مساكم وصباحكم رضا وسعاده…
جبت لكم طريقة عمل السمبوسه التقليديه من مطبخنا… على طريقة الوالدة ربي يحفظها…
هي شوي متعبه… مو مثل عجينة الرقاق…
هذي يبي لها شغل..
بس نتايجها… غير شكل
ألذ بكثير من الرقاق…
^^^
مدري اشفيني حايسه.. متعوده ع قسم النقاش والأخبار.. احس القسم يقول وش تبي ذي… ما علينا..
المقادير..
كوبين دقيق ابيض
كوب طحين بر..<<< ألذ مع البر… جربوها
بيضه واحده…
ملح
اربع ملاعق حليب بودره…
" فنجان قهوه "زيت طبخ. <<< ما انصح بزيت الزيتون رغم حبي له..
ربع ملعقه صغيره خميره <<< مو اكثر عشان ما تطلع لنا تحف وقت القلي ^_^
ربع ملعقه صغيره حلبه مطحونه <<< حسب الرغبة..
ماء كافي للعجن.. ماء فاتر..
( ملاحظه : لازم تكون العجينه قاسيه.. يعني مو رخوه تتعب مع الفرد رح تنفرد اكثر من اللازم )
الطريقه..
تنخلط جميع المقادير الجافة ثم توضع السوائل… وتعجن… تترك ربع ساعه ثم تعجن مره اخرى..
نخيلها بمكان دافي مدة ساعتين…
الحشوه:
عندك خيارات متعدده… سواء أجبان << ما انصح بجبن الأكواب ممكن تشدر ولذيذه جداً معها..
و ممكن لحم مفروم او دجاج مفروم… او خضار
المهم…
طريقتي بالحشوه..
أخذ بصل مقطع صغير واذا حابين حطو قرن فلفل حار مع البصل ونحمسه لين يذبل بس قبل يحمر ننزل اللحم..
نبهره ب ملح وفلفل اسود وكمون < بس هذي بهاراتي في الحشوه..
لما تبدأ اللحمه تنزل مويه نضيف طماطم مقطع صغير
نتركها حتى تنشف.. ثم نطفي النار
نضيف ( نص حزمه مقطعه صغير من :بصل اخضر بقدونس و كزبرة و شبت )
ونرجع نبهرها من جديد لين توصل للنكهه المطلوبه …
و نبدأ الشغل حسب الصور….
و تقدرون تستخدمون اي قالب مخصص للسمبوسه…
نقليها بزيت بمقلاه عميقه..
فيه حاجه مهمه بخصوص القلي…
لازم نصلح عشر حبات مثلا ونقليها مباشره… نكون سخنا الزيت على نار هاديه…
عشان ما تنتفخ في الزيت وتبهذلنا..
والتقليب مستمر..
يعني مو نخلص حشو كل الكميه ونقليها مره وحده… لان العجينه مخموره مو زي الي بدون خميره او الرقاق..
تطلع باللون هذا واذا حابين افتح ممكن بس اغمق ما أظن حلو…
وهذا شكلها النهائي…
و بالعافيه…
يعطيك العافيه على الطرح الرائع
تحياتي
على دعمك ومتابعتك..
حياك الله…
شكلها مشهية
الله يعطيك العافية
|
المشاركة الأساسية كتبها روويعد
 امممممممممممممم شكله يشهي ان شاء الله اسويه
|
مية هلا ..
سعيده بمرورك.
|
المشاركة الأساسية كتبها ~خيال واسع~
يمممي
شكلها مشهية الله يعطيك العافية |
ويعافيك يارب
يا هلا
|
المشاركة الأساسية كتبها absdefgh
يمي جوعتيني طريقة سهلة يسلمووووووو خيتو
|
الله يسلمك…
| لوسمحتي ابغى طريقة ورق العنب |
من عيوني…
بس اذا ممكن تعطيني فرصه اسبوع رح انزل الطريقه بحول الله هنا في القسم…