أسهل و أسرع طريقة لنزول الوزن برمضان

حبيت انزل شيء موفيد للبنات وللشباب بعد هذا اول موضوع لي وان شاء الله تستفيدون أستفيد , أسرع , أسهل , لنزول , أطبقها , الوزن , بالرحيل , برمضان , خبرتي , صوت , طريقة , كل

من خبرتي بالرجيم …. أسهل و أسرع طريقة لنزول الوزن برمضان …كل سنة أطبقها و أستفيد

هاي بنوتات
بأذن الله ع العيد تصيرون أحلى رشيقات

نصيحتي لكم من خبرة سنوات بالدايت

الأكل الصحي + الرياضة = أسهل و أظمن طريق للرشاقة

يعني لا أحد يكذب عليك و يقول آيس كريم دايت !!
مكرونة بالجبن دايت !!

الله يستر لا يقولون لقيمات دايت !!
شوفي ..القضية مو النوعية و بس …القضية نوعية الأكل و كميته

يعني عادي لو تاخذين صحن صغير مكرونة أي نوع تحبينه —بس صحن صغير مع سلطة
انتي كذا تحكمتي بالكمية ..و النوعية حسنتيها بالسلطة لأن المكرونة بالبشاميل نشويات و بروتينات و كالسيوم و اضفتي كل اللي ناقص بالسلطة .. و قيسي عليها أو طبخة تشوفينها قدامك
-كمية + نوعية – راحة ضمير لأنك أكلتي من الشي اللي تحبين بس ما خربتيها و كثرتي

و بما أننا برمضان … الله يتقبل منا و منكم خواتي الغاليات
بعد التمر و الماء ..و الصلاة .
1 حبة سمبوسة بالفرن + 1 حبة فطاير بحشوة صحية بدون زيوت +صحن صغير شوربة أي نوع + سلطة
يعتبر افطار صحي جداً و مستحيل يسمنك ..

بعد التراويح اشربي ماء أو شاي أخضر و سوي رياضة مشي ساعة – هرولة -جهاز اذا عندك

بعدها بساعة أو نصف ساعة خوذي لك حبتين فواكة اللي يعجبك -يكفي انها مليانة فيتامينات و معادن و جسمك و بشرتك محتاجها و بقوه ..
غير ان الفواكة أفيد و اسهل للهضم اذا أكلتيها على معده فاضية ..

ليش الناس ينسونهم برمضان ؟؟

و كأن هالشهر الفضيل حرام تاكلين فيه شي خفيف و صحي بساعدك على العبادة بدل هالدسم اللي راح يجيب لك تخمة و ثقل و راح يجرك و يغريك تاكلين أكثر و أكثر

فيه مثل عندنا يقول ( النوم يجر النوم)

يعني النوم الكثير غالباً يغريك دايماً تنامي أكثر و أكثر ..و تصيرين خاملة أكثر ..

و أنا أقول ( الJunk Food يجر الجنك فوود و الأكل الصحي يجر الأكل الصحي )

اذا جعتي بأمكانك تبكرين السحور ..
أو تاخذين شي ع السريع ,,,زبادي مع 3 تمرات
أو
حبة بسكوت صغيرة
أو
حبة معمول مع قهوة
أو
حبة فطاير مع شاي

السحور نفس الطريقة اي شي صحي خفيف مع سلطة عشان تملا بطنك و تزودك بالحديد و تنحاشين عن فقر الدم
(-:

سحوري غالباً
(-:
آخذ 2 توست بر أو شريحة تورتيلا بر مع أي شي بالثلاجة (بيضة _ملعقتين فول_ بقايا حشوة السمبوسة _ صوص البيتزا ….الخ ) + سلطة و أكرر سلطة خليها صديقتك بعد الوجبات برمضان و غيره …

الرجيم أكل صحي متنوع ملون لذيذ غني بالفوائد عشان يساعدك على الرياضة و يطرد من جسمك المواد السامة اللي تحببك بال Junk Food و الأكلات اللي ضررها أكثر من نفعها ..
الا اذا استهبلتي و مديتي ايدك على الحلويات …
و مصختيها بزيادة …و أكلتي 3 او 5 قطع !!

انا اللي دايماً اللي اقنع فيه نفسي اذا اشتهيت شي حالي أو دسم أقول طوووول عمري أزط بهالأكل و ما فادني
)-:
شحوم و مغثة و جسم بايخ و شهور يالله نزلتها … بعدين رمضان أسهل فرصة للرجيم و أسرع لأنك طووول اليوم صايمة و لو اضفتي شوية تمارين تنزلين كيلوات محترمة بآخر الشهر …

لا أوصيكم …قبل الفطوب بساعة أقل شي تمارين لمدة نصف ساعة الى 45 دقيقة و اذا ودك خليها ساعة ,,,وش خسرانه ؟
شوية شحوم ؟ خليها تروووح

احنا بنات و رانا عيد و كشخة و حياة بنعيشها بثقة و ملابس حلوة
(-:
بالنسبة لي..

نظامي من العام و اللي قبله نوعين تمارين
قبل الفطور دراجة 20 دقيقة + 10 دقايق أوربترك
+
تمارين شد لجميع مناطق الجسم

بعد التراويح مشي ساااااااعة

تمنياتي للجميع بأوقات عامرة بذكر الله و عبادته و شكر نعمته و من ظمنها الجسم السليم و الأكل الخفيف
م
ن
ق
و
ل
تقبلو مروري ….

شكرا على الطرح الجميل والمعلومات المتميزه

ووووووووين التفاعل والردووود ؟؟؟؟؟؟؟؟؟؟؟؟؟؟

شكرا لك اخوي لانك اول شخص يرد على موضوعي ويجر بخاطري <<< اهىء اهىء

<<< كذابه ما امداها حطته ….
ثكرا ثكرا …

فعلاً طريقه صحيه بإذن الله

الله يعطيك العافيه على الطرح

وبانتظار جديدك

طريقه حلوه

يعطيك العااافيه

ان شاء الله تستفيدي منها << اذا تبين رجيم <<<ههههه من اولهاااا
ان شاء الله ؟؟

يسلمو على مرورك ….

خلاااااااااااااااااااااااااااااص عصبت وييييييييييييييييييين الردووووود ؟؟؟؟؟
هذا اول موضوع ومافي حماااس ؟؟؟
اهىء اهىء اهىء

طريقه حلوه و صحيه بسويها ان شاء الله في رمضان
كنت اقول رمضان هذا ان شاء الله ماراح اكل كثير خل نكون نشيطين