الجفا شل الوفا وأصبح مكانه
والصراحة أصبحت كلمه قديمه
والهوى أصبح خيانه في خيانه
والمحبه كأنها طـفـله يـتـيـمـه
مات أبوها ونحرم عنهاحـنانـه
والمشاعر مثل ما كف كريمه
في يدين بخيل ذوقها المهانه
والأحاسيس إختفت وأمست عديمه
و فالمحبه كل شيء ولي زمانه
صدقيني قصتي قصة أليمه
البري مظلوم والقاضي أدانه
الهوى يا بنت ما ذقنا نعيمه
ولا خذينا ع الهوى عهد وضمانه
يوم صار الخل يظلم في نديمه
كيف تبغين الهوى يعتز شانه
بس نفس الحر ما ترضى الهزيمه
والذكي لابد ينجح في إمتحانه
راح وقت فيه نفسي مستهيمه
والهوى ما عاد يغريني كيانه
صدق كانت فالهوى روحي غريمه
وكان عندي الحب إخلاص أمانه
بس بان النور لي انزاح غيمه
وفي عيوني كل شيء بين بيانه
وفي النهاية أعذريني يا فهيمه
الهوى كله خيانه في خيانه
أتمنى انها تعجبكم
تحياتي
ومصافحه تفيض بالروعه والجمال
حروف من ذهب تشكر عليها ومعاني قيمه استمتعت بتلقيها
لاهنت اخوي ولاهان طرحك
لكن مثل ماتعرف قانون القسم يتطلب تحديد مصدر المشاركه في كل مره
لذلك ياليت توضح ماإن كانت القصيده بقلمك او منقوله ؟؟
لي بآك
عوآآآفي ~
بعض الأوجاع والإحباطات
لامجال فيها للنسيان
تقلب قلب الانسان
وتخلد على صفحات الزمان
يعطيك ألف عافيه
إبدعت في الاختيار
إستمر بـ اتحافنا بكل ماهو جديد
ينقل الطرح لواحة المنقولات الادبية
حيث مكانه الانسب
وننتظر جديدك
تقديري
صح لسان شاعرها
ولا هانت يمينك ع النقل
//