هذه قصيده بصرااحه اعجبتني مره وحبيت انقلها لكم اليكم النص
[poem font="Simplified Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الشيب شفتة بالمرايا وصديت=ماكنت اصدق ان ذالشيب فيه
اثر الزمن يطوي رحالة ووليت=وراحت سنين العمر وش هالبقية
من بعد شفت الشيب في الراس حنيت=حنيت لسنين توالت عليه
سنين ذقنا المر فيها تجنيت=وياكم تكبدنا صنوف البلية
ذقت الحلا في بعض منها وتهنيت=مرت علي مر الصبح والعشية
وسنين ياكم تهت فيها وتماديت=مابين سب وظلم ولا قفية
ويا كم تحملت المعاصي وجريت=جريتها ومثل جر المطية
وسعيت في الدنيا وكم صبت واخطيت=واللي مضى على الناس يمضي علية
ودارت بي الدنيا ولا يوم ونيت=وقضيتها ما بين شمس وفيه
يامرحبا يالشيب من يوم حليت=تظهر على نفسي امور غبية
يالشيب ماخوفت قلبي ولاحديت=الا مواريد بتقبل جلية
انت النذير اللي على الباب طليت=وصلت حد الباب وش عاد لية
معاد لي الا التوبة ان كاني ابكيت=وسالت انا المولى ورب البرية
وقلت توبي يانفس قبل ياليت=معاد ينفع ليت وقت المنية
صومي وصلي ثم حجي الى البيت=وروحي الى طيبة ومسجد نبية
وتزودي بالخير من بعد ما اشقيت=نفس تعاندني ونفس عطية
وان عشت يانفسي من الخير جنيت=جنيت لي مجنى الثمار الهنية
يارب تغفر زلتي يوم زليت=وانك تجنبني الزلل والخطية
وعلى الرسول ازكى سلام وصليت=وعداد ماهلت مزون النشية[/poem]
منقوووووووول
اخوكم الفتى الملثم
يعطيك ألف عافيه
قصيده رائعه وجميله
كلك ذوق بإختيارك ونقلك
//
يسلم ذوقكـ الجميل
دمت بكل خير
الفتى الملثم