طيب يا خوي القوم وش مشكلتها
ان مـت والا عشت ضايق ومهموم
اجـمــل مراحـل دنيتي مرحلتـهــا
الجادل اللي وجهها والقمر توم
ما شفت بين البيض من شاكلتـها
العقل كووم وروعه اوصافها كوم
مـن طاحت عيوني عليها ملتــها
ضاعت علومي ما بقى عندي علوم
تمـلكت روحي غـلا واشغلتـــها
احبها حب اكبر القوم للقوم
والــوم نفسي لا سهت واهملتها
اعطيك شئ سد حلقكعن اللوم
نفـسي وانا راضي بهذلتـــــــها
مره من المرات قامت من النوم
وجت امها عند السرير واسالتها
تبي تقول شلونها بنتي اليوم
وشافت وصوف بالجمال اذهلتها
قالت هني اللي يتصبح بهن دوم
مـن زينـها حتى امــها غازلتها
ابو تركي 707 ما همني درب الخطر لو مشيته (مجــــــaـــــود)
ابيات من فنان ومبدع وشاعر وصف ولا اروع طبعا اتوقع انه لك ومن حقك تشير لذلك في اخر القصيده
اخوي الظاهر في الشطر اللي قلت فيه ( نفسي وانا راضي بهذلتها) نقص منه اثناء الكتابه كلمه يمكن تكون( بها)
على كل الاحوال اسعدتنا بهذه الرائعه وسأتابع قادمك باهتمام
اصح الله لسانك في كل ماتقول
ماشا الله قصيده تفوق الوصف
لكن اخي هنا همسنا يطلبك تحديد المصدر فالاسم وحده لا يفي لحفظ الحقوق
فلتكتب ان هي لك " بقلمــــي " وان لغيرك " منقول "
ونترقب قادمك
موفق