أبرياء ياهوى لا نعرف الكبرياء و لا الرياء كل ما بحوزتنا إبتسامة و حب و وفاء / بقلمي 2024.

بسم الله الرحمن الرحيم

رآح أنزل أول رواية لي :$ …. روايتي خ ــياااااااااااالييه
وأتقبل الاراء والنققد وأتمنى تنال إعجابكم

ملاحظه ** : أنا مو مسؤله عن تلهى عن صلاتها وتأخرها ..فأتنمى إن الروايه ماتلهيكم واللهم إني بريئة
ومن تريد أن تنقل روايتي تكتب : بقلم " ميم..! " ولا أسامح من تنسبها إلى نفسها فضلاً !

وراح أنزل الروايه يوم الأثنين والخميس *
.
.
.

(البــ1ـارت)

* الج1ــزء *

.
.
أبرياء ياهوى
لآ نعرف الكبرياء
و لآ الرياء كل ما بحوزتنا
بتسامة و حب و وفاء

في الأمارات وتحديداً مدينة دبي
السآعة 6:35 قرب دار الأيتام أتت سياره من أفخم وأحدث السيارات وتوقفت بعيداً عن الدار ونزل منهآ شخصين
: بسررعه قبل لا يجي أحححححد ويشوفنا !!
: ياخوي ذي بنتي كيف أرميها
:اقول أمش لا أدفنك أنت وياها هني !! قال بنتي قال
الشاب وهو ضام بنته ويبكي: ياخوي طلبتك
الرجال أخذ الطفله التي لايتجاوز عمرها أسبوع ! بالقوة من الشاب وراح للدار وحطها عند الباب وحط جمبها رضاعتها وناظر البنت : بنات حرام مأيعيشون عندنا وتفل عليها ورن الجرس وراح بسرعه !!
وركب أخوه الشاب المنهآر ومشى ….
وكان في شاب مجهول واقف خلف الشجره ويصور بجوالهه و يطالع بصدمه الي يصير وحمد ربه انه قدر يصور اللوحه والحدث ولف يطالع الطفله … الشاب ذا راح نتعرف عليه وراح يلعب دور كبير بالروايه …
و أنفتح الباب وطلعت منه بنت يتجاوز عمرها 18: غريبه مين الي ران الجرس وتلفت ؟ وشوي حست بحركه تحتها وتطالع الطفله بصدمه لاكنها مرة بالموقف ذا مرااات كثيره ونزلت لها : لا حول ولا قوة إلا بالله وشالتها ودخلت بها للدار وسكرت الباب وراحت للمسؤله إستاذة فاطمه ذي بنت جديده وواضح انها ما ابطت مولده
استاذه فاطمه وهي تشوف البنت : روحي وديها يا نسرين تلقينها المسكينه جوعانه وانا راح اسوي الإجراءات اللازمه
نسرين : إن شاء الله وراحت تشربها
استاذه فاطمه جلست بالمكتب وأخذت ملف جديد وكتبت أسم الطفله عذب محمد )
.
.
.

************************************************** *********************************
في يوم الأحد السآعه 5:30 في المسكن :
نسرين رآحت تقوم الأطفال للمدارسهم دخلت غرفة ميس وعذب وفتحت النور ورآحت تصحيهم وبعدها راحت لغرفة جوليا وشجن وأيار وصحتهم واخر شي راحت لغرفة فيصل صحته وبعدها راحت لم المطبخ تسوي لهم الفطور الي هو مكون من خبز توست وعصير برتقال :
وصفته ع الطاوله وبعدها نادتت المربيات الفلبينيات يلبسون الأطفال وبعد مالبسوهم جلسو ع الطاوله ياكلون
نسرين وهي تطالعهم : حبايبي شو نقول قبل ماناكل
الأطفال إلى عذب :ببسسم الله
نسرين شططار يلا كملوا كلكم والتفتت على عذب تطالعها الي ما تاكل : عذب حبيبتي شو فيك ما تاكلين ؟
عذب بعبره وهي تطالع جوليا : مو مشتهيه مامما
نسرين بحنان : ليه حبيبتي مايصلح تروحي للمدرسه وانتي ما أكلتي شي
عذب بصراخ : ماابي يعنني مماااااابي
نسرين بفجعه : ططيب طييب بكيفج
عذب طلعت من المسكن وهي تبكي وجلست على الدرج تحتري اخوانها يطلعون عشان يروحو للمدرسه
جاء نفس الشاب الي هو بسام الي كان شاهد حادثة عذب ووقف يطالعها بحنان من بعيد وهي تمسح دموعها بيدينها الصغار ومشى ووقف عندها ورفعت عذب راسها تطالعه : ممين انتت ؟
بسام نزل لمستواها وقال : حبيبتي ليه تبكين ؟
عذب تطالعه بخوف : ممالكك شغل !
بسام وهو يطلع شوكلاته من جيبه ومدها لها
عذب وهي تطالع الشوكلاته ( مالتيزرز ) الي تحبها واخذتها وقالت ببراءه : شكرا
بسام وهو يمسح دموعها : ليه كنتي تبكين ؟
عذب تذكرت ورجعت تبكي
بسام حزن لها وجرها له وضمها وهي تمسكت فيه ووقف وهو شايلها : بس حبيبتي علميني
عذب : جوولل لي ي ا
بسام : وش فيها جوليا ؟
عذب : أخذت أرنوبي الي أحبه
بسام : حبيبتي أشريلك احسن منه
عذب رفعت راسها له : صدق ؟
بسام ببتاسمه وهو يطالعها : ايه حبيبتي نروح انا وياك اليوم العصر
عذب بفرحه : شكررا انا مرره احبك
بسام : وانا احبك بعد مررره
عذب بخجل وهي تطالعه : لاكن انت شو اسمك ؟؟
بسام : اسمي بسام
عذب : بساام اســ واسكتت وهي تطالع المربيه الي جت لهم و تطالعها بغضضب
بسام استغرب سكوتها والتفتت وشاف المربيه
المربيه بغضب: انتا ايس سوي مع هادا بيبي ؟
بسام : ما اسوي شي لقيتها جالسه تبكي والتفت لعذب الي تعلقت فيه بخوف وخبت ووجهها
المربيه وهي تجر عذب : يلا انتا اذب سوررعه روح مدرسه
عذب بخوف : ممابي
المربيه وهي تقبصها مع رجلها بقووه : يلااااااا تااالي ولا خبر مدام نسرين
عذب بكت : ماببي
بسام بعصبيه وهو يبعد عن المربيه : هيييه هيييه وججع وش تسوووين انتتي
المربيه بصراخ : انتا مافي دخخخل نزل بيبي سووورعااه
وطلعت نسرين على الصراخ وجت لهم باستغراب ؟
المربيه بكذب : ماما هادا رجال يبغا اسرق هادا بيبي
بسام بعصبيه : هيييه وش اسرقق بلا كذذذب
نسرين وهي تكلم المربيه: انتي ادخلي وخلي عنك الكذب فاااهممه والتفتت على بسام : عطني االبنت بسرعه اشوف
المربيه راحت
عذب وهي تبكي: مابببي
نسرين باستغراب : انت شو قايل لها
عذب رفعت راسها للنسرين : مامما نسرين هو عطاني شوكلت الي احبه وقالي راح يشري لي ارنوب جديد
نسرين تطالع بسام : اننـ والتفتت بفجعه تطاالع الباص هو راح ولا لا والباص كان رااايح من زممان ولفت تطالع بسام بعصبيه : شففت كيف راح عنها الباص
بسام : انا مستعد اوديها
نسرين باستهزاء : احلف بسس
بسام نزل عذب وطلع من جيبه كل بطايقه المهمه ومدها لها وقال : خوذيها وانا اوديها وارجع اخذها منك الظهر بعد مايرجعون الاطفال عشا تتأكدين
نسرين بتردد وهي تطالعه : اوكك وراح اكلم المديره اتأكد ّ؟
بسام بإبتسامه اوك , ومسك يد عذب وركب السياره ووداها للمدرسه وبعدها لف لجامعته ودخل سيارته بالمواقف ونزل
ودخل الجامعه وراح لمكان شلته وسلم عليهم وجلس
فارس وهو يطالع بسام : شفيك تأخرت ؟؟
بسام : حصلي ظرف أخرن
فارس بإستغراب : اها
بسام لف على راكان : راكان قم معاي ابغاك في سالفه ,, وقامو وابعدو عن الشله
بسام : راكان رحت لها الصبح قبل لا أجي
راكان باستغراب : منو ؟
بسام : لا تستغبي الطفله الي قلت لك عنها
راكان : اهااا شصار عليها ؟؟
بسام بحزن : احس الذنب ذنبي لي مالحقتهم او بلغت عن اهلها
راكان: شو ذنبك انت ؟؟ مالك شغل هم الي قطوها مو انت !!
بسام وهو يطالع الجامعه وباله بععيد
راكان : اسمعني لقيت لك حل ليه ماتبناها
بسام لف يطالعه : تتكلم من جدك !!
راكان : لا من عمي ايوه من جدي
بسام : لا ماينفع انت عارف ظروفي خصوصاً اني شاب لحالي بالبيت صعبه
راكان : صصح كيف نسيت
وجلسو فتره ساكتين وبعدها لف راكان : بسام جبتها
بسام :كيف ؟
راكان اسمع السالفه راااح تطوول مررا بس مافي حل إلى كذا
بسام بلهفه : لاتحرق اعصصابي كممل
راكان : اسمع أجل …………………….
بسام بتفكير : كيف جبتها مافي حل إلى كذا
وبعدها قامو وراحو لمحاضرتهم …

*********************************************
بعد 13 سنه …………….
.
.
راح اعرفكم على أبطال الروايهه :
أبطال المسكن :
ميس : عمرها 19 سنة .. شعرها بني فاتح ولين ظهرها وعيونها وسط وطولها 159 سم بشرتها بيضاء وعيونها عسلي فاااتح ووزنها عادي 156 وشخصيتها قياديه ويعتبرونها اختهم الكبيره
جوليا : عمرها 19 سنين شعرها بني غامق وإلى كتوفها حواجبها مرسومه رسم وخشمها صغير وشفتها طويله بس مو كبيره شكلها مميز اذا ابتسمت , عيونها لونهم فيروزي غريب وملفت للأنتباه والي يشوفها يحسبها لابسة عدسات .. طويله شوي طولها 161 ونحيفه وزنها 158 وبشرتها لونها نفس لون التان الي يعملوه !! .. شخصيتها رجه ششوي

شجن : عمرها 19 سنه شعرها قصير تحت إذنها كاريه ولونه اسود وملامحها ملامح هنديه مميزة لون عيونها سوداء ومحدده بالرصاصي ! .. كل شي به صغير إلا عيونها كباااااار ورموشها كثيفه .. قصيره طولها 155 سم ونحيفه وزنها 148 وبشرتها سمراء شوي مو مرا سمار حلووو لاييق شخصيتها: خجووووله مرا ومو إجتماعيه ودمعتها على خدها على طول

عذب : عمرها 19 سنين شعرها بني فاااتح مايل للشقار أكثر وطوويل مرا لين فخذها حواجبها بنيه مرسومممه رسسم ورسمتهم طويله وأنفها سلة سيف طويل وصغير وشفتها صغيره وورديه .. وعيونها كبار ومرسومه رسم ومددات بأسود كأنهم مكحلات ! ولون عيونها رصاصي ورموشها كثييييفه وطويلة .. ولها غمازتين بخدها اليمين واليسار وواظحات مره لا تكلمت ولا ابتسمت وضحوا .. لون بشرتها أبيض وخدوده أحمر طبيعيه طولها جميل 160 ونحيفه وزنها 155 سم وجسمها مثل جسم العارضات يعني بالمختصر شكلها أنثوي ومممملفت للأنتباه !! شخصيتها : غامممممضه , وقليل تضحك ودووم لحالها وقليل ما تتكلم يعني دوبها دوب نفسها

أيار : عمرها 19 سنين شعرها كيرلي وأسود ويوصل لين نص ظهرها وملامحها نااعمه مرره ملامحها تشبه ملامح البرازيليات أكثر طولها 156 سم ووزنها 50 وشخصيتها برييييئه وعلى نياتها وتحب تسوي مقااالب

فيصل 19 سنين طوويل 173 وجسمه معضل وشعره أسود ودوم يعمله سبايكي عيونه وسط وحادات وأنفه طوويل وصغير وفمه كبير بس مميز .. شخصيته : حنوووون مرا وما يعرف يعصب صحيح يتنرفز بس مو مرا

نسرين : عمرها 34 وهي كانت يتيمة من أيتام المسكن وقررت تشتغل بعد وصولها السن القنانوني , شعرها ناعم مرا وإلى أخر ظهرها ولونه كستنائي وبشرتها قمحيه وعيونها كبار ورموشها كثيفه وحواجبها مرسومه رسم وشفتها صغيره و ورديه ومو مرا طويلهه طولها عادي 159 سم

صارت اعمار البنات 18 سنه ,, وازدادو جاذبيهه وكانت احلاهم عذب كانت ولا ملكة جمال كأنها تمثال مرسومم رسسم !! لاكــــــــــنـــهــــم وصلوا السن القانوني !!
ونسرين صار عمرها 36 سنة !!
ملاحظه : بسام كان يزور عذب يومياً ومدلعها اخر شي وماقصر مع خواتها الثانيات بس بعد ما وصل عمرها 16 سنه أنقطع فجأة عنها ؟؟!!
في يوم الثلاثاء الساعه 5:30 صباحا وتحديدا في المسكن :
كالعاده نسرين قومتهم وصلو وجلسو ع الطاوله يفطرون ,, وكانو البنات يطالعونها بإستغراب كانت تاكل بإرتباك واظظح !!
نسرين لفت تطالع عذب : حبيبتي ليه ما تاكلين ؟
عذب بعبره مابي !!
نسرين : حبيبتي مايصــ
وقطعت كلامها عذب : انااا قلت مابي يعني مابي غصصب يعني !! وقامت وطلعت برا وجلست على الدرج
نسرين : بحزن لا حول ولا قوة إلا بالله حسبي الله عليكك ي بسامم
وكملوا كلهم بهدوء وقامو وكل وحده شالت صحنها ووحطته في المطبخ
وراحو لغرفهم عشان يستعدون للمدارسهم لاكن وقفهم صوت نسرين وهي تقول : اليوم راح اقولكم شي مهمم جدا عشان كذا ماراح تروحون للمدارسكم
البنات باستغراب وهم يطالعون بعض !!
قال فيصل : غريبه شعندها ؟!!!
وبعدها تفرقو لغرفهم وبقى فيصل واقف يطالعهم بإستغراب : غريبه ولا وحده منهم راحت لم عذب ولف طالع برا
وجلس جمبها ,, فيصل وهو يطالعها : عذب
عذب طالعته ولفت ولا ردت عليه
فيصل تنهد : علميني فيه احد من البنات مزعلتك ؟
عذب بعبره : لا
فيصل : اجل شو فيك ؟
عذب بكت : تذكرت بسام
فيصل بعصبيه ياذا البسام : حنا مو قلنا لك انسيه خلاص هاذا ماضي
عذب لفت له : انساه انسى روحي ولا انساه هاذا كان مثل الأهل لي كان معي حوالي 13 سنه وتقولي انساه
فيصل : هاذا واحـــ وقطعت كلامه ميس : بسرعه نسرين تبغانا , وقامو وراحو للصاله الرئيسية وجلسو كلهم جمب ببعض وقدامهم نسرين بكرسي جالسه وواضح عليها التوتر والحزن
************************************************** *************
إنتهى الجزء الأول ….

ارائكم ..؟

اممممم روايتگ بدايتهاااا حلوووه
اتحمسست ايش بتقلهم نسرين بس انصدمت بإنوو انتهى الباررررت
يسعدني إني اووول رررد
واقلللگ اسسستمرررري للأفضل
واعتبريني من متابعينگ
وياريت كمان تخبريني بموعد البارت الجي
لاني تحمسسست بقوووووةةة

♥

/

رووووووووعه
بدااية جميلة

وانا كماان اعتبريني من متاابعينك

سعيدة جداً بمتابعتك حبيبتي
وراح انزل كل يوم اثنين وخميس

أنتى الأجمل

سعيده بمتابعتكك …

*الج2ـزء *
نسرين بتوتر : حبايبي انتم عارفين ان الدنيا تاخذ وتعطي صح ولا لا
طالعوها باستغراب ؟؟
كملت نسرين : راح يتغير مكان الدار وراح ننتقل الى العين
طالعوها بصدمه !!
كملت : لكن رآح ينتقلون معانا الأطفال والي أعمارهم تحت 18 فقطط
شجن وقفت بفجعه : يي يع يععني ايشش مماراح نروح معاكممم !؟؟؟؟؟؟؟
وقامت جوليا وهو مو أحسن من حال الباقي وقالت بدموع : يعني نسررين حنا وصلنا السن القانوني
نسرين بشفقه على حالهم : ايه حبيبتي وأنا ما بيدي شي هاذي قوانين الدار
عذب بهدوء غريب: لكن حنا وين نروح من لنا ؟
نسرين قالت بسرعه : الدار راح يعطوكم قسم خاص لكم بفندق بس بس انتم تدفعون الإيجار السنهه الجايه .. يعني حساب الغرف الحين مدفوع وخالص لمدة سنة كاملة ونفس الفندق يوم عرفوا اننا من الدار سوو لنا تخفيض خاص !!
شجن جلست تبكي : لكن كيف راح نعيش ؟
نسرين : انا ماكملت كلامي ! .. صاحب الفندق تاجر كبير وهو راح يتكفل فيكم من مصاريف وراح ينزل لكل وحده راتب لها بالشهر
نسرين قامت واقفه: اتمنى تفهمو الي قلته لكم وتجهزو شناطكم وانتم راح تبقون بدبي وراحت
وبعدها كل راح قام لغرفته يجمع اغراضه وخايف من بكرا
نروح مكان ثاني مختف عن هاذي البيئة
وبأحد أفخم القصور الموجوده في دبي *
وتحديدا أكبر وافخم غرفه باالقصر لكن كانت قمة في الهدوء ويتواجد بها شخص طريح الفراش وكبير في السن
دخل الشاب لغرفة أبوه وراح له وجلس جمبه وجلس فتره يطالعه
: بغيت شي يا ولدي محتاج شي ؟
: لا يبه مو محتاج شي الحمدلله انت بس ارتاح ولا تتكلم كثير
: رحت لها ؟
: لايبه إن شاء الله بكرا
وغمض عيونه الأب بتعب ونام
وبعدها بفتره قام الشاب وطلع من الغرفه وأتجه لجناحه ودخله وسكر الباب ودخل غرفة الجلوس وجلس

نرجع لأبطالنا ,, الساعة 8 صباحاً :
كانو صافين اغراضهم من شنط وكراتين وعلى وجيههم الخوف والحزن
نسرين : متأكدين مانسيتو شي ؟؟
الكل : ايه
وسلمو عليها وطلعو ولقو السيارة تنتظرهم.. وركبو واتجهوو للفندق
شجن : جوليا
جوليا بحزن : هلا ؟
شجن : مسكين فيصل استأجرو له فندق بعيد عنا
جوليا : راح نفقده مرا
شجن : الله يسامحهم
عذب بهدوء : أصلا راح يسافر بعثه للأسبانيا الأسبوع الجاي نسيتو ؟
ووصلو للفندق وانصدمو من شكله ! كان شكله كبير مررره وفخخم ونزل العامل اغراضهم ودخلو وبعد الإجراءات وذا راحو لقسمهم كان بالدور الثالث كلهم جناحهم جمب بعض الا جناح قدامهم فيه اشخاص ساكنينه
وتوزعو ميس و شجن مع بعض و جوليا وايار مع بعض وعذب لحالها سويتها جمب السويت الي مو تبعهم
دخلو ورتبو اغراضهم وبعد ماخلصو جلسو بالصاله بتعب
ميس : وااااااي تعبببتت اول مرره استغل كذا
شجن : سكتتتي مو اششد منني
ميس : شكلي بتصل على البنات يجون لنا او نجيهم
شجن غمضت بتعيب : لا خليهم هم يجونا
ميس وهي تتصل بعذب : اوك
عذب بتعب : هلا
ميس : هلافيك رتبتي كل شي ؟
عذب : ايوه تكسسر ظهري قسسم
ميس : هههههه مو اشد منا , طيب ما ودك تجون لنا نتغدى ؟
عذب : إلا هذاي جيت حددي جوعاانه هههه
ميس : ههههههه اوك وخبري جوليا وايار
عذب : أوك , باي
ميس : باي
وسكرت من ميس واتصلت بجوليا وخبرتها يجون
عذب بعد ما تروشت وتلبست خلت شعرها على طبيعته وطلعت وسكرت الباب وحست في احد واقف والتفتت وتطالع وتلاقي شاب يطالعها بصدمه منبهر من جمالها !!
عذب استغربت شفيه ذا يطالعني كذا !! : بغيت شي ؟؟
الشاب الي هو صاحب السوي تالي جمب عذب : ل لل لا !!
عذب ما اعطت الموضوع أهميه ولفت لسويت جوليا وايار ورنت الجرس وطلعو
والشاب لسى واقف يطالعهم باإنبهار ,,, ورنو الجرس وافتحت لهم ميس وادخلو وسكرو الباب
جوليا : بنننات طلببتو شي ولا مابعد تراي بدووخخ من الجووع !
شجن : هههههه اجلسي بالأول انتي
وجلسو البنات , قالت جوليا : بنات وش تبغون نطلب
كلهم قالو مااكك
واتصلت شجن لان هي الوحيده الي معها رصيد : بنااات استححي ما احب اكلم رجال << ردو وهي ما انتبهت انه رد
ميس : شجن بسررعه والله جوعانيين
ايار : هم بايكلونك !! كلمي بس يلااا
شجن : اوفف ترا عاددي اسكره لا تهاوشوني , وتذكرت انه تتصل ورفعت الجوال بإرتباك : ا لو
: اهلا
شجن بفهاوهه : أخبارك ؟
وضربت راسها جوليا : هيييييي وش ذي اخبارك !!! اطلببي انتي
شجن : اييي يأألم تراا
كملت شجن : مطعم ماك …. ؟
كلم نفسه بظحكه : شكلها غلطانه بس بشوف اخرتها : ايوه ياختي شو تبغين
وقالت له الطلب ووصفت له الفندق وبأي دور وبأي سويت وسكرت
وكملو البنات سواليفهم بإستثناء عذب لأنه هي الوحيده هاديه وفيها غموض ششوي

وبعد نص ساعة
رن الجرس جاء الطلب …
قامت شجن تتجيب الطلب … وفتحت الباب وتطالع الي جايب لها الطلب كان آيهه من الجمااااال
شجن بعدم إستيعاب وهي تطالعه وعيونها مطيرتهم عليهه قالت : اللاي هندي نفس الأفلام بس وش الجمال !! وانتبهت على نفسها …. : محمد كم فلوس ؟
الرجال وهو كاتمم ظحكته بالقووه : 286 ريال ماما
شجن بفجعه تطالعه : هييي وش 286 وش حننا طالبين !!
الشاب بظحككه : شو يسوس ماما هادا انت في اطلب
شجن بشك تطالعه اصبر شوي … ودخلت بنننننات الحساب 286 … لفو عليها البنات بفجعه : وشششو
جوليا : يستبببهل ذا وشو 286
ايار وهي تحسب : طلع 150 !!
البنات بعصبيه يستهبببل ذا ولفو على ميس يبونها تتصرف
ميس : اوكك اوك لا تطالعوني وقامو كلهم وطلعو وكانت اشكالهم تحفففه
لف الرجال الي ينتظر بملل وطالعهم بفجعه !!
وكانت ميس بالمقدمه : هيييي صديق شوه اذا 286 ؟
الرجال يطالعهم بظحككه : ماما هاذا انتا اطلب
قالت عذب ببرود : الحساب 150 كيف صار 286 ؟
لف لها الرجال وطالعها بإنبهار وطول وهو يناظرها …
لفو البنات يطالعونهم بإستغراب وجت جوليا له ورجفت رجله بقووووه ونقزز من الوجججع
البنات ظحكوا من شكلهه وهو يطالعهم بقهررر
الرجال بألم : ي بنتت اللذينا هاذيي رجلل بنت بللاه عليكك
طالعوه البنات بفجعهه ودخلو من الأحراج وبقت شجن
شجن بإحرااااج : تفضل 286
الرجال : هههههههههه لا أستهبل عليكم …. ورد لها الباقي وطالعها فترره وراح
ودخلت شجن : وجعععع ليه رحتو وتركتوني !!
وتطالعهم متسدحين من الظحكك
قالت عذب ببرود : جلسي كولي ماعليك منهم وجلست وبعده جلسو كهم ياكلون
وبعد ما أكلوا تفرقو كل وحده راحت تنام … وبعد ساعتين الكل نايم عدا عذب الي الأرق ملازمها من يوم شهر ملت وهي تاخذ المنومات … قامت من سريرها بتأفف ودخلت الحمام وغسلت وجهها وطلعت وفتحت دالوبها وطلعت لها بنطلون جنز وقميص وردي وجكيت جنز فاتح ولبست ربطه شعر فيونكه ورديه وخلت شعرها مفتوح وطلعت وتلاقي نفس الشاب واقف وانتبه لها : اهلا ؟
عذب ببرود طالعته ببرود ولفت ونزلت بدون ماترد عليه وطلعت من الفندق تتمشى ودخلت كافي وطلبت لها قهوة تركيه مع سوفليه وجلست بالكرسي وطلعت لها روايه تقراها ( الأسود يليق بكك ) وجلست تقرا بهدوء ولفت انتباهها صوت شخص تعرفه ولفت بلهفه وشافت نفس الشخص يتكلم بالجوال وبعدها قفل ولف لعذب الي تطالعه وطالعها بإستغراب !
قامت عذب وراحت بسرعه له وقالت بصصدمه : بسسسااام !!!
إبراهيم طالعها بإستغراب وقبل مايتكلمه البودي قارد ووقفو قدام عذب ؟
إبراهيم يكلم البودي قارد : بعدوا … وبعدو البودي قارد …..: نعم اختي ؟
عذب بعدم إستيعاب : بسام انت بسام صح !!
إبراهيم يطالعها بتفكير : لا مو بسام وسكت فتره … اهاا ترا شبهه ابوي مررا وابوي اسمه بسام وانا ولده إبراهيم
عذب : ابوكك بسام …… ؟
إبراهيم يطالعها بإستغراب : ايوه .. بس انتي مين ؟
عذب جلست مو مصدقه راح تلقى بسام وجلست تبكي : طلبتكك ودني له
إبراهيم بإحراج يطالعها : .. لككن تـــ
وقاطعته عذب وهي تبكي : طلبتكككك ودني له
إبراهيم وقفها : طيب اهدي راح اوديك له بس الحين الوقت متأخر … راح اعطيك رقمي واتصلي علي وانا بنفسي راح اجي واخذك وأوديك له
عذب وهي تمسح دموعها : اوكك شكرا .. واخذت رقمه ورجعت للفندق ونامت براحهه
…
في مكان مختلففف تماما :
اااي بااابا اههههههئ
ابوها بغضب : ايا الخسيسه يالي ماتربيتي هاذي اخر تربيتي لكك
.تبكي : باببا والله هو اغتصبني اننا م مم ماليي ي ش شغغل اهئئ
ابوها بعصبيهه شديده : بسررررررعه روحي البسي عباتكك
قامت بسرعه رغم اللألام الشديده من ضرب ابوها ولبست عباتها وطلعت
أبوها شافها بصدمه : راح تطلعي كذا بتفظحينا انتي !! …. وبصررااااخ : بسرعععه غيري عباتك ومابببي يطلع منكك شي
البنت بسرعه راحت تغير عباتها وطلعت لابوها وهو يناظرها بإحتقار : بسرعه اركبي السياره
ركبت قدام … ابوها بصرااخ : انززلي اشووووووف لكك وجهه تركبي قدام ونزلت وركبت ورا وهي كاتمه شهقاتها وراح للمستشفى ودخل وهو متلثم وبنته وراه وراح ياخذ موعد عند دكتورة نساء وولاده
الموظف : جنى أحمد …… ورفع راسه بدهششه
أحمد يطالعهه بنظرات مرعبه : وربي لو عرف احد راح تكون نهايتتك على ايدي ,, فااااهمم
الموظف برعب : فاهم فاهممم
ودخلهم بسرعه ع الدكتوره وجلسو
لف احمد على بنته جنى وصرخ عليها : قومممي واقففففففففففه
جنى وقفت بخوف
احمد لف للدكتوره : زوجتي حامل وابغى نجهض الجنين
الدكتوره باستغراب : اوكك بس لازم نسوي فحوصات وتحاليل لها وراح تطلع بعد نص ساعه
وقفت الدكتوره تطالع جنى : تعالي حبيبتي نعمل الفحوصات
جنى بخوف : لا مااابببي
احمد بصراخ : بسرررررعهه اشششششووووووووف
جنى بخوف راحت مع الدكتوره وعملو لها فحوصات بعد جهد جهيد وجلسو بالإنتظار …. وبعد نص ساعه طلعت الممرضه : جنى احمد
وقامو ودخلو لها وجلس الأب
الدكتوره : للأسف ماراح نقدر نسوي إجهاض لها لانه خطر على حياتها مره ونسبة نجح العملية 23% !!
أحمد من الصدمهه عجز يتكلم
وكتبت الدكتوره ادويهه لها ومدتها لجنى واخذتها ورجعو للبيت ………..
…………….
في اليوم التالي الساعه 10 صباحا …….
قامت أيار ولفت للسرير جوليا تطالعها ولقتها بسااابع نومه وراحت وغطتها زين وراحت تتوضأ وتصلي وبعدها راحت تتلبس وطلعت وسكرت الباب ولفت بتنزل ولقت الشاب نفسه واقف طالعته بإستغرب وقالت بصوت خفيف : هاذا متى ينام اولاااه !! ونزلت حت للكافتيريا تفطر وجلست ع الطاوله تفطر يوم رفعت راسها .. تلاقي صاحب السويت الي جمبهم قدامها بالطاوله الثانيه ….
ما اهتمت مرا وكملت فطورها وبعدها قامت تشتري أغراض البيت وركبت تاكسي وراحت ع السوبر ماركت واخذت عربيتها ولا انتبهت انه لا لحين يتتبعها !! وراحت قسم الفواكه واشترت فواكه ووقفت عند الانناس وودها تاخذه بس خايفه من شكله ووقف عندا الشاب : تبغين أنناس ؟
لفت له أيار وتفاجأت لما شافته… : ايوا بس أخاف أمسكه وأبتسمت
الشاب أبتسم وأخذه وحطها بعربيتها … ايار بتردد : عادي تجي معاي لاني مو عارفه شو اشتري اول مرا اتسوق لحالي
الشاب بإبتسامه : اوكك …. وكمل معاها وشرت كل الي يحتاجوه وراحو عند المحاسبه يحاسبون اغراضهم وبعد ما حاسبهم قالها 547 ريال … وفتحت بوكها وطلعت 500 ودورت 50 بس مالقت ولفت على الشاب بإرتباك وقالت معك 50 ؟
الشاب : طبعا واعطاها 50 وحاسبت وطلعت ووقفت تحتري لها تاكسي … الشاب بإستغراب : شو تسوين ؟
أيار لفت له : اوقف لي تاكسي !
الشاب : طيب اركبي معاي ؟
أيار بإحراج وتردد : امم لل للا ماا يصلح
الشاب : أخذ منها الأكياس : تعالي بس انا اوصلك .. وركب الأغراض بالشنطه وركب وشغل السياره ومشى
وجلسو فتره ساكتين … جت أيار بتتكلم بس قاطعها : كنتي بتسأليني ايش اسمك ؟
ايار بتعجب : كيف عرفت !!
الشاب : أسمي فهد خالد …. عمري 20 متزاعل مع اهلي حاليا وجاي للفندق عشان كذا وأنتي
أيار : اسمي أيار عبدالله عمري 19
فهد : أيار شو عايلتك ؟ وليه ساكنين انتي وخواتك
أيار: أيار عبدالله بس مالي عائله
فهد لف يطالعها بصدمه : أنتي يتيمه !!
أيار بقهر لفت تطالعه : ليش عيب ؟؟ الذنب مو ذنبنا
فهد يطمنها : مو قصدي بس مو واظح عليكم ابببد
أيار: صاحب الفندق هو الي يصرف علينا
فهد : اها .. طيب كلميني عن حياتكك
أيار بحزن وهي تتذكر الماضي : يوم كان 4 سنوات كنت عايشه في نعمه الكل يتمناها بسس أبوي صار مدمن مخدرات وتغير علينا مرره صار كل ما شافني يضربني بوحشيه ودخلت المستشفى واترقدت اسبوع وحققو معاه الشرطه وقدر يطلع نفسه و امي وانا ما رجعنا لبيت ابوي رحنا لبيت جدتي وجلسنا فيه وامي مقرره اننا ما نرجع للبيت وجاء ابوي واعتذر منها وانه ماراح يتعود لها بس كانت رافضضه لانها هو كان يضربها ويرجع يعتذر منها وهي كانت تقوله عالج نفسك من الأدمان بس كان رافض خايف من الفظيحه بما انه تاجر معروف بس
فهد : كملي
أيار بتردد : بس هاذا كل شي
فهد: لا تكذبي علي فيه شي متردده تقوليه صح ؟
أيار بككت وهي تكمل : وبعدها بشهر أبوي جاء يحاول في امي ترجع معاه وكان طييب معاه وامي استغربت طيبته وقالها اذا ما تبغين ترجعين أبي بنتي وامي رفضضت بششده وصار بينهم نقااااش حاد وفجأه ابوي بدت حالته لأن ما اكل من المخدر حقه وبدون وعي منه طلع المسدس الي معاه ورمى أمي وجت الطلقة على صدرها وماتت على طول ولف بيهرب وشافني أطالع الي يصير كنت مصدوومممه مرره من المنظر ولفيت أبهرب اخبر جدتي بس كان أسرع مني حملني وراح بي على قصره وكملت شهر معاه ماتتصور كيف كانت الحلوم تجيني مشهد موت امي .. وكان يضرببني ويغمى علي ويجيبلي دكتوره الخاص يعالجني كان مذوقني اشد انواع التعذيب وكانت مديرة المنزل تدافع عني .. وجت الفرصه الي ابوي سافر 3 ايام عمل
واخذتني وودتني لمسكن الأيتام أأمن من أبوي
فهد متأثثر مرره : طيب تعرفي اسم أبوك ؟
أيار: مستحيل أنساه : سعيد أحمد …….
فهد لف عليها بصدممممه كبييره وقال بصوت عالي أييييييييش !!!!!
أيار لفت بفجعه له : الي سمعته !! .. تعرررف انت ابوي
فهد بإرتباك : …….
*******
إنتهى الج2ـزء
ارائكم …؟

* الج3ـزء ينزل لكم بإذن الله يوم الخميس

قراءة ممتعه

ليه مافي تفاعل ='(
رد بسييط يسعدني كثييير ❤️

/

ميم ذكرتي راح تنزلي الروايه يوم الاثنين والخميس
م نتبهت انك نزلتي الجزء الثاني . . واا انا معاد ادري عن الاياام

بعدين الجزء الثاني رووووعه بس ماافيه احداااث مثيره غير ايار وفهد
وانه عذب حصلت ابراهيم .. وكان الباقي عادي

اعذريني ميم على الملاحظة هذه انتظر الاجزاء والبارت القادم بشوووق

تحيااتي

♡

بصراحة روايتك روعة خطيرة عذاب بانتظار البارت الجديد على نار ﻻتتاخرى علينا بليييز بليييز .

لاعادي حبيبتي …انا احب الي ياخذ ويعطي معي :$ !

وإن شاءالله البارتات الجايه احلى واحلى ❤️