الجريش الابيض من | مطبخي

السلام عليكم
وصباح / مساء الخير
عالجواعه والشباعه
اليوم أتفقت مع الشباب انه نتعشى عالكورنيش بس
بشرط مانبي من اكل المطاعم نبي من بيوتنا وكل واحد يجيب
معه طبخه يعني لاتجي الكورنيش ترز وجهك وتاكل بدون ماتجيب شي
واتفقنا وقمت افكر وش اسوي للشباب قلت لهم بسوي لكم جريش ابيض
وكان يقولون لي ماراح تضبطه قلت اتحداكم وشرطت عليهم يجيبون معهم اسعافات اوليه
علشان راح يااكلون أصابعهم

وكان اروح أفتش عالمقادير حق الجريش :

1- جريش قطري
2-لبن
3-ملح
4-ماجي ابيض
5-زبده
6- بصل
7- كمون
8-دجاجه

الطريقه:

نقوم بتنقيع الجريش من الليل لكن انا نقعته من الساعه 11 الصباح الي الساعه 6 مساء حيث قمت بالاستعداد للبدء بصناعة الجريش

قمت بتقطيع نص دجاجه فقط ووضعت النص الاخر بالفريز وقمت ايضآ بتفصيخ ملابس الدجاجه وجعلتها عاريه

قمت بوضع البصل على الدجاج
وضعت من البهارات الكمون فقط لاغير
واضفت الزبده اكثر من النص وليست كامله
ووضعت ايضآ ملعقة ونص طعام كبيره ماجي ابيض ورشة ملح

وضعت الجريش فوق المقادير واشعلت النار

وهنا قمت بسكب الماء وغرقت جميع المقادير والجريش معاهم بالجدر عن بكرة ابيه ولن ابلغ خفر السواحل
حيث يحتاج الجريش الي الماء الكثير حتى يستوي ويرتوي ولايجف حبه

هنا نشاهد جميع المقادير تطفوا فوق سطح الجدر وونتركها تستوي وتتجانس مع الجريش لحد الاستواء وخط جرنيتش

هنا يبدو الجريش وكانه قد أستوى

أضيف اللبن كاسين كبار فقط اي بالغين عاقلين
وعند اضافة اللبن لبدء من تحريك الجريش بالملاس جيدآ حتى لاينتج تكتلات بداخل الجدر من الجريش وتبدء الزحمه

واقوم بتجهيز الكشنه الي ان يستوي الجريش وهي مكونه من بصل وليمون اسود واشوية ملح فقط

هنا قمت بوضع الجريش بالحافظه التي سوف ااخذها معي الي الكورنيش وزينتها بالكشنه ووضعت الدهن عليها

وكنت اتمنى الجريشه تصير بيضه مثلي لكن ماصارت مره بيضه صايره قمحي
واللي عنده السبب يسدحه لي بالرد ولاتحرموني طلتكم

هههههههههههههه حلووة شكلها تفتح النفس
>> سؤال انت الي سوويته ولا اختك ؟؟ خخخخخخخخخخ
ويسلموو على الطرح في انتظار جديدك
مع حبي .

صباح الخير ..
أول مرهـ أقرأ طريقة عمل الجريش . .

ليش ما طلعت بيضة ؟؟
مدري ما عندي خلفية بهذه الأكلات بس أعتقد يفرق مع نوع الجريش نفسه ..

يعطيك العافية
بانتظار جديدك

السسسلآم عليككككككككم..
مآ شاء الله بجد يهببببببل..
منُت هييين والله غرام

بس آنآ آخببببرة آبيـــض غرام

يسلممممممؤ..

اقتباس:

نقوم بتنقيع الجريش من الليل لكن انا نقعته من الساعه 11 الصباح الي الساعه 6 مساء

ليش الوقت هذا كله ..

تكفيه ساعه الي ساعة ونصف بماء حار ويستوي بسرعه بعد يعني ماياخذ ساعتين فقط ,, (من تجربه ) ..

–

…………( غرام ) …………

غرام صبـآحك جَميل
ي سلام ع السنع
تسلم يدك و عوافي عليكم
يعطيكِ ربي العافية
لايو و و قف جديدكِ
ودي , غلا

…………( غرام ) …………

–

اهلن عاشق

شكل الطبخ خيال —> بس ماحسيتوا انو جريش —> صاير جنه هريس

اممم الموهم لو كنت حاط رابط غرام على الصور كان ثبتنا الموضوع وعطيناك الوسام

لكن خيرها بغيرها ان شاء الله

–

هلابك

والله من شكلها يشهي
بس عسى طعمها حلووو ؟؟

تسلم الاياااادي

مسائك ورد جوري
غريبه حكاية النقع انا ابد ما انقعه
ام عن ليش ماصار ابيض يمكن نوع الجريش او لونه موب فاتح
البعض تزيد عليه قشطه قبل التقديم بنص ساعه
انا مجربت بالقشطه بس ذقته وكان طعمه حلو
يعطيك العافيه

الله الله
عاد الجرررررريش لا يقاوم أعشقه وربي
جد يعطيك العافيه
عوافي على قلبكم يارب
نورت

الجريش الابيض من | مطبخي |

اترك تعليقاً إلغاء الرد