حبيت اكتب اول روايه لي بها المنتدى وهي رواية ( دلوعتي المجنونه ) بقلمي ( Ghla Ro0o7y ) وبما اني مو شاطره بكتابة المقدمات 😊 راح نبدأ بالروايه على طول بس عندي شوية ملاحضات
" ما احلل اي شخص ينقل الروايه من دون ذكر اسمي "
" للامانه الخواطر والاشعار بالروايه منقوله "
( دلوعتي المجنونه )
صحت على صوت المنبه الموجود بغرفتها اليوم " oof " شافت الساعه كانت 10
غاليه : ياويلي تأخرت على ريما والله لتهزئني تهزيئه محترمه من الصباح انا غلطانه كان مفروض من وقت ما صليت الفجر ما انام اووووووف
بعد نص ساعه لبست تنوره سكيني لحد الركبه وبدي ابيض وجاكيت رسمي اسود وبوت لحد الركبه وشعرها البني رفعته فوق ومطلعه قصتها الكثيفه تغطي عيونها البنيه الواسعه كان شكلها حلووو حيل
اخذت شنطه سوداء كبيره حتى تحط ادوات المكياج فيهاا هي وعدت ريما انها بيوم ملكتها راح تضبطها بنفسهاا هي موهبة مكياج تعرف كل شي عن ريما غاليه صوتها حلوو مره وريما تحب تسمعها تغني تعشق صوتها
ريما بالنسبه لها اعز الناس من انتقلو لها الحاره في فلتهم الجديده وريما كل يوم عندها او هي تروح لها واوقات لما يرجعون من الجامعه ريما تقعد عند غاليه او هي تقعد عندها غاليه دلوعة ابوها لانها البنت الوحيده بالعايله وابوها يحب البنات بس ربي ما رزقه الا بغاليه و من يوم انولدت وهو مربيها عدل و ما يرفض لها طلب .. بس امها كانت دايماً تقول له يخفف من دلالها شوي
عندها اخوان واحد اصغر منها واثنين اكبر منها واحد متزوج احمد متزوج اشواق بنت خالته وو عبدالعزيز عزابي وحياته كل ضحك اكبر من غاليه بسنتين بس راشد اخو غاليه الصغير اصغر منها بخمس سنين يدرس غاليه مو مهتمه كثير بالجامعه بس عندها دكتوره تكرها وتكره الجامعه بسببها 😒
احمد عنده بنتين وحده عمرها سنتين فاديه ووحده اربع سنوات ساره
وفي شخص او بالاصح مخلوق تحبه غاليه
حيوووان اليف بسه تحبها غاليه اسمها كاتي
غاليه تحبها حييل ودايماً معها مره دورتها وما لقتهاا كانت تبكي في النهايه لقتها تحت السرير اخذت تهزيئه من عزوز كان معصب منادينه من استراحة الشباب عشان قطوه وفي النهايه تحت السرير
غاليه تدرس بالجامعه علم نفس كلمتها المشهوره " لعزوز " (( انا دخلت علم نفس عشان اعالجك يالنفسيه )) << 😱
اخر سنه لهاا غاليه في اثنين تقدمو لها بس رفضتهم وطبعاً الكل كان رافض انهم ترفضهم بدون سبب بس ابوها قال لهم هي بنتي ومحد له دخل فيهاا ومن بعدها محد تكلم بها السالفه
رن موبايها بأغنية (( وش تبي لراشد الماجد ))
شافت الاسم (( ريومتي ))
ردت وهي ترتب المكياج بشنطة اليد السوداء
غاليه : هلا ريما
ريما : غاليه وينك الساعه 10:30 وانتي لسا ماجيتي
غاليه : سسوري ريما والله ما قمت الا 10 انا ارتب اغراضي واللحين جايه بس البس عباتي
ريما : اوك انتظرك .. بااي
غاليه : بايات
سكرت الشنطه بعد ما حطت الجوال فيهاا اخذت العبايه بسسرعه وطلعت من غرفتها الكبيره
وهي طالعه شافو امها وابوها وعبدالعزيز لابس بدلة الشغل لانه راح يروح لدوام بعد نص ساعه يعني 11
غاليه : صباح الخير
الكل : صباح النور
ام احمد : غاليه انتي اليوم عليك اووف ليه العبايه وين رايحه
عزوز بضحكه : شكلها حالمه بدكتورتها تهزئهاا
غاليه بتكشيره : ها ها ها دمك خفيف .. (( تكلم امها )) يمه اليوم ملكة ريماا بروح لها
ام احمد : طيب يا غاليه روحي الليل مو اللحين الساعه 10:30 عيب تروحين والناس نايمه
عزوز باستهبال : يمه وجهها مصبوغ بمرقه ما عندها مانع لو تنام عندهم
غاليه تكلم امها : يمه هي قايله لي اجيها 10 عشان اسسوي لها مكياجها وبعدين هي قايله لي بما انها وحيده وما عندها اخت وانا ما عندي اخت هي اختي ابي اكوون جمبها
هاااه يبه وش قلت اروح
عزوز يضحك : ههههه هه تسوين لها مكياج ههههه جويل ع الغفله ههههههه والله مصخره
ضحكو ام احمد و راشد على تعليق عزوز هنا غاليه عصبت
غاليه بصراخ : تتمسخر انت ووجهك يالنفسيه
عزوز بضحكه : اقول جويل روحي روحي
غاليه تسفهه وتكلم ابوها اللي يقرا الجريده : يبه عادي اروح عند ريما
ابو احمد : وانا اقدر اقول لغلويتي لاا ؟؟
غاليه تبوس خده : الله لا يحرمني منك .. يالله بااي
طلعت غاليه ولبست عبابتها بالحديقه الكبيره
فتحت الباب لقت كاتي قدامها انصدمت من مطلعهاا بالشارع شالتها ودخلتها داخل وعطتها ماري تسبحهاا
وراحت عند غزوز
غاليه بصراخ : عزوز ووجع ليش مطلع كاتي براا
عزوز :امس وصخت غرفتي وطرتها براا البيت .. بس
غاليه باستهزاء : بس ( وبصراخ ) عزوز ذي اخر مره تطلعها فاهم
عزوز عصب : لا تعالي اضربيني احسن هذا اللي ناقص
ابو احمد بهدوء : اقول عزوز وش رايك تروح انت تضربها مو احسن ( وبصراخ ) ذي اخر مره تطلع كاتي برا فاهم ؟؟
عزوز سكت منصدم عشان قطوه يصرخون عليه اللحين القطوه اغلى منه
غاليه تعيد : فاهم ولا لا
عزوز بهدوء : يبه انا ولدك عزوز تصرخ علي عشان قطوه ؟؟
ابو احمد : ياعزوز اسمع انا ما اصرخ عليك عشان قطوه انا اصرخ عليك لانك طرتها برا بدون سبب مقنع ولانك رفعت صوتك على اختك قدامي
عزوز يبوس راس ابوه : انا اسف يالغالي حقك علي وذي اخر مره اطردها
غاليه كانت بتتكلم بس سكتت لما دق تلفونها : ذي ريماا ياربي تأخرت .. انا رايحه بااي
طلعت من الفله ركض و فتحت الباب وطلعت قطعت الشارع بهدوء ووصلت لبيت ريما المقابل لبيتهم وطقت الجرس وعلى طول فتحت ريما : غلوو وينك تأخرتي مره
غاليه : ريما ريلاكس حبي تونا الساعه اللحين 11 والملكه 7 هدي حبي هدي
ريما تضم غاليه : غلوو تكفين لا تروحين اليوم اقعدي عندي تكفين
غاليه : ريما وين راح اروح انا معك ( وبصراخ ) ريمووو ووجع
ريما انفجعت وبسرعه : وش فيكك نستي المكياج ولا وجهي فيه شي ولا عيني سوداء من السهر اكيد مبين ولا كان ما لاحضتي اذا كان عن المكياج ترى عندي بس اذا عيني فيها هالات وش اسـ ..
هنا غاليه فطست ضحك : ههههههههههههههههههههه بطني هههههه لا لا هههههههههههه ااه هههههههه الله يرجـ ههههههههه الله يرجك لا لا مو كذا كان قصدي انتي ناويه توقفين عند الباب ههههههههههههههههه
ريما عصبت وضربتها على كتفها بخفيف : وجع فجعتيني يلا ادخلي
غاليه بضحكه : بدري
ابتسمت ريما على هبالت صديقتها و جارتها و اختها
ريما : امشي اوريك الفستان
غاليه : فيه احد ولا افصخ الغطاء
ريما : لا فهد مو موجود ولا خالد
غاليه باستنكار : خالد اعرفه بس فهد ميين انا ولا مره سمعتك تتكلمي عنه
ريما : فهد اخوي كبر عزوز اخوك واصدقاء من المتوسط يعني من قبل ماتجو هنا بها الحاره
غاليه : بس هو ولا مره جانا ولا شفته ولا حتى تكلمتوو عنه انتي وعزوز
ريما : انتو لما انتقلتو هنا كان بثالث ثانوي رايح للجامعه وكان رايح يدرس براا عشان كذا ما شفتيه
غاليه : اهاا .. طيب يلا خليني اشوف ثوبك ياعروسه
نزلت ريما راسها بحيا
غاليه تقرص خدها : فديت اللي يستحون
ريما تضيع السالفه : اا انا بروح اجيب لك شي تشربينه
غاليه فهمتها : جيبي لي فطور لاني ما افطرت
ريما تأشر على عيونها : من عيوني
غاليه تفتح باب غرفة ريما : تسلم لي عيونك بس لا تتأخرين اوك
ريما : اوك
دخلت غاليه غرفة ريما واول مادخلت شغلت التكييف ع الحار لان الجو حيل بارد نزلت عبابتها وانسدحت ع السرير تتفرج بمجله وبدت تقلب بصفحاتها شوي
انفتح الباب ما طالعت الا لما سمعت الصوت الرجولي : ريماااا بسألك وين مفتاح السياره ؟؟!
اول ما سمعت الصوت قامت بسرعه من السرير قعدت شوي تطالع الشخص اللي واقف قدامها شعره اسود فيه شويه لمعه لحد رقبته حاطه على ورا لابس بدله رسميه كان حلو مره انتبهت على نفسها و عطته ضهرها
وهو حس على نفسه وطلع وسكر الباب
تنهدت برااحه وقعدت على السرير صارت ترتجف بقوه متفشله
دخلت ريما تضحك : ههههه تقولين ما شفتيه هذا هو فهد شفتيه وش صار يعني ههههههه
غاليه طالعت فيها وقالت : هذا فهد والله حسبالي خالد يشبهه مره
ريما وهي تقعد ع السرير : ايواا هو يشبه خالد او بالاصح خالد يشبهه بس الصراحه فهد احلى
غاليه تضيع السالفه : اي طيب وين الفطور
ريما تضحك : هههه اي صرفي صرفي ( وبصراخ ) البيض احترق
وطلعت ركض للمطبخ وغاليه تضحك عليها
الساعه 2 الضهر
عند فهد
من الساعه وحده وهو يحاول ينام بس ما جاه النوم كان يفكر في البنت اللي شافها اليووم سبحان الله تجنن بمعنى الكلمه والله كان ودي ما اطلع بس مسكينه كسرت خاطر وهي ترتجف ووجهها احمر رحمتها ابتسم وهو يتذكر شكلهاا الله يخليها لاهلها بس من هي قام بسرعه وهو يقول : لقيتها مالي غير ريما
هي صديقتها واكيد تعرفها اصلن هي للحين هنا ليتني اشوفها مره ثانيه يارررربي اخذ مفتاح سيارته وطلع من غرفته
كان بيطلع من البيت عشان يشتري الاغراض حقت الملكه
انصدام لما شاف صديقه من المتوسط
فهد بصراخ : عزيز
غزوز طالع فيه مبتسم واقف بمكانه مو مستوعب وفهد كان يمشي وحضنه بقوه
عزوز بهمس : فهد ( وبصراخ ) فهيييد
فهد يبعد عنه : والله اشتقت لك
عزوز : يلعن خيرك ياشيخ صايرر احلى مني لها الدرجه الامريكيات لهم تأثير ؟؟
فهد بضحكه : الله لايوريك يطيحون الطير من السما يخبلون الله لا يوريك
عزوز بأستهبال : وجع وش الله لا يوريك الا الله يوريني ويوريني كثير بعد
فهد : ههههههههههه الا انت وش جابك هنا
عزوز يضرب جبهته : يووو نسيت اختي طالبه مني اجيب ثوبها وهذا هو بالسياره
فتح عزوز السياره وطلع ثوب غاليه وعطاه فهد
فهد بأبتسامه : اختك هنا ؟؟
عزوز بأستهبال : اي اختي سابقاً انا تبريت منها اجل في وحده تزور الناس الساعه 10:30 كنها عجوز
فهد بضحكه " اخيراً عرفتها اكيد ذي غاليه اخت عزوز الصغيره والوحيده الله يخليها لهم "وبابتسامه" ولي: طيب انا بدخله داخل وراجع لك نتمشى شوي لاتروح
عزوز : بسرعه لا تتأخر
الساعه 7 المغرب
عند ريما
كانت قمه بالروعه مع فستانها الكحلي كان طويل وماسك لحد الركبه و بدون اكمام مع تسريحه رافعه فيها شعرها و فيها خصل طالعه مسويتها كيرلي
غاليه
فستانها كان لحد الركبه لونه بيج ومطرز باسود اكمامه حفر مع قصة صدر واسعه شعرها كيرلي طايح على كتفها وما فكرت ترفعه مثل ريما لانها ماتحب
مكياجهم سوته غاليه وكان ناعم ومعقول
دخلت غاليه على ريما : مبررروك يامزه
ريما بنبرة خوف واضحه : الله يبارك فيك
غاليه جلست جمبها : وش فيك ريموو ؟؟
ريما وعيونها تلمع بدمعه : غاليه اخاف يكون مو زين وما يخليني اجيكم او يضربني او ..
قاطعتها غاليه : بس بس بس هو واد عمك وصديق اخوك وتعرفينه من يوم كنتو صغار وحلوو وطيب ويخاف ربه صح ولا لا ؟؟
هزت ريما راسها بأيه
غاليه بأبتسامه : حلوو وبعدين شوفي اهل امه اذا عندهم واحد حلوو قولي لي عشان اشبك معاااه
ضحكت ريما على هبالة غاليه
دخلت ام ريما ومعها الدفتر وشافتهم
ام ريما : يلا يا بنتي وقعي
ريما بخوف : لا خلاص ما ابي
اما ريما بعصبيه على غير العاده : وليش انشالله لعبه هو يوم ايه ويوم لاا
غاليه بأبتسامه : خاله مريم انا بتفاهم معهاا
(( غاليه تقول لام ريما خاله احتراماً لها عشان كذا ما كانت تدري ان ولدها الكبيراسمه فهد لان الكل يناديها مريم ))
انتهى البارت الاول
رااح اكمل اذا شفت تفاعل واتمنى ماتحرموني من توقعاتكم
ودي وحبي لكم
صراحه انا كنت ناسيه الروايه يمكن صار لي شهرين منزلتها وما جاني ولا رد فجاني احبط شديد وقررت اني ما اكملها
ولعيون الجوري راح اكملها اتمنى تكونين من متابعيني ….
البارت الثاني
ضحكت ريما على هبالة غاليه
دخلت ام ريما ومعها الدفتر وشافتهم
ام ريما : يلا يا بنتي وقعي
ريما بخوف : لا خلاص ما ابي
اما ريما بعصبيه على غير العاده : وليش انشالله لعبه هو يوم ايه ويوم لاا
غاليه بأبتسامه : خاله مريم انا بتفاهم معهاا
(( غاليه تقول لام ريما خاله احتراماً لها عشان كذا ما كانت تدري ان ولدها الكبيراسمه فهد لان الكل يناديها مريم ))
طلعت ام ريما وتركتهم بروحهم
اول ما طلعت التفت غاليه على ريما : ريموو حياتي سمعيني زين انتي تحبينه ؟؟
ريما بهدوء : ايه احبه واموت فيه بس ..
غاليه : لابس ولاهم يحزنون وقعي وعيشي مع اللي كنتي تحبينه ومازلتي تحبينه ، وش ضمنك انه اول ما ترفضين توقعين يتزوج غيرك
عند الرجال
فهد : وش فيهم تأخرو
غزوز بضحكه : هه شكلهم رفضو
علي بحقد : عزوز اسكت لا يجيك كف يعدل ملامح وجهك
(( علي وعزوز يعرفون بعض من الاستراحه والشباب وبكذا صارو اصدقاء خصوصاً لما عرفو ان فهد يصير صديق عزوز وعلي ولد عم فهد ))
فهد : خالد روح شوف وش السالفه
((خالد بـ 3 ثانوي اكبر من راشد بسنه بس علاقته مع راشد عاديه ))
خالد بابتسامه : ابشر ما طلبت شي
فهد باستغراب من خالد : طيب يلا روح
طلع خالد و قبل ما يطلع غمز لعزوز وراشد عزوز طالع راشد وراشد فهمه وعلى طول طلع
ابو احمد : عبدالعزيز وين راح راشد
عزوز وهو يفتش بوكه : راح يجيب الكاميرا عشان نصور فهد ونسيبه
(( الملكه ما فيها الا عايلة علي وعايلة ريمابس عشان فهد وريما عزمو عايلة ابو حمد بس حمد ما جا ))
دخل راشد ومعه الكاميرا وبدا يحط ع الفديو واول ماحط على الفديو كلها ثلاث ثواني حتى دخل خالد وجهه احمر والربكه على عيونهم
علي بربكه : وش فيك ؟؟!
خالد : اااا… اا ريما رفضت توقع وتقول انك مو حلو وما تبيك
علي بصراخ : والدنيا فوضى يوم ايه ويوم لا لاحبيبي راح تتزوجني غصب عنها مو على كيفها اتكشخ وفي النهايه ( وبستهزاء ) مو حلو
فهد بهدوء : انا اسف علي عن جد ما كنت متوقع ريما تسوي كذا علي انا اعرف ريما مو بهشكل بس الله يهديها يمكن من الربكه بس انا بروح وبشوف
علي مسك يده وبحده : لا تروح ولاشي اساساً انا اللي الحين ما ابيها
( وقعد وطالع عزوز اللي مبتسم ) وانت ليش مبتسم ؟؟
عزوز : كذا مزاج
خالد : لايكون انت اللي تحبها
عزوز بربكه : اا لا لا اكيد مو انا
علي بصراخ : بعد طلعت تحب حبتها القراده الله ياخذ…
عزوز من دون شعور وبدفاع : لاتدعي عليها هي مالها ذنب اذا كانت ما تحبك الحب مو غضب
ناظر فيه علي بنضرات خلته يكره عيشته : الله ياخذك معها يالمتخلف
عزوز بهدوء وقف عند الباب وطلع 500 وعطها خالد وبهدوء : اكثر شي يهدم العلاقه بين الزوجين هو عدم الثقه
علي بصراخ هز المكان : وانت خليت فيها ثقه ؟!
عزوز ابتسم ابتسامه استفزازيه وطلع 500 وعطاها راشد وطلعو خالد وراشد بسرعه بس راشد اعطا عزوز الكميرا وبدا يصور : شوي شوي وخليني افهمك
علي : وش تفهمني يا مريض ؟؟
عزوز بغموض : فهد تعال شوي (( جا فهد وهو اللي فاهم كل شي )) امسك ذي (( وعطاه الشماغ والطاقيه والعقال )) وذي بعد وكمل انت تصوير (( اعطاه الكاميرا ))
عزوز يحط الشماغ على كتفه ويرفع ثوبه ويربطه من عند وسطه واخذ الطاقيه والعقال بيده وبضحكه ما قدر يكتمها : ههههههه تعيش وتاكل غيرها ههههههه
وهرب بسرعه
علي مو مستوعب لسا اما فهد وابو علي اللي كانو يدرون عن الموقف فطسو ضحك بس ابو احمد تفشل بس بعد ما عرف ان ابو علي يدري ارتاح نسبياً
عند البنات
ريما : غاليه ووجع خلاص انكتمي
غاليه : هههههههههههه ريوم والله اسفه بس هههههه ما اقدر
ريما بعصبيه : وجع انشالله صدق سخيفه انا برا في الحديقه اذا خلصتي تعالي زين (( وطلعت ))
ام احمد : غاليه روحي شوفي البنت ترى جد مصختيها
مي اخت علي الوحيده : انا بروح اشوفها
غاليه بضحكه : لا خلاص ميوش انا بروح
مي ابتسمت وقعدت
(( مي اخت علي الوحيده وهي بصف ثالث ثانوي سمرا وشعرها بندقي وعيونها واسعه شوي وعندها غمزات تزيد من جمالها ))
وراحت غاليه الحديقه شافت ريما قاعده ع العشب وواضح انها زعلانه
قعدت جمبها وباستها على خدها : ريمو لا تزعلين مني ترى امزح
ريما بهدوء : مزحك ثقيل
غاليه : وش نسوي عشان ريوم ترضى ؟؟
ربما وهي تغمض عيونها وتثني ركبتها ووتحط راسها على ركبتها وبهدوء : انتي تعرفين
غاليه فهمتها : وش تبين اغني لك
ريما بأبتسامه : اممم امم ببساطه
غاليه ابتسمت : من عيوني
وبدت تغني بصوتها الحلو الناعم وبهدوء في الحديقه من دون ما تعرف عن الشخص اللي واقف وراها بالظلام وبالزاويه :
في واحد هنا عارف نفسه لما ببص بحسه بحسه بهواه دوب البي ولمسه … الخ
: هاااه رضيتي
ريما : اكيد طيب يلا ندخل قبل لا يطلع احد
غاليه : يلا
ريما : صح نسيت باخذ كميرتك من فهد واجيك
غاليه بتوتر : امانه بسرعه فيها صوري
ريما : اوك انتي ادخلي
دخلت غاليه بتوتر من دون تحس بالشخص اللي في الزاويه
فهد طلع من الظلام : يااحلو صوتها يا ريما
ريما بخرعه : يممممممه .. انت من متى هنا
فهد : من يوم بدت المزيونه تغني
ريما وهي تسحب الكاميرا من ايده : انا اقول بلا قلة ادب وعطني الكاميرا ولا تحلم فيها لانها ما راح توافق عليك
فهد بتكشيره : وليش انشالله
ريما : كذا ما تبي تتزوج تقدمو لها اثنين ورفضتهم
فهد راح قسم الريجيل وهو معصب
ريما بخفوت : الله يستر
: ريومتي (( وهو يحاوط خصرها )) ما اشتقتي لي ؟؟
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
الروايه اعجبتني
بجد حلوه وروعه
متى البارت الجاي
تحييااااااتي ومودتي
ننتظر بقيه الروايه
ننتضر البارت الجاي
يـسـلـمـوا
كميلي بلييز
ننتظر البارت الثاني حبيبتي
واعجبتني شخصية عزوز وغاليه
وعلي بعد بكرامته
بس الله يعين غاليه من فهد شكله حطها براسه
اتوقع بيتزوجها بلغصب مدرري ليش
تعليق بسيط..
كبري الخط واتعمقي في سرد الموقف
تحياتي
وبتوووفيق..♕♔★♚
|
المشاركة الأساسية كتبها وردة الزيزفون
 صباح الخير ……ياهلا فيك عزيزتي بغرام …….موفقة بطرحك ….. حبيبتي انتي ببدايتك اصبري شوي وان شاء الله تلاقي تفاعل يرضيك تقدري تحطي لك اعلان بالمجلس
القوانين / الإطلاع هام و الإلتزام ضروري وهذا الموضوع راح يفيدك ياليت تطلعي عليه |
شكراً عن جد افادني كثير ميرسسي ياعسل