أبي أبين إن الموضوع هذا وجميع مواضيعي خاضعه للنقد من أي ناحيه ومن أي شخص كائناً من كان ولا أحد يزعل إذا ناقشته في نقده لأن زي ما من حقه ينقد من حقي أبين وأوضح وأنا لما أناقش مو إعتراض على النقد بالعكس أنا أرحب فيه ولكنه توضيح وجهة نظري فقط لا غير
بكيت ودموعي على القبر فوقك
اخفي دموعي من البشر لكن تبين
بكيت لاني ما وفيتك حقوقك
ولا عطيتك ربع ما تستحقين
أدري بحبك وأدري بكثر شوقك
وأدري لو إنه بإيدك تجين .. بتجين
ما والله أبدا يالغلا في عقوقك
وانتي على كثر الأحبه تبدّين
ودي لو استمتع بنبضة عروقك
ويجري بها دم المحبه .. وتحيين
ياليتني اشوف رعشة خفوقك
وتبقين معنا يا حياتي وتبطين
وياليتني أقدر أبين فروقك
عن كل هذولا البشر .. ويش تسوين؟
ودي لو أتمتع بلحظة شروقك
وما همني من بعدها لو تغيبين
ودي لو يجيني سناك وبروقك
يا ديمه أبطت من حياتي لها سنين
ودي لو يحدك غلاك ويسوقك
ويوجهك لقلوب عطشا من البين
رحتي وأنا الي باقيٍ في حروقك
محتار واجمع لي من الشعر بيتين
اجمِّع أفكاري عساها تروقك
وتجمل الي ودها بس ترضين
ودي لو أعرف وش غناك وطروقك
واكتب قصيدي على الي تحبين
بقلمي ..
محتار واجمع لي من الشعر بيتين
اجمِّع أفكاري عساها تروقك
وتجمل اللي ودها بس ترضين
فاقد غلاي ~
صح لسانك مـدد بلا عــدد
والله يرحم موتاكم والمسلميـن اجمعين
بصراحه ابيات فاقت الابداع وعانقت السمآء
مشاعر صادقه ملموســـه مستوحاه من الم الواقع
ومرارة القــدر
عزيزتي ~
اسعد الله قلبك وانار دربك وجمعك الله مع غاليتك في اعالي الجنان
كوني بخير
الي يسعدني ويشرف نصوصي
الله يقبل دعواتك وكثري لي منها يالغاليه
وما همني من بعدها لو تغيبين
جمعك الله بمن تحب \ نص جميل رغم كثافت الحزن الموجوده في طياته
تقبل الله منا ومنك صيام هذا اليوم
ودي
يعطيك العافيه
| هذه قصيده متواضعه كتبتها اليوم بعد مناقشه مع أحد الأعضاء عن موضوع القصيده |
اختي<<سوري ترى اسمك يلخبطني مدري ولد والا بنت عمومآ انا ماادري وش تقصدين بالضبط ومنهو العضو وهذا شي راجع لك يمكن عن طريق رسائل خاصه او تقييم او اللي هو عمومآ مو مهم اعرف وش تقصدين بالضبط المهم
<<مسألة النقد لها شروط مو اي كلام يمسكه الشخص ويجيني به!!
اذا بيت مكسور اوكي او فيه ثقل يمكن بعد
اما يجي واحد مثل بعض الأعضاء اللي مسوي لي فيلسوف ويقول نشاز وتعسفيه ومدري كيف!!
<<قبل كلامه هذا يعطيني شهادته في الشعر ومن الشعراء اللي اجازوا قصايده!!
انا راح اتواصل من الشعراء اذا انهم مشهورين مثل ابن جدلان وابن قضعان وابن وسام وحبيب وابن فطيس والزلامي وغيرهم وغيرهم ابغى ناس معروفين واذا جاء عندهم الكلام يوقف!!هنا انا مستعد اخلي العضو المنقوده قصيدته يقتنع انا اضمن هالشي له اما شخص يجيني من حيالله ويدبل كبد الاعضاء علشان يطلع على اكتاف غيره فهذا يبطي مانال مطلوبه !! (*_^)
عمومآ الشاعر يبدع ويجيب القصيده وماهي مكســـــــــــــــــوره ولا فيها ثقل فتعتبر قصيدته مثل سلة الفواكه خذ مايجبك ولاتكره الناس بفلسفتك!!
وبيني وبينك ماعرفنا هذا الكلام الا عقب شاعر المليون قام كل ٍ يحكي من عنده!!والبعض يقول نقد ويعجبه الشعر اللي يسمونه النثر <<طيب وش الفرق بين النثر والسوالف؟؟؟؟؟؟؟؟؟؟؟؟
ناس غريبه ودخيله على الشعر
عمومآ يعطيك العافيه
وتقبلي تحيات وتقدير
اخوووووووووووك
أســــ الغنج ــــير
وتجمل الي ودها بس ترضين
ودي لو أعرف وش غناك وطروقك
واكتب قصيدي على الي تحبين
فاقد غلاي
لله درك
حقيقه من اجمل ما قرات في هذا
اليوم
شهادتي في شاعريتك مجروحه
تقبلي مروري
بصدر رحب
ونبض إحساسك
معزوفة راقية
جادت بها أناملك المبدعة
رغم الحزن المتدثر بين حنايا كلماتك
رغم الألم
رغم الفراق
إلا أن هذا النص |أطربني|
غاليتي [فاقد غلاي]
رااااائعة انت وأكثر
لك ولقلمك ولروعة إحساسك
ودي واحترامي
دمت بحفظ المولى
أبيات في غاية الروعه وربي
أسجل أعجابي بها
تحياااااااااااااتي
أسيـــر
غفر الله لمن أحب
شاكرة لك هذا المرور
وتقبل الله منا ومنكم
الله يعافيك أخوي
ما أدري وش فهمت من كلامي بس ما كان قصدي إلي فهمته
أنا كنت أتناقش مع أحد الأعضاء وساقنا النقاش إلى الكلام عن أمه المتوفاه غفر الله لها وأسكنها الفردوس الأعلى وموتانا وموتى المسلمين << وعندما أقول نقاش لا تتوقعون مضاربه لأنه نقاش راقي ومحترم
فأثار مواجع كامنه في قلبي وكتبت هذه الأبيات فقط
شاكره لك هذا المرور الكريم