أنا الليالي في غرامك رمني

مشاعري تغلي وقلبي يحني
وريحك يجيني مع هبوب الهبايب

ولا تحسبنك يا لغضي ما أنت مني
وأنت أقرب العالم بشرع الحبايب

هواك صاروخ يقلب الأنس جني
وتهون عنده من عرفك المصايب

ومن قبل اعرفك كنت ما اعرف اغني
ولاني بلا حلظر ولاني بغايب

أبك أنت ما تاتي ولا با لتمني
ولا اني عنك عازي ولاني بتايب

خليتني يا زين شاعر وفني
من بعد ما الخاطر من الكل طايب

بس اسمع اسمع خل عنك التوني
واترك عنك قولة بعاد وقرايب

ما شي ٍ هذا الدرب واحسنت ظني
عليه اشب ويمكن اصير شايب

لـ تقول احسبنك ولا تحسبني
والله لا إتعب في هواك الركايب

وابا اتبراء يوم حرقت بني
عن لوم والا عن حسوف وعتايب

أبتبناك بــــحـــيــاتــــي تبني
لو كل عمري راح عندك ظرايب

نبي نشعللها ونبغي نغني
ولا عندنا مانع نشوف العجايب

ما دمت متهني وذاك متهني
اترك عنك صايب وعايب وخايب

وهذا ورد العلم يا زين عني
من يكسبك ما عاد يبغي كسايب

وانا يمين الله في حبك أني
لا صير عن باقي المخاليق تايب

واياك في يوم ٍ تحن وتوني
او تبتلش لاجتك بكره نشايب

وانا ليا ضحيت ما ني مثني
ان كان ما قلت انت يوم السبايب

والحب بسلسم جرح ماهو تجني
ممنوع صرف من الدهر والنوايب

وانا الليالي في غرامك رمني
ان كنت مخطي فيك وان كنت صايب

************

شعر / محمد بن ملفي العّجوني