الدنيا كذا / رواية سعودية 2024.

طيب بحط الجزء الاول

السـآعه 5 الصبح

في بيت ابو محمد ..

قـآمت من سريرهـآ وكلهـآ نوم راحت تدق غرفة ابوهـآ عشـآن تصحيه ..

جلست ابوها ونزلت تجهز الفطور الا بصوت يناديها : ريم صحي خواتك خلهم ينزلون يفطرون

الريم : انشاء يبه

نزل ابوها وجلس يفطر والريم راحت تصحي خواتها

في الغرفه ( للمعلوميه هم اربع بنات في غرفه كل ثنتين في سرير )

الريم : انواروووه قومي فطري

انوار : هممممممم طيب طيب بس انتي روحي وانا وراك

الريم : اي بااين

وراحت للسرير الثاني ( نوف + جمانه)

الريم : نوووفوه جمانوووه قوموو بسرعه

نوووف : انقلعي برره وطفي الانوار

جماانه وهي تقوم : نوفووه قومي فطري وتجهزي عشان ابوي يوديك المدرسه قبل لا يروح الشغل

نوف: ماايحتاج لانه في الاساس مو ناويه اروح

جمانه : مالت عليك وليش مابتروحي ؟؟

نوف : كييفي يابنت وانتي ايش دخلك يلا روحي انقلعي عني

جمانه : قلع الله اسنانك

انوار : والاخير معاكم ابي اناااااام هدوووء

جمانه : وانتي حضرتك مابتقومي ؟؟

انوار : ولييش اقووم؟؟

جمانه : اقوول بس ريووم يلا انا وانتي ننزل عنهم

الريم : اي والله

ونزلوا الريم وجمانه

الريم + جمانه : السلام عليكم

ابوهم وامهم وابراهيم ورائد : وعليكم السلام

فطروا وخلصوا وراحت جمانه تتجهز للسكوول بس فكرررت انها ماتروح مثل اختها

نزلت جمانه تحت بسرررررررررعه : باااااباا باابااا

ابو محمد : هلا بنتي ايش فيك ؟

جمانه : لا يبى سلامتك مافيه شي بس حبيت اقول لك اني ماابي اروح المدرسه لاني احس اني تعبانه

ابو محمد: مداام انك تعبانه فبراحتك

جمانه : تسلم لي يااحلى بابا

ابو محمد : ههههههه يلا مع السلامه

جمانه وهي تركب :الله يسلمك

راحت ع الكمبيوتر فتحت المسن مافيه احد فـآضي (كلهم في السكوول)

جمانه : هيهيهيهي مسـآكين ماعندهم مثل ابوي بسررعه يصدق

جمانه وهي تتثاوب : نعساانه باروح اناام

راحت الغرفه

نوف : انتي مارحتي المدرسه

جمانه : لا ياعمري حبيت اجلس عله على قلبك

نوف: طيب بلا ازعاج ونامي

ونـآموا

_______________

ونروح لبيت قريب من هالبيت الا هوو بيت عمهم ابو عبدالرحمن

:يمآآآآآآآآآآآه ليش ماصحيتيني الحين انا متاخره

ام عبد الرحمن: حرآآم عليك مرامووه من الامس وانا اصحيك وانتي ابد

مرام : اف والحييين تاخرت ماابي ارووح

ام عبد الرحمن : اي مافيه من جديد كعادتك حجتك الوحيد قاعده متاخره

مرام : باي باروح اكمل نومي

ام عبدالرحمن: نوم العوافي

ركبت مرام

__________________

وبعـد كم خطووه رحنـآ للسكول المدرســه المتوسطــه

: هـآه عبروووه كيفك ليش الامس غايبه

عبير : ماصحيت الا الساعه 9 شسووي يعني ؟؟

: ههههههه اكييد مساهره؟

عبير : امون ايش سالفة هالاسئلة اللي ماتخلص ؟ مالي خلق ابي اناام

وسدحت راسها على الطاوله ونامت

الا بصوووووووت الجرس بدء الطابوور

عبير : ااااف مابي اروح

ايمان : انا بعد اقوووول خلنا نجلس هوون احسن لنا

عبير كملت نومتها

ايمان : الحمدلله والشكر صج هذي مجنوونه

ايمان وهي تصحي عبير : هييي انتي قوومي مصدقه حالك بعد

عبير : بعدي عني لا ادوسك

ايمان : بل بل حشىــآ انقلع عنك احسن لي

وراحت ايمان

بعد الطابوور

بدء عوار الراس بحصة العلوم لكــن في صف غير هالصف بس نفس المدرسه وهو صف ثالث متوسط

:غيووووووده اشفيك اليوم مو على بعضك؟؟

غيداء بتعب بس ماتبي تبين: هههه شفيك يسونه تتفائلين علي بالمرض

ياسمين : لا بس شكلك تعبانه

غيداء : من هالحصه الملل بس تصدقين باقول لها راسي يعورني وابي ارجع البيت قبل لايزيد علي

ياسمين : وهذي اللي انا شايفتنه يعني مابتكذبين بشي

غيداء استاذنت من المعلمه ونزلت للمرشده

بعد ثلاث حصص متتاليه ممله الفسحه ..

عبير : اموون ماشفتي جمانه ولا اختي غيداء ؟

ايمان : لا بس اختك غيداء شفتها في الطابور والحين ماشفتها

عبير : اها مو كانه هذي صديقتها ؟

ايمان : اي روحي اساليها

عبير راحت الى ياسمين

عبير : هلا يسووم كييفك؟

ياسمين : هلا والله عبوره بخير دامي شفتك

عبير : اختي وينها مو معك؟؟

ياسمين : مو معي تعبت وراحت بيتهم

عبير : اهااا اااف انا بعد ابي اروح البيت تصدقين افكر انحاااااش

ايمان :ماتروح عنك بعييد عادي تسويها انتي ههههههههه

ياسمين : هههههههه

عبير : هاهاها ضريفه بس صدق مابي حصص زياده شكلي بسوي نفسي مريضه

ايمان : مابتتصدق

عبير : ليييييش؟ بس غيدائووه.؟

ياسمين : اختك صدق كانت مريضه بس ماحبت تبين والمعلمه لاضحت هذا عليهم وخلتها تروح

عبير بخوف على اختها : يؤيؤيؤيؤ اختي مريضه ؟ شنو فيها؟ مسكيينه بتروح لحالها والا تصدقون بروح اشوف المرشده باقول لها مافي احد في بيتنا واخاف على اختي يصير لها شي ومافي احد موجود

ايمان : هههههههه فكره حلوه جربيها

عبير نزلت مع ايمان للمرشده

دق دق دق دق

المرشده : اتفضل

…
.
..
.

بعد الحوار والمحاولات نجحت عبير وايمان بانهم يرحوا بيتهم (ايمان بحجة انه بطنها يعورها وعبير بحجة اختها )

في الطرريق

عبير : تكفيين بلييييييز اموونه روحي معاي البيت بنتصل الى امك ونقول لها

ايمان بعد تفكير طويل : اممممم اووكي بس تعطيني شي اكله لاني جوعانه

عبير : تفداك ثلاجتنا كلها

ووصلوا البيت لقوا ام مشعل بوجهم

ام مشعل : وانتي بعد ايش فيك ؟

عبير مو عارفه ايش تقول

ام مشعل : هاا شفيك ماقلتي لي ؟

ايمان الملقوفه نطقت : لا بس المرشده قالت لها تروح مع اختها لانها تعبانه

ام مشعل: وانتي ليش جايه؟

ايمان بكذب : لا لانه انا عندي موعد في المستشفى

ام مشعل : اهااا

عبير ارتاحت : اايه يماه انا بخليها معاي واذا جه موعدها راح تروح

ام مشعل : اها واذا تبوا شي تاكلوه في الثلاجه والشيبسات في الكبت انا الحين ابي اطبخ بدون ازعااج

عبير : اوكي مامـآ

ومررت السـآعات بسررعه الساعه الحين 1 الظهر

في بيــت ابو ماجد

ابو ماجد: اليووم بنجتمع في المزرعه لازم تروحي يامنال

ام ماجد (منال) بدون نفس: اوكي بس لاتقول لي اعاملهم عدل بعاملهم بالطريقه اللي احب وبكيفي انا

ابو ماجد بعد ياس منها: انتي عامليهم بالطريقه اللي يعاملوك فيها

ام ماجد راحت المطبخ بغرور

ام ماجد تكلم الخدامه : انتي طبخي الغداء وغسلي الصحون ورتبي البيت وانا بغسل الملابس <<تعبت نفسهـآ كككك

الخدامه تهز راسها بتعب : ماما هزا شقل واجد انا في اتئب انت في رتب بيت وغسل ملابس وانا الغداء والصحون

ام ماجد بعصبيه : هييي هييي انتي احترمي نفسك قبل لا اكسرك قالت ايش قالت شقل واجد انتي خداامه وتخدميني مو انا اخدمك وتمشيني على كيفك فاااهمه ؟

الخدامه بحزن: حازر ماما

ام ماجد : وانت عدتيها الا راح تموتين هون بعد اخر زمن خدامات يتحكمون فينا واسمعي قعديني اذا استوى الغذاء

الخدامه هزت راسها بنعم

وراحت فوق تنام

وفي بيـت ابو محمد

في غرفة البنات

الريم تنظف الغرفه وانوار تلعب بجوالها ونوف تشاهد

وجمانه تكلم بنات عمتها وصديقاتها في المسن (محادثه جماعيه)

(جمانه+ريماس+عبير+ريما+ايمان+غيداء+ياسمين+مريم+روا ن)

لو يقولـوا انتي حلوه جاوبيهم دي قديمه(جمانه): والله فللللللله تعالوآ معـآنا

اللي بيرضى يرضى واللي مابيرضى بكيفه ابتلشت بناس مرضى وعالم ودنيا سخيفه(ريما):بسال امي وبشوف

؛؛أحقر, عذالك, يرتاح, بالك؛؛ (غيداء):ياارب توافق

فـيل يدوسني ولابنت تبوسني (مريم):هههههه وناصه لو اجتمعنا كلنا احس من زمان ماجتمعنا

سآرحل ولكن ربمآ لن آعود .. ~(ريماس):اي والله اخر مره يوم في بيت يسومه ض5

عُيًوٍنٍيً لگ (عبير): روحوا اسالوا امهاتكم بدل هالسوالف

هات يدك بيدي خلنا وحدنا(ياسمين): انا سالت امي موافقه

؛؛أحقر, عذالك, يرتاح, بالك؛؛ (غيداء): وآآآو ونـآصه

لو يقولـوا انتي حلوه جاوبيهم دي قديمه(جمانه):اجل شوفوا اللي ببجي يلبس …………..

..
.
.
.
.
.
وخلصت محـآدثتهـم واتفقوا على شكل واحد وطبعـاً هذول الاصدقاء هم شله كريزي قيرلز ..

فـآصل

_____________

نعرفكم بــ باقي شلة كريزي قيرلز

مريم: فرفوشه تحب الهبال والونــآصه والكشخه مـع غيداء وياسمين في صف

مواصفاتها : بيضه قصيره ضعيفه فيها غميزات مرره حلوه وعيونها ازرق فاتح مايل للرمادي شعرها قصير ناعم

صابغته بخصلات احمر ومناسبها مررره

ياسمين : مع غيداء ومريم

مواصفاتها : برونزيه لونها عسلي حلوو وعيونها سوده بس واسعين مرره حلوين شعرها طووويل مره بس يتساقط كثيير..

روان : مع ايمان وعبير في صف

مواصفاتها : بيضه او بالاحرى ورديه نعوومه مره عيونها صغيره لون عيونها عسلي فاتح مررره حلو شعرها ضعيف طوويل نعوومي مثلها

ايمان : مع روان وعبير

مواصفاتها : طوويله مليـآنه اشوي شعررهـآ قصييير مرره مصبغته بلون شكـولاته حلوو مآرهـ عيونهـآآ سودهـ بس حلووه ..

ريمـآ : مع جمانه وريماس

مواصفاتها : برونزيه شعرهـآ خصلات اسود وبني نفس لون بشرتهـآ عيونهـآ وسـآع ورمـآديين طوويله اشوي ومليــآنه وبنفس الوقت ضعيفه باختصـآر متوسطه ..

ريماس : مع ريما وجمانه

مواصفاتها: رشييقه مـآآرهـ طويلهـ شعرهـآ طووويل مرررررره ونـآعم لونــه اسود غـآآآآمق بيضـــه واذا خجلت تحمر خدودهـآ تصير جنـآآآن
..

العصر الساعه 4 ونص اجتمعت كل العـآئلة عشان يرووحون المزرعه اللي اتفقوا عليهـآ

..
.
.

التوقعات :

ايش راح يصير بالمزرعه؟؟

وكيف بيكون شكل شلة كريزي قيرلز؟؟

ويـآترى هل ممكن يصير شي يخرب هـآلطلعه الحلوهـ ؟؟

وعجبتكم القصه او لا؟؟

واي شخصيه عجبتكم؟؟

هـآلآشياء راح تعرفوهـآ في البارت الثاني ..

بس انا ابي توقعااااااتكم