تذكّرت من شـدّت رحالـه عـن البلـد=
تجيبه لي الذكرى علـى غيـر ميعـادي
عفا الله .. عن نفسٍ لها بالرجـا سنـد=
تربّص بها الحرمان في كـل مرصـادي
توجّد على ظبـيٍ كسـر شوكـة الأسـد=
يبي يقطع المعـروف مابيـن الاجـوادي
جفل من قبل يـارد علـى المـا ولا ورَد=
كما الريم يجفـل لا لمـح زول صيـادي
سبقني كما برقٍ سبـق ضوحـه الرعـد=
أخيله.. وقلبـي ينجـذب لـه وينقـادي
وتحدّر مثـل غيـثٍ تحـدّر بـه البَـرَد=
وتتابـع بديـمٍ مايجـي فيـه رعّــادي
ربطني بحبلٍ مثـل حبـلٍ مـن المِسَـد=
عقَـد بأولـه موتـي وتاليـه ميـلادي
عيوني من اسبابه تقـل تشكـي الرمَـد=
جفاها المنـام وحاربـت كـل مرقـادي
تصبّرت واعياني بـه الصبـر والجَلَـد=
وسوا بـي طعـونٍ قديمـات واجـدادي
جرى ماجرالي في غرامـه مـن الجَهَـد=
يقـدّ الضمايـر قـدّة السيـل للـوادي
إذا هب نسناس الهـوى يثنـي الجسـد=
لاجل ماتشق الثوب غضّـات الانهـادي
هَني .. الخليج الفارسي بينهـن سجـد=
ليا دغدغه ريحٍ ضحك موجـه الهـادي
ألا ياربيـعٍ مارعـت قـفـره الـبـدد=
سِمَك فوقه المبني بـلا طنـب واوتـادي
على ضيق لبسه ضاق صدري من الحَسَد=
وغبطت الثياب اللي على بعض الاجسادي
ملاكٍ ولـه قصـرٍ مشيّـد علـى العمـد=
تطوف الكواعب به جماعات و افـرادي
تبسّم بوجهي وابتسـم لـي بـه السَعَـد=
مثل ماتبسّم فـي لقـاي أصغـر أولادي
وهمس لي بثغـرٍ ذوّب الله بـه الشَهـد=
سرى مثل صوت الناي باحساس قصّادي
كثر مايواعدنـي .. ولا يوفـي الوعـد=
كثر مايسافربـي .. مـن بـلاد لبـلادي
صغيرٍ ولا له فـي دروب الهـوى عَهَـد=
خجولٍ .. جفولٍ .. له مثولٍ مهو عـادي
عليه الحيا ماشفـت لونـه علـى أحَـد=
سوى الديدحان اللي على وجنتـه بـادي
عيونه .. عيون اللي كفخ ساعة الهـدد=
ونظراته الوجلا .. تقل سيـف جـلاّدي
أبـد مايخالفـنـي ولا نختـلـف أبــد=
عدا .. يوم راودته لزم موقـف حيـادي
وفقدت الصواب وحدت عن مسلك الرشد=
ودلّيـت دربٍ مايدلّـه سـوى الغـادي
نويـت أتمـادى واندفـع لآخـر الأمَـد=
واظن الهدايه بالهوى .. مثل الالحـادي
وتفلّت مثـل طفـلٍ تفلّـت مـن المَهَـد=
ومنه العَرَق صـار يتصبـب ويـزدادي
نزل من على مجرى نهوده يابـو فهـد=
مثل ما نزل دجله .. على صدر بغـدادي[/poem]
عقَـد بأولـه موتـي وتاليـه مـيـلادي
عيوني من اسبابه تقـل تشكـي الرمَـد
جفاها المنـام وحاربـت كـل مرقـادي
ابداع طال عمرك
الله لايهينك على ذا الهلاليه
تقبل تحياتي
والشعراء يقولون مالا يفعلون ^^
لاهنت
🙂
كل عام وانت بخير
وصح السانك وعلاء شانك
بوح جميل يلغالي بس ياليت تحدد مصدر القصيده يعني تكتب بقلمي او تكتب منقول مع العلم بأنني على ثق بأنها بقلمك والله العالم لأن اغلب آل هذال كلهم شعراء ولكن هذي شروط المنتدى يالغالي
<< وصل سلامي لأخوك الاطرق ولاعليك امر
لاعدمتك وتقبل تحياتي
اخوووووووووووك
أســــ الغنج ــــير
شاعر متميز وسبق قرأت لك قصيدة
ياليت في المشاركات القادمة تتفضل وتكتب اسفل النص
بقلمي حفظآ لحقوقك وتبعآ لقوانين القسم وانا اختك
ومساك اجمل
يعافيك ربي وفي انتظار جديدك
وسـوا بـي طعـونٍ قديمـات واجـدادي
جرى ماجرالي في غرامه مـن الجَهَـد
يقـدّ الضمايـر قـدّة السيـل لـلـوادي
إذا هب نسناس الهـوى يثنـي الجسـد
لاجل ماتشق الثـوب غضّـات الانهـادي
اخو دحام ما اروع ما كتبت وما اجملها كلمات مثل النهر الجاري تبهج القلب وتطرب العين فكيف بأذنين
لا هنت صح لسانك
تقبل مروري
دمت لمن تحب
اختك
مين قدي انا؟؟
|
المشاركة الأساسية كتبها دحام بدر الهذال
 [poem font="simplified arabic,6,red,normal,italic" bkcolor="transparent" bkimage="" border="solid,4,black" type=1 line=1 align=center use=ex num="0,black"]
تذكّرت من شـدّت رحالـه عـن البلـد= تجيبه لي الذكرى علـى غيـر ميعـادي عفا الله .. عن نفسٍ لها بالرجـا سنـد= تربّص بها الحرمان في كـل مرصـادي توجّد على ظبـيٍ كسـر شوكـة الأسـد= يبي يقطع المعـروف مابيـن الاجـوادي جفل من قبل يـارد علـى المـا ولا ورَد= كما الريم يجفـل لا لمـح زول صيـادي سبقني كما برقٍ سبـق ضوحـه الرعـد= أخيله.. وقلبـي ينجـذب لـه وينقـادي وتحدّر مثـل غيـثٍ تحـدّر بـه البَـرَد= وتتابـع بديـمٍ مايجـي فيـه رعّــادي ربطني بحبلٍ مثـل حبـلٍ مـن المِسَـد= عقَـد بأولـه موتـي وتاليـه ميـلادي عيوني من اسبابه تقـل تشكـي الرمَـد= جفاها المنـام وحاربـت كـل مرقـادي تصبّرت واعياني بـه الصبـر والجَلَـد= وسوا بـي طعـونٍ قديمـات واجـدادي جرى ماجرالي في غرامـه مـن الجَهَـد= يقـدّ الضمايـر قـدّة السيـل للـوادي إذا هب نسناس الهـوى يثنـي الجسـد= لاجل ماتشق الثوب غضّـات الانهـادي هَني .. الخليج الفارسي بينهـن سجـد= ليا دغدغه ريحٍ ضحك موجـه الهـادي ألا ياربيـعٍ مارعـت قـفـره الـبـدد= سِمَك فوقه المبني بـلا طنـب واوتـادي على ضيق لبسه ضاق صدري من الحَسَد= وغبطت الثياب اللي على بعض الاجسادي ملاكٍ ولـه قصـرٍ مشيّـد علـى العمـد= تطوف الكواعب به جماعات و افـرادي تبسّم بوجهي وابتسـم لـي بـه السَعَـد= مثل ماتبسّم فـي لقـاي أصغـر أولادي وهمس لي بثغـرٍ ذوّب الله بـه الشَهـد= سرى مثل صوت الناي باحساس قصّادي كثر مايواعدنـي .. ولا يوفـي الوعـد= كثر مايسافربـي .. مـن بـلاد لبـلادي صغيرٍ ولا له فـي دروب الهـوى عَهَـد= خجولٍ .. جفولٍ .. له مثولٍ مهو عـادي عليه الحيا ماشفـت لونـه علـى أحَـد= سوى الديدحان اللي على وجنتـه بـادي عيونه .. عيون اللي كفخ ساعة الهـدد= ونظراته الوجلا .. تقل سيـف جـلاّدي أبـد مايخالفـنـي ولا نختـلـف أبــد= عدا .. يوم راودته لزم موقـف حيـادي وفقدت الصواب وحدت عن مسلك الرشد= ودلّيـت دربٍ مايدلّـه سـوى الغـادي نويـت أتمـادى واندفـع لآخـر الأمَـد= واظن الهدايه بالهوى .. مثل الالحـادي وتفلّت مثـل طفـلٍ تفلّـت مـن المَهَـد= ومنه العَرَق صـار يتصبـب ويـزدادي نزل من على مجرى نهوده يابـو فهـد= مثل ما نزل دجله .. على صدر بغـدادي[/poem] |
ومقطوعة تشبه ( النواسيات )
دحام بدر الهذال
واعلان التمرد على التكرار والقصيدة الخجولة والتقليدية
دحام بدر الهذال
ورائعة جريئة فيها من الجمال مايجعلها مشروعة للمتلقي
اذهلني التصوير في هذا البيت:
(تبسّم بوجهي وابتسـم لـي بـه السَعَـد
مثل ماتبسّـم فـي لقـاي أصغـر أولادي )
ولم استغرب جماله لمعرفتي بامكانيات شاعره
نقطه: ورد في تعليق اخي (العنادي ) اشارة للقصيدة بأنها ( هلاليه ) والصحيح انها تنتمي للبحر الطويل
وهو بحر عربي( فعولن مفاعيلن .. فعولن مفاعيلن ) ( دخلت سوق الذهب قصدي اشتري دبله.. هدية ٍ للحبيب اللي على بالي )
اما البحر الهلالي فهو بحر لايقبل الايقاعية مما يجعله صعب الغناء.. وهو بحر له موسقة معينه ويعتبر سماعي وليس غنائي باستثناء ( تمطيطه ) على آلة ( الربابه )بغناء اشبه بالمواويل.
المعتلي هامة النبل والنقاء
اخي
وصديقي ( دائماً )
ابـــــو خـــــــــــــــــالد
لا استغرب الجمال من الجميلين
فقد كنت جميلا ً كعادتك
اقبل مروري
اخوك
سعد
اشكركم على المرور واعتذر عن التاخير
شكرا لكم