ياكثر ماجيت ابمسحها واخليها
ياللي جفيت وجفاك المر ذابحني
عقبك وجيه البشر ماني بدانيها
من يوم حبك غزى القلب وتملكني
قطعت كل العلاقات وطواريها
أقرى رسايلك ودموعي تسابقني
وأرد وأقرى الرسايل وأحتفظ فيها
أنت أخر انسان هاقي منه يصدمني
والظاهر إن هقوتي بانت مواريها
لو الوصايا ليا احتديت تنفعني
ياكثر ناس على زودي بوصيها
ليت الفرح( بنك ) لاجيته يسلفني
وأقاصده ( راحتي ) وحقوقه أوفيها
من كثر ماكنت جارحني وظالمني
قمت أعزل جروحك بقلبي وأسميها
تدري وش اللي يبكيني ويضحكني
إنك محامي قضيتنا وقاضيها
تدري متى تعرف قدري وتفقدني
لا رخصت نفسك لشخص مايراعيها
بكره إليا هملوك الناس تذكرني
وتقول عزاه عيني من يداريها
مدام غيري على قلبك مشاركني
وش هوله أعلق الأمال وأبنيها
يكفيني انك رحت ومنت عايفني
هذا عزا النفس من كثرة بلاويها
أهديتك دموع من طعنتك تحرقني
وأنت اللي تستاهل الدنيا ومافيها
وأهديتني جرح موجعني وعاجبني
لإن الهدايا على مقدار مهديها
صحيح احنا انتهينا بس صدقني
والله ان تبقى هوى روحي وغاليها
مفضوح راعي الهيام ونظرته تغني
ملامحه واضحه في وجه راعيها
لكل داء دوا لو هو متعبني
إلا محبتك عيت أداويها
إن قلت علمني أنسى لا تعلمني
دنياي لامن نسيتك ويش تاليها
فارقتني وضحكتك عيت تفارقني
والله يلعن أبو الفرقا وطاريها
مقدر أفكر بغيرك وأنت عارفني
عشان حاجه بقلبي مقدر أخفيها
أخاف لا حبني غيرك وعاشرني
يشوف صورتك في عيوني ويمحيها
نشدت عنك وسمعت اللي يفرحني
وارتاح صدري من هموم يحاتيها
تبي تعرف وش على الفرقا مصبرني
إنك بخير وحياتك مهتني فيها
من يوم ماغبت والوحده تعذبني
أقرى رسايك في حرقه و الاحيها
أشوف صورتك ودموعي تسابقني
وياكثر ما جيت أبمسحها وأخليها
ممن راق لي .gif "Graaam (87)")
أتمنى أنها تنال أعجابكم
يعطيك العافيه
تحياتي
|
المشاركة الأساسية كتبها ولد نفيعي
 صح الله السانك على الطرح الرائع
يعطيك العافيه تحياتي |
صح بدنك يا ولد النفيعي
مرورك أروع
الله يعافيك
وش القصه لا يكون ما عجبتكم بس
شباب بليز أرفعوا معنوياتي شويه
صح ألسانك يالغالي
ما قلت شيء غلط
يا كثر الألام بس أه الله يعين
تفبل تحيات أخوك أمير
تعرف قصه هالقصيده ليش كتبت
تقبل مروري
تحياتي لك
سبحان الله وبحمده سبحان الله العظيم
|
المشاركة الأساسية كتبها *أمير
ولا يهمك يازهراني
صح ألسانك يالغالي ما قلت شيء غلط يا كثر الألام بس أه الله يعين تفبل تحيات أخوك أمير |
صح بدنك
الله يعين
مرورك أسعدني كثيراً بصراحه
|
المشاركة الأساسية كتبها noor66alnoor
صح الالسانك اخي الكريم
تعرف قصه هالقصيده ليش كتبت تقبل مروري تحياتي لك سبحان الله وبحمده سبحان الله العظيم |
صح بدنك أختي
لا والله إذا عندك خلفيه قولي لي بليز
مرورك جميل ورائع وأشكرك على المشاركه ورفع المعنويات
يعطيك العافيه وما قصرتي
هذي وحده طلقها زوجها وبعد ماطلقها كتبت هالقصيده ويوم سمعها
طليقها قال لها برجعك ورفضت عاااد مفهوم القصيدة انها تحبه ومظلومه
هذا الاسمعته عن هالقصيده
وسلامتك
تحياتي لك
سبحان الله وبحمده سبحان الله العظيم