منيب من يستحضر أمسه بيومه .. أعيش يومي وأنسف اليوم في الغد
ماشغلني وقتي في عتابه ولومه .. أمضي مع الأيام والجرح ممتد
من راح عنّي مانشده وش علومه ؟.. ولا أنشد اللي صد عن سبّة الصد
كلّن على جسمه يفصل هدومه .. وكل من يبي له ودّ يلقى له مْود
والطير جنحانه على قدّ حومه .. إما طمن وإلا له الجو يمتد
والحر يكرم عن غرابٍ وبومه .. لاذا بندٍّ له ولا ذيك له ند
وكلٍ على معْدنْه تاتي سلومه .. وزينه وشينه عايد له ومرتد
مثل النبات اش جاب ورده لثومة؟ .. لا ذا مثل هذا ولا ذاك له قد
والكلب خامل في نعاسه ونومه .. والذيب له هيبه بها الخوف يشتد
من عاش أمسه ماهتنى بجوّ يومه .. يموت ماستطعم أبد نشوة الغد
أنا
سعد العوجان
أو
ليل النديم
[/]