أحيي وأشكر الجميع وأكرر شكري لاخي مايهاب ولا يهون أحد
لي صديق دايم يتشكى من زوجته
فاجأني بترديده لأبيات شاعر نجد وحكيمها الذي عاصر الدولة السعودية الأولى:حميدان الشويعر
التي يقول فيها حميدان:
أحدن مبسوط~ ومكيف
¤¤
يأكل و ينعم في داره
إلى جا من السوق مغلدم
¤¤
يلقى له درة محاره
يلقى عذرا يسفر وجهه
¤¤
تجلي همه هو و أكداره
إن جاب شي~ قنعت به
¤¤
و إن ما جا شي~ عذاره
ما قد قالت له وش عندك
¤¤
ترضى بإيساره و إعساره
فلما سمعت صديقي وهو شايلها بنبرة حزينة
فأخذت قصته على لساني وقلت:
أنشرها لأول مرة
§§§§
ياحميدان عندي حرمة
¤¤
ما تملك ذرة شطاره
الله يقطع ليلة عرسي
¤¤
عندي ذاك اليوم خساره
تحنق حليم~ ما يزعل
¤¤
لها خبرة في الكداره
إلى جيت البيت مصيف
¤¤
ألقى جندي في خفاره
تصلح.شاهي.وتنسى السكر
¤¤
و إلا قهوة بدون بهاره
و إلا رز~ طعمه خانس
¤¤
كني آكل كوم نجاره
و ما عصرت لي و لا مرة
¤¤
و أنا شاري لها عصاره
فيها شياطين زرق
¤¤
و هي شيطانه جباره
و لو يجيها شوي عطاس
¤¤
صاحت بصياح الجواره
كلن تسمع له و تصدق
¤¤
عند أهلها مثل الطاره
وعندي _لعنبوها_تعاند
¤¤
بنزين~ تبي شراره
إذا جيت أسولف معها?
¤¤
بلسانها سيوف~ بتاره
تعاملني معاملة شينة
¤¤
كنها بنت~ فيها بكاره
ما تدري صارت عجيز
¤¤
لعنبوها من مكاره
فيها ملح~ طعمه علقم
¤¤
ملح~ زايد مع مراره
دايم تنبح مثل الكلبة
¤¤
و إلا تنهق مثل حماره
ماقد مرة قالت آسف!
¤¤
و ما تكفيني كل أعذاره?
ما يرتاح الواحد لحظة
¤¤
حتى و لو هو في داره
و هي و الله ما تسوى
¤¤
سوت في بيتي أماره
يا شين بيت~ لك يضمك
¤¤
يا شينه لو هو عماره
بيتها حايس قشها منطل
¤¤
مليان~ نعمه و قذاره
وإلا جيت أبرقد معها?
¤¤
تسد نفسي عن جداره
عليها ثوب~ ما يلبس!
¤¤
كنه ?في.التفصيل.ستاره
و طلبات لها غريبة!!
¤¤
كني ألاعب طراره
غير الفرشة_جب شغاله?
¤¤
و نبي جديده سياره
ماتدري.عن.شي~يشرى
¤¤
ولا تفكر في أسعاره
ما يقنعها دبلة و خاتم
¤¤
تبي رشارش و إسواره
و لو تسمعني قايل~ لا
¤¤
ترسل دموع~ حداره
أقوم منها _ما_ قضينا
¤¤
تملا قلبي بالحساره
كنها ? وكيلة إفلاسي
¤¤
لحلالي دايم نثاره
مدري خايفة~من عرسي
¤¤
و إلا بلاها زماره
كنها الدنيا بمصايبها
¤¤
علينا دايم دواره
والضحية غيري بزوري
¤¤
بلوتهم أم~ نزاره
كنهم هياكل عظمية
¤¤
ما تعطيهم لو قراره
ودك من يشنق هاالحية
¤¤
تبي جلاد بقراره
و الله لو قالوا لي ماتت
¤¤
كان أسوق المال بشاره
و الله لو الدولة ترضى
¤¤
كان أدفنها دفن الفاره
بقلمي
بصراحة مرور أخوي نازح الغيد المشكور يجبرني على إضافة هذه الملاحظة: لا يا خوي نازح ماقلت كلهم ؟
أنا أقصد هذه الزوجةبالذات ومن هي على شاكلتها فقط لا غير!!
والحمد لله إنهن لسن بكثيرات ؟
مع العلم بأن هناك أزواج مايستأهلون حتى مثل الزوجة المذكورة في القصيدة؟
صح لسانك على هذه الشامخه وبصراحه مادريت ان الحريم كلهم كذا
<< كان يفكر بالزواج وبطل ههههههه
تقبل مروري
اخوك ,,, نـــ الـغـيـد ـــازح
زعلتنا ، لو مآكتبت ملاحظتك 🙂
نص جميل للغآيه ، استمتعت بقراءته للمره الثالثه ،
وبيني وبينك بعض الرجآل يستآهلون للزوجه اللي كذا ؛)
صح لسآنك شاعرنا المتألق ،
وطآب صبآحك ،
تحيتي /~
قبل اي تعليق
ليت ام العنود تشوف وش انت كاتب علشان تعرف وش معنى كلامك ونشوف انت وش ردة فعلك ياليت والله احد من بنات المنتدى يعرفها تكفووون ياحريم المنتدى اللي تعرفها توصل لها كلام زوجها هههههههههههههههااي
صح السانك يافتى لبده
ابدعت وامتعت
لاعدمتك اخوي
وتقبل تحيات وتقدير
اخووووووووووك
أســــ الغنج ــــير
والله شكله راح بخرايطها هعهع
فتى لبده
ههههه والله من القراده بهالراس
صح لسانك
ولاهنت يالذيب
الف شكرلك
تحياتي
الشمري
كنها بنت~ فيها بكاره
صح لسانك رائعه واسمح لي اخوك يدقق ويربط القصيده من اولها الى اخرها
رائع جدا حميدانيه مدهشه تحيه لك من الاعماق
على قولت الغاليه جبروت ….(لوماذيلتها بملاحظتك كان زعلنا)
والله يصلح الحال
بس للأمانه أبيات في قمة الروعه
قرئتها أكثر من مره
قصيده متماسكه من اول بيت لأخربيت
صح لسانك
ودام هتانك
تحيتي
صح لسانك رووووعه وصف رهييب بس مو كل الزوجات كدا البعض الكثير منهم
بس عن جد قصيده رااائعه
تسلم يافتى
اقول ياليتني شاعره كان وصفت الزوووج
الله يعطيـــــــــــــــــك العافيـــــــــــــــه
بعدين اكيد لك صديق زوجته زينه ماهي مثل زوجة صديقك هذا
يعني مثل ماقلت القصيده هذي لازم تقول
قصيدة مدح لزوجه الحبوبه اللي تستاهل
مايكفي ان تضيف كلمتين نبي قصيده كامله
ولا على ماقال أســــ الغنج ــــير
لاقول لام العنود كل شي تراي اعرفها زين
انا حفظت القصيده لارسالها تراي اسويها تلاحق نفسك
بسرعه قنل لايقع الفاس بالراس
ننتظرك على نفسها جنت براقش
صح لسانك اخوي فتى لبده
والحمدلله ان هذه الفئه ليست متواجده بكثره
والا كان قلنا على الدنيا السلام
لاهنت يالوافي
والمره الجايه نبي قصيده بالمره السنعه *_*
لاعدمتك
تحيتي ~