مقدمة :
امسكت كوب قهوتي الساخنة و اوراقي البيضاء الناصعهـ
و قلمي الاسود و ظليت اكتب روايتي و آنـا متوكله على من قام بخلقي و ابتسامتي لم تفارق وجهي
ظليت اكتب و اقتبست قصص من الواقع كنت اسمع من والدتي و اقبسها في اوراقي
و كذلكـ من اخوتي لاني اصغرهم اسمع ما يدور في حياتهم
و اقتسبت كذلك قصة من حياتي و حياة صديقتي الغالية
ربما تجدون اشياء ليست واقعيه لاني سوف اجعل روايتي ما بين نسيج الخيال و نسيج الوآقع
اتمنى من الله ان يوفقني بها
رجاااء : لا تلهيكم الرواية عن صلواتكم
. . .
السلام عليكم ورحمة الله و بركاته
آنا اسمي اماني و اسمي بعد ام نواف
من اليوم راح احكي لكم قصتي . .
انا تزوجت و عمري 19 سنة تزوجت ابو نواف سنة 1414 و كان اليوم يوم السبت
تزوجت ابو نواف و بعد زواجنا بـ اسبوعين قررنا نسافر لـ المانيا
لقضاء شهر العسل بس ابو نواف خلا الشهر شهرين ما قصر معي في السفره
بس مليت و قلت ابي ارجع لديرتي السعودية بين آهلي و ناسي
المهم بعد السفره الطويله و الفرحه ويا ابو نواف رجعنا السعودية
زوجي رجل اعمال و هذي الشغله كانت حلمه من هو صغير كان يروح مع ابوه
لمجالس الرجاجيل و يشوف العمل و يسوي كل شي مثل ابوه بضبط تربى زوجي ابو نواف بين اربعه بنات و هو الولد الوحيد بينهم بس ما شاء الله عمي ما قصر معه ربه احسن تربيه و خلاه مثل الرجال
بعد ما سكنت في الشقة ويا زوجي كلمت زوجي ابو نواف بخصوص تكملت دراستي
وافق زوجي بس بشرط اكملها بعد سنة يعني لما يصير عمري 20 سنة
وافقت عشان هذا زوجي و على قولت خالتي زوجكـ لازم تسمعي كلامه بكل حرف و توافقيه بكل رأي
بعد ما مرت سنة و لله الحمد على زواجي من ابو نواف . . . من هنا ابدي قصتي وياكم . .
. . .
البارت الاول . .
||●~…
الصباح
صحيت على صوت المنبه طالعت في الساعه و شفت الساعه السابعه
حكيت شعري بخمول و طالعت لاقيت زوجي ابو نواف { خالد } . .
نايم ضحكت بخفه لانه كان نايم مثل الاطفال
وقفت من على السرير و رحت للحمام { اعزكم الله }
بعد ما طلعت من الحمام { اعزكم الله }
دخلت غرفة الملابس و بدلت ثيابي و بعدها خرجت عشان اسرح شعري
سرحت شعري و لفيت على زوجي اللي لحد الحين يتمغطى في الفراش
وجهت له سوأل
قلت بصوتي الناعم المعتاد : لمتى بتظل نايم ؟؟
ضحكـ على نبرة صوتي الناعمه و رفع رأسه لي و بإبتسامة : من قال اني نايم !
ابتسمت و اعطيته ظهري و مسكت الحمره و صرحت احط و انا اتكلم : طيب قوم من على الفراش عشان ما اقول انكـ نايم
رجعت الحمره مكانها و خرجت من الغرفة عشان اطلب فطور
اتصلت على الرسبشن و طلبت الفطور و بعدها دخلت المطبخ سخنت الماي خرجت من المطبخ و توجهت لصالة اللي كان في نصفها طاولة الطعام جلست على الكرسي انتظر خالد يخرج
بعد لحظات قصيره خرج خالد من الغرفة و كان لابس الشماغ و الثوب الابيض و ابتسامته مرسومه على شفايفه و الغمازات واضحه عليه
جلس على الكرسي اللي كان مقابل لي و بإبتسامة حنون وجه لي سوأل : حبيبي ما طلبتي فطور
نزلت رأسي منحرجه من زوجي اللي يتغزل في كل صباح و مساء و قلت له بصوت خفيف : بلا طلبت
ابتسم لي و بعدها بثواني قليله سمعنا صوت الجرس قام خالد و فتح الباب
أخذ الفطور و دخل لدآخل
حط الفطور على الطاولة و رحت جهزت كوبين شاي لي و له حطيت الكوبين في الصينيه و خرجت من المطبخ
شفته يحط الاكل على الطاولة ابتسمت و حطيت الصينيه و جلست
جلس بعد ما رتب الاكل بنتظام و طالع في بإبتسامة مغرورهـ
خالد : حلو ترتيب صح
ضحكت عليه بخجل : اكيد دائم منكـ بيطلع احلى شي
خالد بإبتسامة : فديتكِ و يلؤموني بحبكِ
قلت بغرور : مين اللي يلؤمكـ
خالد بتنهيد و تعب تمثيل : آآآه يا امون الناس يلؤموني الناس
ضحكت و قلت من بين ضحكاتي : خليني اكل خلود
قام يقلدني بصوتي : يلا خليني اكل امونتي ههه
ابتسمت ابتسامة صغيره و بعدها اكلنا بهدوء
||●~…
بعد ما نتهيت انا و خالد من اكل الفطور
قام خالد و وقف عند باب الشقه و قبل ما يخرج قال لي
: حبيبتي اماني عجلي انا انتظركـِ تحت
كنت واقفه عند باب غرفتي ابي ادخل لها بس صوت خالد وقفني بعد ما سمعت وش كان يبي يقول لي
ابتسمت و قلت و انا ابي ادخل
: آن شاء الله حبيبي
بعد ما قلت هذي الكلمات دخلت بسرعه للغرفة و سكرت الباب بشويش
ابتسم خالد و هو واقف عند باب الشقه و بعدها طلع و سكر الباب
دخلت الغرفة و اخذت شنتطي البنفسجية و ضحكت على نفسي و قلت بخاطري
: " صار لي سنة كاملة و للحين استحي لا قالت له حبيبي ههه "
بعد ما قلت هذي الكلمات اخذت الشنطة و خرجت من الشقة
قفلت الباب و رحت للمصعد
ضعط الزر و دخلت داخل المصعد
بعدها وصلت لـ تحت و طلعت من الفندق و قابلت خالد عند باب الفندق مسك يدي و ابتسمت بخجل من وراء النقاب و بادلته مسكت اليد و رحت معهـ لسيارة
وصلنا لمكان السيارة فتح لي الباب و ركبت تخيلت نفسي اني ملكة و هو يفتح لي الباب
كنت حيل مدلعه عند خالد الله يخليه لي
بعدها ركب و ابتسم لي و مسك الدركسون و حركـ من عند الفندق متوجه للجامعه
وصلت للجامعه مسكت مقبض السيارة ابي انزل بس يد خالد وقفتني
ناظرته بإبتسامة من خلف النقاب : وش فيكـ
رد علي بإبتسامة : لا ولا شي بس اتصلي فيني اذا وصلتي لداخل
ابتسمت له : حاضر
نزلت و دخلت الجامعه
دخلت غرفة البنات و نزلت عبايتي و حطيتها بالقرب من شنتطي و فتحت الشنطة و خرجت موبايلي
اتصلت في خالد
اماني : الو حبيبي
رد عليها بفرحه : هلا قلبي وصلتي لداخل صح
قلت و انا منحرجه : آيه يلا مع السلامه
خالد : مع السلامة يا بعد آهلي
قفل بعد ما قال لي هالكلمة ابتسمت و حطيت الموبايل في الشنطة و شفت صديقاتي دخلوا الغرفة
ابتسمت لهم
جائت جنبي صديقتي مها و قالت لي بين ابتسامتها
مها : اخيراً شرفتي يا ست الحسن و الجمال
ضحكت عليها بخفه و بعتها عني بدلع : ايه
تكلمت صديقتي بصوتها المتعودين عليه من ايام الثانوي كان صوتها هاديه حيل
: يلا يا بنات تأخرنا على الحصة
ضحكت عليها بخفه : وين و للي يعافيكـِ بنات انتي و مهاوي بس بنات بس انا متزوجه ههه
قالت صديقتي مها بصوت مدموج فيه الضحكه : و يعني متزوجه اقول لا يكون البنت بعد الزواج تصير ولد !!
ضحكنا عليها و بعدها قلت لهم بصوت جـدي : يلا عاد خلونا نروح قبل لا نتأخر
مها و غادهـ : يلا
رحنا لصف و هذا اول صف احضره بعد سنة درستها في فرنسا لما كان عمري 18 سنة
دخلت الصف و ابتسامتي مرسومه على شفايف الوردية الصغيره و القيت السلام على المعلمة و الطالبات اللي كانوا حاضرين قبلنا
ابتسمت لنا المعلمة و ردت علينا السلام
جلست و كانت غاده على يميني و مها على يساري و انا في بينهم
ابتسمت و ركزت ويا المعلمة
||●~…
وصل خالد لشركة نزل من السيارة
دخل الشركة و استقبله السكرتير الخاص فيهـ
: صباح الخير عمي خالد
ابتسم له و بانت غمزاته : هلا حمد شلونكـ
حمد بأبتسامة : الحمدالله و انت
خالد : الحمدالله على كل حال المهم حمد الحين ابيك تجيب لي كل الاوراق اللي ما وقعتها عشان بأخذ يومين
حمد بإبتسامة : حاضر الحين كل شي راح اخليه جاهز
انسحب حمد بكل احترام من عند خالد
راح خالد عند ابوهـ
طرق خالد الباب
جاء له صوت رجولي من وراء الباب : تـفـضل
دخل بإبتسامة طفوليه على ابوه
سكر الباب بعد ما دخل و جلس على الكرسي اللي كان مقابل لي ابوه
خالد و هو حاط يدهـ على خده : شلونكـ يبه
ابوه اللي كان مشغول في الاوراق اللي بين يدينه : هلا هلا يبه الحمدالله و آنت
خالد : آه الحمدالله بخير دائم الغالي بخير يبه اذا ما عليكـ امر ممكن تتركـ الاوراق شوي
ابو خالد و مازال ممسك بالاوراق و القلم و مشغول فيهم و بصوت فيه عجله : هاه قول وش عندكـ
خالد بوز و كانه طفل : مابي اتركـ اللي في يدكـ عشان اتكلم
ضحك ابوه بخفه و ترك الاورق و نزل النظاره و رفع نظره له : هاه يبه وش تبي تركت اللي في يدي
خالد ابتسم : تسلم يا الغالي مافي شي بس ابي اخذ اجازه راحة لمدة يومين اذا ممكن
حط ابو خالد يده على المكتب و بحيره : امم طيب بس يومين مو اكثر
خالد بإبتسامة : آيه يومين بس
ابو خالد بأقتناع : خلاص طيب روح بس الحين و خلص كل شغلكـ
وقف خالد و كان حدهـ فرحان راح سلم على رأس ابوه
خالد : مشكور يبه كنت عارف و واثق انكـ ماراح ترفض طلبي مشكور يا الغالي
ابو خالد بضحكه : ههه طبعا ما اقدر ارفض ولدي الوحيد بين اربع بنات شلون تبين ارفض لكـ الا ما قلت لي يبه شلونكـ انت و اماني عسا الامور بخير بس
خالد حط يده على قلبه و بتمثيل تعب : آآه يا يبه اماني اماني ذي مخليه قلبي ذايب هايم على حبها
اخترع ابوه وقت ما حط يده على قلبه و قال آه بس بعد ما سمع كلامه ضحك عليه
ابو خالد : خلود يبه هذي تصرفات لا تشوفكـ امك والله غير تذبحك
خالد بضحكه رنانه : ههه ايه مين قدي والله ههه يلا يبه توصي شي
ابو خالد رجع حق الاوراق : لا يبه سلامتكـ
خالد : يلا اجل سي يا
ابو خالد بتسغراب : وش قلت
خالد برتباكـ : آحم لا يبه اقول لكـ اشوفكـ على خير بإذن الله
ابو خالد بصوت جهوري : آيه كذا خليكـ رجال مو سي ما ادري وش اللي قلتها توكـ
خالد بتفاخر : ههه ايه يبه افا عليكـ انا رجل من ظهر رجل بعد
بعد ما قال خالد كلماته استأذن من ابوه و طلع من المكتب و راح حق مكتبه
يتبع . . .
بالتوفيق ي الغلا
بانتظار البارت القادم
واتمنى عند نزول كل بارت تعطيني خبر
بس فيه تعليق بسيط عليها
1_دقيقه جدآ بلوصف وهو الي مكثر البارت تبين اقولك شئ يمكن لو اخذ روايتك واختصرها
تصير تسع او عشر سطور بس مثلآهنا(({جلس على الكرسي اللي كان مقابل لي و بإبتسامة حنون وجه لي سوأل : حبيبي ما طلبتي فطور
نزلت رأسي منحرجه من زوجي اللي يتغزل في كل صباح و مساء و قلت له بصوت خفيف : بلا طلبت}))
ابأختصرهاا(({جلس ع الكرسي المقابل لي وبأبتسامه حنونه :حبيبتي ما طلبتي فطو
نزلت راسي منحرجه منه لأننه يتغزآفيني كل صبح ومساء :بلاطلبت }))
انتبهي لهشئ لأنه مخليها جدآ ممله
تحيااتي
وبتوفيق يالغلا ":
روايتك حلووووووووووووووة تجنن
اسلوبك خيال
واصلي ابداعك الساحر والجميل
اتمنى لك التوفيق
|
المشاركة الأساسية كتبها miss.sosa
 بدآيه جميله
مشكوره بالتوفيق ي الغلا امين يارب بانتظار البارت القادم قريب بأذن الله واتمنى عند نزول كل بارت تعطيني خبر |
ان شاء الله
نورتي يا قلبي
|
المشاركة الأساسية كتبها جذابه وعيونها خلابه
روايتك باين عليها حلوه
مشكوره يا بعدي بس فيه تعليق بسيط عليها عادي اتقبل اي نقد و تعليق . . ^^ 1_دقيقه جدآ بلوصف وهو الي مكثر البارت تبين اقولك شئ يمكن لو اخذ روايتك واختصرها تصير تسع او عشر سطور بس مثلآهنا(({جلس على الكرسي اللي كان مقابل لي و بإبتسامة حنون وجه لي سوأل : حبيبي ما طلبتي فطور نزلت رأسي منحرجه من زوجي اللي يتغزل في كل صباح و مساء و قلت له بصوت خفيف : بلا طلبت})) ابأختصرهاا(({جلس ع الكرسي المقابل لي وبأبتسامه حنونه :حبيبتي ما طلبتي فطو نزلت راسي منحرجه منه لأننه يتغزآفيني كل صبح ومساء :بلاطلبت })) انتبهي لهشئ لأنه مخليها جدآ ممله تحيااتي وبتوفيق يالغلا ": |
ان شاء الله راح انبته لكل شي . .
مشكورهـ صديقني انا فرحانه لان حاطه في بالي ان اللي ينقدون و ينعجبون في الرواية
اكيد هذا شي مصلحة الكاتبـ/هـ و انا اتشرف بهذا شي ^^
نورتي يا غلاي
|
المشاركة الأساسية كتبها ضيافة الدنيا
بصراااااااااحة
روايتك حلووووووووووووووة تجنن يسلمو يا قلبي انتي الحلوه و عيونكـِ اللي تجنن و تهبل اسلوبك خيال مشكوره يا قلبي واصلي ابداعك الساحر والجميل ههه الله يخليكـِ يارب بأذن الله اتمنى لك التوفيق |
آمين و للجميع يارب
اهــلا بكـ عـزيـزتي ..نــورتـي الـقـسم يالــغـلأا..~
اسـلوبكـ حــلو حــيل ..بس انــا مع جـذابهـ .. يعني انـتي بــالغتي شـوي ..بالســرد
ولــاحظي انـي قـلت شــوي ..~
مــوفقهـ حــبـيبـتي بالطــرح ..
ودي لـكـي ..~
دخلت غرفة الملابس و بدلت ثيابي و بعدها خرجت عشان اسرح شعري
سرحت شعري و لفيت على زوجي اللي لحد الحين يتمغطى في الفراش
مثلا هنا لما ذكرتي انها دخلت غرفة الملابس الافضل لو وصفتي لنا ايش هي الملابس الي لبستها …. وبعدين لما ذكرتي خروجها من الغرفة تقولي توجهت عند التسريحة اسرح شعري الطويل او على حسب طول شعرها ولونه واذا قاصته كيف القصة وهي كيف سرحته تركته منسدل او لمته بحركه … بكذا وصفتي لنا مواصفاتها من خلال السرد وتذكري وصف العيون لون البشرة ولون الروج الي استخدمته … بكذا القارئ بيتخيل شكل اماني من خلال الصورة الي وصفتيها انتي
وبعدين لما لفت لخالد تذكري موقع السرير بالنسبة للتسريحة يعني السرير ورى ظهر اماني مباشرة او التفتت لليمين لليسار علشان بعد توصفي لنا الغرفة الي فيها الحدث بتفاصيل بسيطة
انتي قلتي انو اماني اول سنة جامعة اجل كيف قلتي انها حضرت اول حصة المفروض تكون اول محاضرة والمكان القاعة والي تعطيهم المحاضرة اما استاذة او دكتورة مايصير معلمة ….هالاشياء لازم تنتبهي لها علشان لايتشتت القارئ يعني دامها بجامعة مافي فصل ولا معلمة
انتي قلتي انو هالاحداث بعد سنة من الزواج كيف عايشين بفندق هي وزوجها سنة كاملة المفروض اذا مو ساكنين ببيت اهله يكون بشقة في عمارة واماني الي تجهز الفطور مافي رسبشن …هنا استغربت يعني لو كنتي تتكلمي عن بداية الزواج وشهر العسل ماراح استغرب سكنهم بفندق
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
موفقة
|
المشاركة الأساسية كتبها الـــجــازي
الســلام عـليكمـ ورحمـهـ الله وبـركـاتهـ ..~
و عليكم السلام و رحمة الله و بركاته اهــلا بكـ عـزيـزتي ..نــورتـي الـقـسم يالــغـلأا..~ منور بوجدكم فديتكم اسـلوبكـ حــلو حــيل ..بس انــا مع جـذابهـ .. يعني انـتي بــالغتي شـوي ..بالســرد مشكورهـ رأيكـِ اعجبني و شرفني مــوفقهـ حــبـيبـتي بالطــرح .. امين ويا الجميع ودي لـكـي ..~ |
نووورتي يا قلبي