أم الشهيد

…..{{{{أم الشهيد}}}} أهديتك يا مصر بأغلى ما في كياني
اهديتك بروحي ودمى اهديتك بحته منى
اهديتك بنور عيني و عقلي اهديتك يا غاليه بابني
وأنتى تستهلي يا مصر………
عنيا عمت من البكا و من الحزن ظهري انحنا
من بعدك يا ولدى ما حسيت في الدنيا بهنا
اعزرينى يا بلدى .دا. اعز ما في الدنيا الضنا
بس أنتى تستهلي يا مصر………
يا غاليه ابنى كان كاتب كتابه
وفرحه في العيد كان عامل حسابه
لاكن رصاص الظلم اخده و ما جابه
وميعاد فرحه عم الحزن أهله و أحبابه وأصحابه
وانتى تستهلي الفداء يا مصر………
انا عارفه يا بلدى حزنك على ولادك عصر قلبك عصر
والمصيبه ان قاتل ولدى و ولدك من داخل مصر
وكله عشان ابنه يمسك السلطة و يكون ملك القصر
جرحنا واحد أنتى و أنا و كل امهات الشهدا في مصر
بس ولا يهمك يا مصر…………
دا انتى فيكي شباب..!! الله عليهم يفرحوا القلب الحزين
شفتيهم يا غاليه وهما في التحرير غاضبين .ثائرين
رفعوا رأسي ورأسك و ابهروا. دول العالم اجمعين
لاكن قتلهم الطاغية من غير ما يخلى في قلبه رحمه و لاحنين
وحرق قلبك و قلبي عليهم وقطع قلوب امهات الشهدا من الأنين
لاكن كلنا فداكى يا مصر……..
اعزرينى يا بلدى لما ببكى على ابنى أنه مات
ما انتى عارفه انه وحيد على اخواته البنات
وابوه راجل مسن في الفراش من الحزن ينتظر الممات
بدعي ربنا نأخذ حقك يا ولدى في المحاكمات
عارفاكى بتدعي معانا يا مصر………
يا خوفي يا بلدى يظلموكى و يظلموا ابنى و ما يقيموا الحد
من طغيانهم شهود الاثبات غيروا اقولهم الى الضد
ننتظر حسم الشهادة منك يا مشير يوم الأحد
يارب يكون في قلبك ضمير وتقول الحق ولا تخشى أحد
عارفاكى بنتظرى معانا يا مصر………..
طبعا يا غاليه أولادنا هما اولادك ويرفعوا لكى العلم خفاق
والله يا بلدي يا غاليه أنتى في صميم قلوب اهلك و في الاحداق
أنتى يا اصيله يا سمره جنة الله في ارضه و حمايتك دين في الاعناق
وشبابك يتباهى بيكي ويحكى لكى غرامه وحبه ويهمس في أزنك الشعر والاشواق
ويقولك بحبك اوى اوى يا بلدى… بحبك اوى اوى يا مصر…….

بقلمي : الشعر والاشواق
{{{ خالد الكردى}}}

ودائما ابناء الوطن فداء للوطن
فأن لم يفدوه ابناءه
فمن سيفدي الوطن حين هجوم اعداء او تعدي

خالد الكردي
روعه ما قرأته هنا
يعافيك ربي
تقديري واحترامي

صح لسااااااااانك أبدعت
بإنتظارجديدك

ودي…