ الغنج ــــير
 مرحبا والله ومسهلا بمزعل
يالله حيه وكل عام وانت بخير وصحه وسلامه صح السانك اخوي |
مباركـ
لاهنت يالذيب على مرورك
والله يحييك ويخليك
تحياتي لشخصك
|
المشاركة الأساسية كتبها العنود888
صح السانك اخوي
ابدعت وامتعت برسم هذه اللوحه الرائعه كل الشكر لمداد قلمك وكل عام وانت بألف خير تحيتي ~ |
العنود صح بدنك لاهنتي يالغلا
والابداع مرورك
الف شكر لشخصك
تحياتي لك
مزعل الاسلمي