الخطايا

احدي قصائدي

معذرة علي تواضعها
اتمني ان تنال رضا
عيون ٍ
تتصفحها

لو ذبحتـي حبـي شـوفي نفسي تعطيك رقبتها
اخـذي سكـين ٍ بيديـنك وافعـلي فيني السـوايا

اغرسيها في ضلوعي وقطعي عروق ٍ روتـها
وشـفي غـلك فينـي اكــــثر والله الله بالــبقايا

واتركي انفاســي تنازع حـزة المـوت وشنتها
وان بــغيتي بـــزود اكــثر لاتحضـرين بـعزايا

ومثل كل الناس قولي نفسه ويش ذنب جنتها
امشي معهـم بالجـنازه وماحـد ٍ يدري الخفايا

مثــلي كنــك حـزنتـي مسرحيه انتـي بطـلتها
واكتـمي فـرحـك بـموتي وبيني حسـن النوايا

ولا اوصيك ان وصلتي البيت وثياب غسلتها
ايــدك انتـــي مزقيـها وغتـــرة بيـن الــزوايا

حتـي اوراق الدفـاتر فـوق طاولتـي وتحـتها
شققيـها واحرقيــها وكــسري كــــل الهــدايا

ولا انتهيتي شوفي خلفك باقي يدك ماوصلتها
لك رسـاله بلــون دمـي تصــرخ بوجه المرايا